எண்ணங்கள் அழகானால்...

உனக்கு பிடித்ததும் எனக்கு பிடித்ததும்! - கவிதை

2012-02-11T22:05:00.000-08:00

தொட்டிலில்
தூங்கிக் கொண்டிருந்த‌
நம் அன்புக் குழந்தையின்
முதல் பிறந்த நாளுக்கு!
ஆடை வாங்குவது பற்றி!
கட்டிலில் அமர்ந்தபடி
பேசிக்கொண்டிருந்தோம்!

முதல் பிறந்தநாள்!
வாழ்க்கை முழுவதும்
மங்களகரமாய் இருக்க!
உனக்கு பிடித்த‌
மஞ்சள் நிறத்தில்
ஆடை எடுக்கலாம்!
என்கிறாய் நீ,

முதல் பிறந்தநாள்
வாழ்க்கை முழுவதும்
பசுமையானதாக இருக்க!
எனக்கு பிடித்த
பச்சை நிறத்தில்
ஆடை எடுக்கலாம்!
என்கிறேன் நான்,

இருவரும்
சொன்னதையே
சொல்லிக்கொண்டிருக்க!
பேச்சு விவாதமாகி!
விவாதம் சண்டையாகி!
தலையணைகளால்
தாக்கிக்கொண்டோம்!
உன் இடை பற்றி
இழுத்தவுடன்!
என் தோள் பற்றி
சாய்ந்து கொண்டாய்.........
........................................
............................!

கூடி களைத்த பின்,
முத்தமிட்டபடி,
உனக்கு பிடித்த
மஞ்சள் நிறத்திலேயே
ஆடை எடுக்கலாம்!
என்கிறேன் நான்,
இல்லை! இல்லை!
உங்களுக்கு பிடித்த‌
பச்சை நிறத்திலேயே
ஆடை எடுக்கலாம்!
என்கிறாய் நீ!
ஆரம்பித்தோம்
அடுத்த சண்டையை....
................................!

மறுநாள் மாலை
வாங்கி வந்த‌ ஆடையில்!
மஞ்சளும் பச்சையும்!
சமமாய் கலந்திருந்தது!
நம்மைப் போல்!

மனைவியானவள்! - கவிதைகள்

2012-02-09T22:14:00.000-08:00

தாமதமாகத் தொடங்கி
நீடித்துப் பெய்யும்
மரத்தடி மழையாகவே
உன் காதல்!

**************************

அவசியங்கள் எதுவுமற்று
அன்பால் எழுதப்பட்டதால்
நிபந்தனைகளின்றி நீடிக்கிறது
நம் இருவருக்கும்
பொதுவிலான
கற்பெனும் நற்குணம்!

**********************************

*வலிமையான முத்தம்*

மகிழ்ச்சி
நிறைந்த நேரங்களில்,
ஆசையாக‌
உதடுகளில்
கொடுத்ததை விட!

கவலை
மிகுந்த தருணங்களில்
ஆறுதலாக‌
நெற்றியில் கொடுத்தது
அதிகம் இனிக்குதடி!

******************************

வானத்தில் ஹைக்கூ - கவிதைகள்

2012-02-05T20:36:00.000-08:00

1)
மேகங்களில்
பொம்மை செய்து
விளையாடும் குழந்தை
காற்று!
     ******
2)
காற்றில் கரையும்
பலவண்ண கற்பூரம்
வானவில்!
    ******
3)
கீழ்நோக்கி வளரும்
மழையின் வேர்கள்
வானத்தில் இருக்கிறது
மின்னலாக!
     ******
4)
பதினெட்டு பட்டிக்கும்
ஒரே ஸ்பீக்கர்
இடி!

தாய்மொழி - கவிதை

2012-02-01T06:32:00.000-08:00

நேற்றைய பயணத்தின்

கூட்ட நெரிசலில்

காலை மிதித்துவிட்டு

"SORRY" என்றவனிடம்

சண்டையிட்டு வந்த நான்!

இன்றைய பயணத்தின்

கூட்ட நெரிசலில்

காலை மிதித்துவிட்டு

"மன்னிச்சுடுங்க " என்றவனிடம்

புன்னகைத்தபடி வருகிறேன்!

வார்த்தைகளின் வலிமை

மொழியில் இருக்கிறது‍...!

ம‌ழலை கவிதைகள்! - படக்கவிதை

2012-01-27T23:32:00.000-08:00

அம்மாக்களுக்கான

குழந்தைகளின் கவிதைகளும்

குழந்தைகளுக்கான

அம்மாக்களின் கவிதைகளும்

முத்தங்களாலேயே

எழுதப்படுகின்றன!

ஹைக்கூ...! - படக்கவிதை (மீள்பதிவு)

2012-01-23T04:18:00.000-08:00

தினமும்

பருகினாலும்

திகட்டாத நீர்...

காதல்.....

******************************
2}

மனம் நிறைந்த

சிரிப்பில்

எல்லோரிடமும்

இருக்கிறது!

அழகு!...

*******************************
3}

மனம் ஒன்றிய

பிரார்த்தனைகள்

எளிதில் சாத்தியமாகிறது !

துன்பங்களால்.....

*******************************

உலகம் விரும்பும் உன்னதபருவம்! - கவிதை - மழலை தொடர்பதிவு

2011-11-21T21:45:00.000-08:00

ஒவ்வொரு மனிதனும் தன் வாழ்வின் அதிக நேரத்தை கவலைகளற்று மகிழ்ச்சியாக கழித்த பருவம் குழந்தை பருவமாகத்தான் இருக்க முடியும்! பிறந்தது முதல் எட்டு வயது வரை உள்ள காலத்தை குழந்தை பருவமாக கருதலாம்! பணம் சம்பாதிக்கவோ சொத்து சேர்க்கவோ கவலைகள் இல்லை, காதல் காமம் போன்ற சபலங்கள் இல்லை! ஒரு மனிதனின் வாழ்க்கையில் ஒவ்வொரு நிலையிலும் குழந்தைகளை பற்றிய எண்ணம் மகிழ்ச்சியளிப்பதாகவே இருக்கிறது! இளைஞனாக இருக்கும்போது தன் குழந்தை பருவத்தை நினைத்தால் மகிழ்ச்சிவரும், நடுத்தர வயதில் தனது குழந்தைகளை பார்த்து மகிழ்ச்சிவரும், முதுமையில் தனது பேரக் குழந்தைகளை பார்த்து மகிழ்ச்சி வரும். குழந்தைகளின் நினைவுகளும் அழகானவை, குழந்தைகளின் தோற்றங்களும் அழகானவை

அழகிய விதமாய் தலை வாரவில்லை!
புருவத்தின் இயல்பை சீர் செய்யவில்லை!

உதட்டிற்கு சிவப்பு சாயமிடவில்லை!

முகத்திற்கு அழகூட்ட எதுவும் பூசவில்லை!

கழுத்திலும் உடலிலும் ஆபரணங்கள் இல்லை!

விலைஉயர்ந்த நாகரீக ஆடையுமில்லை!

கையில் மணிகாட்டும் கடிகாரமில்லை!

காலில் எந்த காலணியுமில்லை!
ஆனாலும்
அழகாய் இருக்கிறது குழந்தை!

குழந்தை பருவம் என்றவுடனே முதலில் நினைவுக்கு வருவது அம்மாவுக்கும் குழந்தைக்குமிடையிலான அன்பு, ஒரு தாய் தன் குழந்தையை அன்பு மிகுதியில் வித விதமான வார்ணனைகளாலும், வார்த்தைகளாலும் கொஞ்சும் அழகும், அம்மா அடித்தாலும் அம்மாவையே கட்டிக்கொண்டு , அம்மா.. அம்மா என அழும் குழந்தைகளின் அன்பும் வார்தைகளால் விவரிக்க முடியாத அன்புக்கவிதைகள்! வீட்டிற்கு வெளியில் வீரவ்சனம் பேசிக்கொண்டும், வெட்டி பந்தா செய்துகொண்டும் இருக்கும் பல அப்பாக்கள், வீட்டுக்கு வந்ததும் குழந்தையோடு குழந்தையாக மாறி அவைகளின் மழலை கேள்விகளுக்கு பொறுமையாக பதிலளித்துக்கொண்டிருப்பது மழலை அன்பின் மகத்துவங்களில் ஒன்று!

அம்மாக்களுக்கான

குழந்தைகளின் கவிதைகளும்

குழந்தைகளுக்கான

அம்மாக்களின் கவிதைகளும்

முத்தங்களாலேயே

எழுதப்படுகின்றன!

எனக்கு நினைவில் இருக்கும் நிகழ்வுகளில் 6 வயது சிறுவனாக இருக்கும்போது விஜயகாந்த் நடித்த "கரிமேட்டுக் கருவாயன்"(86-87) என்ற திரைப்படத்திற்கு குடும்பத்துடன் சென்றிருந்தபோது, அப்படத்தில் விஜயகாந்த் பழிவாங்குவதற்காக நிறைய பேரை வெட்டிக் கொடூரமாக கொலை செய்வார், என் அருகிலிருந்த என் அம்மா படத்தின் ஒவ்வொரு கொலை செய்யும் காட்சியிலும் நான் அந்த காட்சியை பார்க்காதபடி தன் கைகளால் என் கண்களை இருக்க மூடிக்கொள்வார், தன் குழந்தை பயந்துவிடக்கூடாது என்ற அந்த அக்கறை இன்றும் பசுமையாக என் நினைவில் இருக்கிறது!

குழந்தை மற்றும் சிறுவர்களின் விளையாட்டும் நட்பும் வியப்பிற்குரியது , விடுமுறை நாட்களில் மாலை நேரத்தில் வீட்டு வாசலில் அமர்ந்து டீ குடித்துக்கொண்டே தெருவில் விளையாடும் சிறுவர்களை ரசிக்கும் நிகழ்வு அற்புதமானது! விளையாடும்போது சண்டையிட்ட சிறுவர்களால் பெற்றோர்கள் பெரிய அளவில் சண்டையிட மறுநாள் எதையும் மனதில் வைக்காமல் எப்போதும்போல் சேர்ந்து விளையாடும் குழந்தைகளின் நட்பு நல்ல நட்புக்கு சிறந்த உதாரணம்! குழந்தை பருவத்து ச‌கோதரபாசம் சிறு சிறு சண்டைகள் நிறைந்திருந்தாலும் அதில் உண்மையான அன்பு ஒளிந்திருக்கும்! அவைகள் என்றும் உற்சாகம் தருபவை!குழந்தைகள் பொம்மைகளையும் சிறு விளையாட்டுப் பொருட்களையும் வைத்து விளையாடும் அழகு சுவாரஸ்யங்கள் நிறைந்தது! பொம்மைகளை குளிப்பாட்டி சோறூட்டி தோழமையோடு பரமாரிக்கும் நிகழ்வுகள் ரசிக்கத்தக்கவை!

உடைந்த கை

திருகிய கால்

களைந்த முடி

அழுக்கேறிய ஆடை

அலங்கோலமான தோற்றம்!

ஆனாலும் சிரித்துக்கொண்டேதான்

இருக்கின்றன பொம்மைகள்

உன்னுடன் இருப்பதால்!

குழந்தைகளின் சிரிப்பும் விளையாட்டும், கேட்கும் கேள்விகளும், மிக அழகான விசயங்கள் , நீங்கள் எவ்வளவு மன இருக்கத்தில் இருந்தாலும் சிரித்துகொண்டிருக்கும் ஒரு குழந்தையை சற்றுநேரம் கவனித்துக் கொண்டிருங்கள், உங்கள் மன இறுக்கம் கண்டிப்பாக குறையும், சாலையிலோ பேருந்திலோ பயணிக்கும்போது எதிர்படும் குழந்தைகளில் நிச்சயம் இதை உணர்ந்திருப்பீர்கள்!

குழந்தை பருவத்து பள்ளி நினைவுகள் என்றும் இனிமையானவை! அழுதுகொண்டே பயணிக்கும் முதல் பயண‌ம் ஒவ்வொரு பெற்றோர்களுக்கும் மறக்கமுடியாது! பிறகு அழுகையின்றி மகிழ்ச்சியாக பயணிக்கும் நாட்களும், வளரும் பள்ளிகூட நிகழ்வுகளும் நட்புகளும் நம்மில் ஒவ்வொருவருக்கும் நம் நினைவுகளில் பசுமையானவை, திரும்ப கிடைக்காதா என ஏங்கவைக்கும் பருவம் இது!

இப்போதெல்லாம் நீ

பள்ளிக்குச் செல்லும்போது

அழுவதை நிறுத்திவிட்டாய்

இன்னும் நிறுத்தவில்லை

நீ விளையாடும் பொம்மைகள்!

எனக்கு தெரிந்த சில மழலை நினைவுகள்!

எனது சித்தப்பா பையன் (5) எப்போதும் அவர்கள் வீட்டில் இரண்டு டம்ளர் காபி குடிக்கும் பழக்கம் உடையவன், ஒரு உறவினர் வீட்டிற்கு வந்திருந்தபோது அங்கு கொடுத்த ஒரு டம்ளர் காபி போதாது ஒன்னொரு டம்ளர் காபி வேண்டும் என அடம்பிடிக்க, சித்தப்பா கோபத்தில் ஒரு டம்ளர் தண்னீரை கலந்து குடிச்சுக்கோ என்று சொன்னதும் ஓடிச்சென்று ஒன்னொரு டம்ளரில் நீரை எடுத்து கலந்து இரண்டு டம்ளர் காபியாக மாற்றி குடிக்க முயற்சித்து சுவை பிடிக்காமல் கீழே கொட்டிவிட்டு ஓடிவிட்டான்.

எங்கள் ஊர்திருவிழாவிற்கு பாட்டி வீட்டிற்கு உறவினர்கள் எல்லோரும் வந்திருந்த போது, குழந்தைகளாகிய எங்கள் எல்லோருக்கும் இரு கைகளிலும் மருதாணி அரைத்து வைத்து விட்டனர், நாங்கள் எல்லோரும் தூங்க பெரியவர்கள் பேசிக்கொண்டிருக்க, தூக்கத்தில் என் அத்தை பையன் ஒருவன்(8) என்ன கனவு கண்டானோ தெரியவில்லை திடீரென்று ஒவ்வொரு விரலாக வாயில் வைத்து மருதாணியை தின்ன ஆரம்பித்துவிட்டான், அதை பார்த்தவர்கள் நீரை தெளித்து துக்கம் தெளியவைத்து துப்ப வைத்தனர் இப்போதும் நாங்கள் அவரை " வாங்க மருதாணி தின்ன மச்சான்" என்று கேலியாக அழைப்பது வழக்கம்!

என் அத்தை பையன்(7) ஒரு நாள் பள்ளியிலிருந்து தமதமாக வீட்டுக்கு வர "ஏண்டா லேட்" என அத்தை கேட்க "மழை பேஞ்சுச்சுமா.. அதான் கொஞ்சம் கொஞ்சமா வந்தேன்" என்று அவன் சொல்ல எல்லோரும் ரசித்து சிரித்தார்களாம்.( மழையால் நின்று நின்று மெதுவாக வந்ததை அப்படி சொல்லியுள்ளன்)

இதுபோல் இன்னும் எவ்வளவோ மழலை நிகழ்வுகள் நம் ஒவ்வொருவர் வாழ்விலும் நிறையவே இருக்கலாம்! அத்தனையும் இனிமையானவை,

இன்றைநாளில் பணம் சம்பாதிப்பதின் நோக்கமாகவும், தனிக்குடும்பத்தின் காரணமாகவும் குழந்தைகளுடன் பெற்றோர்கள் செலவிடும் நேரம் குறைந்து வருகிறது! முடிந்தவரை குழந்தைகளுடன் அதிக நேரம் செலவிடுங்கள், அன்பையும் அளவாக கண்டிப்பையும் கொடுத்து அவர்கள் வாழ்வை வளப்படுத்த வேண்டியது நம் பொறுப்பு!

பள்ளி முடிந்து, நீ

வீடு திரும்பும் நேரத்திற்காக

உன் வீட்டுவாசலில்

ஆவலோடு காத்திருக்கும்

பூச்செடிகளையும்

நாய்க்குட்டியையும்

பார்த்து பொறாமைபடுகிறார்களாம்

உன் வேலைக்குச் செல்லும்

பெற்றோர்கள்!

இன்றைய குழந்தைகளின் அறிவுத்திறன் வியக்கவைக்கிறது, ஆனால் ஆரோக்கியம் கேள்விக்குறியாக இருக்கிறது! ஓடி ஆடி விளையாடும் பழக்கம் குறைந்தும், இயற்கைக்கு அப்பாற்பட்ட உணவுமுறையும் அதிகமாகவும் ஆகிவிட்டதே இதற்கு காரணம், அதை முதலில் மாற்றவேண்டும் பழங்கள் காய்கறிகள், பருப்பும் பயறுவகைகளை குழந்தையில் இருந்தே உண்ணப்பழக்க வேண்டும், குழந்தைகள் இருக்கும் வீட்டிற்கு சென்றால் , சாக்லேட், ஐஸ்கிரீம்,பாக்கெட் ஸ்நாக்ஸ் போன்றவற்றை குறைத்து பழங்களை வாங்கி கொடுங்கள்! அவர்களுக்கு ஆரொக்கியமும் இயற்கை வளங்களின் மீதான அக்கறையையும் அதிகமாக நாம் பழக்கப்படுத்தி எதிர்கால தலைமுறையை சிறந்ததாக மாற்றுவோம்!

~நம்பிக்கைபாண்டியன்

குறிப்பு :- வலைபதிவுலகில் பல நண்பர்கள் மழலைகள் குறித்து தொடர்பதிவு எழுதியும், அழைப்பும் விடுத்து வருகின்றனர், அதில் எனது சிறு பங்களிப்பு என் கவிதைகளுடன், (படக்கவிதையாக தனிபதிவு வரும்)! இதை படிக்கும் நண்பர்கள் நீங்களும் தொடருமாறு நட்புடன் அழைக்கிறேன்!

உயிர் வருத்தம்! - காமெடி கவிதை!

2011-11-19T00:19:00.000-08:00

ஒரு உயிர் பிரிந்ததற்கான
எவ்வித வருத்தங்களுமற்று
எப்போதும்போலவே இருந்தது வீடு!

"டி.வி யில் மூழ்கியிருந்த மகள்
வாசலில் விளையாடும் மகன்
தண்ணீர் பிடிக்கும் மனைவி
சமைத்துக் கொண்டிருந்த அம்மா
செய்தித்தாள் வாசிக்கும்அப்பா!" என

யாருக்கும் அக்கறை இல்லை
என்று புலம்பியபடி
நானே எடுத்து
வெளியில் எறிந்தேன்
வீட்டிற்குள்
இறந்துகிடந்த எலியை!

நட்பு மழை! - படக்கவிதை

2011-11-11T03:53:00.000-08:00

வெயிலும், மழையும்

எதிரிகளாகவே இருக்கின்றன!

வெயில் வலிமையாக

இருக்கும் பொழுதுகளில்

மேகங்களுக்குள்

மறைந்துகொள்கிறது மழை!

மழை கடுமையாக

இருக்கும் பொழுதுகளில்

காணாமல் போகிறது வெயில்!

மழையின் சுவடுகளை

அழித்துச்செல்கிறது வெயில்

வெயிலின் காயத்திற்கு

மருந்திடுகிறது மழை!

வெயிலும் மழையும்

சந்திக்கும்

அரிய மாலைப்பொழுதில்

பூக்கிறது

வானவில் என்றொரு

அழகிய நட்பு!

அழகிய பொய்கள்! - படக்கவிதை (மீள்பதிவு)

2011-11-07T03:18:00.000-08:00

அழகிய பொய்கள்!

'புத்தகத்து மயிலிறகு
குட்டி போடும்!
மழை பெய்யும்
திசை சொல்லும் விட்டில் பூச்சி!
வெள்ளை கொக்கு
கையில் மச்சம் போடும்!

எறும்பின் கண்களுக்கு
நாமெல்லாம் அரக்கர்கள்!
பழவிதையை தின்றால்
வயிற்றில் மரம் முளைக்கும்!
ரயிலேற்றிய
தண்டவாளக்காசு காந்தமாகும்!

பசுஞ்சாணத்தில்
இடி விழுந்தால் தங்கமாகும்!
இரவில் விசில் ஊதினால்
பாம்பு வரும்!
கடவுள் குளிப்பதால்தான்
மழைபெய்கிற‌து

பனிரெண்டு மணிக்கு
புளியமரத்தில் பேய் வரும்!
சுடுகாட்டு சாம்பல் பூசி
மண்டை ஓட்டுடன் வருவான்
நள்ளிரவு குடுகுடுப்பைகாரன்!

கொடிக்காய் பழவிதையை
பழுதின்றி உரித்து
ஜன்னலில் வைத்தால்
வீட்டிற்கு விருந்தாளி வருவார்கள்!
கோவில் சுவற்றில்
தேர்வுஎண் எழுதினால்
கூடுதல் மதிப்பெண் கிடைக்கும்!

திரைப்படத்தில் வாகனங்கள்
வேகமாக‌செல்லும் காட்சிகளுக்கு
படச்சுருளை வேகமாக‌சுற்றுவார்கள்!
விமான‌த்தில் செல்பவர்கள்
எல்லோரும் வெள்ளைகாரர்கள்!
இரண்டாயிரமாவது ஆண்டில்
உலகம் அழியும்! 'என‌

இப்போது நினைத்தாலும்

அழகாகவே இருக்கின்றன!
குழந்தை பருவத்தின்
குற்றமில்லாத பொய்கள்!

கவிதைகளாகவும் இருக்கலாம்! 2 - படக்கவிதை

2011-11-05T10:02:00.000-07:00

சுவையான உணவை

எங்கு உண்டாலும்

உடனே வந்துவிடுகிறது

அம்மாவின் நினைவு!

ஹைக்கூ!

என்ன மகிழ்ச்சியோ

எங்கு விழுந்தாலும்

துள்ளிக் குதிக்கின்றன

மழைத்துளிகள்!

நெடுந்தூரம் பறந்துவரும்

பறவைகளின் ஓய்வுக்காகவே

ஆங்காங்கே காத்திருக்கின்றன

சில ஒற்றை மரங்கள்!

எதிர்வினை - சிறுகதை (வம்சி சிறுகதை போட்டிக்கு)

2011-11-02T07:11:00.000-07:00

எதிர்வினை - சிறுகதை

ராஜேஷ் அவனது அறை நண்பர்களிடம் "இன்று இரவு என் பார்ட்டி, எல்லா செலவும் என்னுடையது" என்றவுடன் என்ன காரணம் என்று அனைவரும் கேட்டனர். "கடந்த ஒரு மாதாமாக போனிலேயே பேசிக் பஸ்டாப்பிலேயே சந்தித்த அந்த பெண்ணை நாளை நேரில் சந்திக்கப்போகிறேன். அவள் வீட்டில் யாருமில்லையாம் வரச்சொன்னாள்,நாளை என் அலுவலகத்திலும் லீவ் சொல்லிவிட்டேன் நாளை முழுவதும் ஒரே ஜாலிதான்" என்று கண்சிமிட்டினான் ராஜேஷ்.

ராஜேஷ் பிரபல நிறுவனத்தில் உதவி மேலாளர் பொறுப்பில் இருக்கும் 27 வயதும், எடுப்பான தோற்றமும், சாமர்த்தியமான பேச்சும் க் இளைஞன். அவனுக்கு கீழ் இருப்பவர்களின் அன்றாட பணிகளை ஒருங்கிணைத்து மேலாளரிடம் சமர்பிப்பது மட்டுமே அவன் பணி, சில மணிநேரம் மாலை நேரத்தில் மட்டுமே வேலை இருக்கும், மற்ற நேரங்களில் கம்ப்யூட்டரிலும் செல்போனிலுமே அதிகம் மூழ்கியிருப்பான், இணையதள சாட்டிங்கில் சந்திக்கும் பெண்கள், சில நேரங்களில் ராங் நம்பர்களில் கிடைக்கும் பெண்கள், என அனைவரிடமும் பேசி எளிதில் நண்பனாகி விடுவான், அவர்களின் மனப்போக்கை அறிந்தபின் சற்று பலவீனமானவர்களை தன்வசப்படுத்தி "காரியம்" சாதித்துக்கொள்வான், பிறகு அவர்களை தவிர்த்து விட்டு அடுத்த முயற்சியில் இறங்கிவிடுவான்.

"எப்படி உன்னால் மட்டும் இப்படி பெண்களை எளிதில் உன் வலையில் வீழ்த்த முடிகிறது? உனக்கு எங்கேயோ மச்சம் இருக்குடா!" என்றான் குமார். "கொடுத்துவச்சவண்டா நீ வாழ்ந்தால் உன்ன மாதிரி வாழனும் "என்றான் குரு ராஜேஷ் பெருமிதத்தில் சிரித்துக்கொண்டிருந்தான் . "ரொம்ப புகழாதிங்கடா அவன் செருப்படி வாங்கிய கதை எல்லாம் எனக்குதான் தெரியும், முதலில் எச்.ஐ,வி. டெஸ்ட் செய்ய வேண்டும் இவனிடம்" என்றான் சந்தோஷ். "இது உன் வாழ்வில் அடிக்கடி நடப்பதுதானே அப்புறம் என்னடா புதுசா இதுக்காக பார்ட்டி என்றனர் அனைவரும். "பாதுகாப்பாக தவறுகள் செய்யும் போது பயப்படத்தேவையில்லை" என தன் தவறை நியாயபடுத்தினான் ராஜேஷ்!

"இது என் வாழ்வில் நான் அடையப்போகும் 25 வது பெண் அதனால்தான் இந்த வெள்ளி விழா பார்ட்டி என்றவனிடம் "இதையும் கூட குறித்து வைப்பாயா" என்று கிண்டலடித்துக்கொண்டே பார்ட்டியை ஆரம்பித்து உற்சாகபானத்தில் மிதந்து கொண்டிருந்தனர்,

"எனக்கென்னவோ நீ இப்படியே தவறான வழியில் போய்க்கொண்டிருப்பது நல்லதில்லை எனத் தோன்றுகிறது" என்று வழக்கம் போல அறிவுரையை ஆரம்பித்தான் சந்தோஷ். ராஜேஷ் சிரித்துக்கொண்டே "நல்லவனவே இருந்து என்ன சாதிக்கப்போகிறோம் இறந்த பிறகு சிலையா வைக்கப்போகிறார்கள், இருக்கும் வரை சந்தோசமாக வாழ்ந்துவிட்டு போய் விடவேண்டும்! மாட்டிக்கொள்ளாமல் தவறு செய்வதில்தான் நம் சாமர்த்தியம் இருக்கிறது! சரியா, தவறா என்பது பற்றி எல்லாம் கவலைப்படக்கூடாது" என்று அவன் அறிவுரைக்கு முற்றுப் புள்ளி வைத்தான்.

மறுநாள் காலை அவளுடைய வீட்டிற்கு அருகில் சென்ற அவளுக்கு பல முறை போன் செய்தான் அவள் எடுக்கவில்லை, என்ன செய்யலாம் என யோசித்திக்கொண்டே பக்கத்து சாலையில் இருந்த கடையில் சிகரெட் ஒன்றை வாங்கி பற்றவைத்து, ஒரு டீயை வாங்கி குடித்துவிட்டு அரை மணி நேரம் கழித்து "செல்லக்குட்டி" என்ற பெயரில் சேமித்த அவள் எண்ணிற்கு மீண்டும் அழைத்தான் , அழைப்பை ஏற்று தான் முக்கிய வேலையில் இருப்பதாகவும் அரைமணி நேரம் கழித்து மீண்டும் தானே அழைப்பதாகவும் கூறினாள்! அதே கடையில் நின்று மேலும் இரு சிகரெட்டுகளையும் ஒரு டீயையும் காலிசெய்தான்,

ஒரு மணி நேரத்திற்கு பிறகு அவளாகவே போனில் அழைத்து " இன்று வேண்டாம் ,நீ புறப்படு! இன்னொரு நாள் நானே சொல்கிறேன், இரண்டு நாட்களுக்கு போன், sms என எதுவும் செய்யாதே, என் சூழ்நிலை சரியில்லை" என்று சொல்லி இணைப்பை துண்டித்தாள், மிகுந்த ஏமாற்றத்துடன் அருகில் இருந்த தியேட்டரில் ஒரு படத்தை பார்த்து,மாலை கடற்கரை சென்று , இரவு பாரில் நன்கு குடித்துவிட்டு அறையில் வந்து தூங்கிவிட்டான்.

அடுத்த நாள் காலை தாமதமாக எழுந்ததால் அவசரமாக அலுவலத்திற்கு புறப்படும்போது நான்கு போலீசார் வீட்டிற்குள் வந்தனர். "நேற்று நடந்த கொலைக்கும் உனக்கும் தொடர்பு இருப்பதால் உன்னை கைதுசெய்கிறோம் " என்றபடி கையில் விலங்குடன் நின்றிருந்தார் இன்ஸ்பெக்டர் . என்ன கொலை என்று கேட்டபோது அருகிலிருந்த அன்றைய செய்திதாளை எடுத்து என் கையில் கொடுத்தார் இன்ஸ்பெக்டர் அதில் " சென்னையில் இளம்பெண் கொடூரகொலை, கொலை செய்த கணவன் தற்கொலை "என்றபெயரில் இருந்த செய்தில் நேற்று தன் வீட்டுக்கு வரச்சொல்லி ஏமாற்றி அனுப்பியவள் பிணமாக கிடந்தாள். ராஜேசிடம் அவன் செல்போனை வாங்கிய இன்ஸ்பெக்டர் அதிலிருந்த "செல்லகுட்டி" எண்ணையும் அந்த எண்ணுக்கு அனுப்பப்பட்ட & பெறப்பட்ட sms கலையும் பார்த்த்உ முகம்சுழித்தார்,

பின் அவனிடம் "அவளை கொலை செய்த கணவன் "அவளுடைய கொலைக்கும் என் தற்கொலைக்கும் காரணம் அவளுடைய சில கள்ளக்காதலர்கள்தான்" என் கடிதம் எழுதிவைத்து தற்கொலை செய்துள்ளான். அவளுடைய செல்போனை வைத்து நாங்கள் விசாரித்த வரையில் கடந்த ஒரு மாதமாக நீதான் அவளுடன் அதிகம், தொலைபேசி மற்றும் sms வழியாக பேசியிருக்கிறாய், நேற்று கொலைசெய்யப்படுவதற்கு சற்று முன் வரை அவளுக்கு வந்த , மிஸ்டு கால், டயல்டுகால், ரெசிவ்டு கால் அனைத்தும் உன்னுடைய எண்தான், நேற்று முழுவதும் நீ அலுவலகத்திற்கும் செல்லவில்லை, அவள் வீட்டருகே இருந்த கடையில் இரண்டுமணி நேரமாக இருந்திருக்கிறாய்" கொலையை நீ செய்யாவிட்டாலும் அவள் கொலைசெய்யப்படுவதற்கு நீதான் முக்கியகாரணமாக இருந்திருக்கிறாய், இனி தண்டனையிலிருந்து தப்பிக்கவே முடியாது ராஜேஷ்" என்றபடி கையில் விலங்கை மாட்டினார் இன்ஸ்பெக்டர்.

" செய்த தவறுகளில் இருந்து தப்பித்தாக பெருமைப்படும் ஒருவன், ஒரு நாள் செய்யாத தவறால் பாதிக்கப்படும்போது நிச்சயம் வருத்தப்படுவான்" என்று எப்போதோ சந்தோஷ் சொன்ன அறிவுரை நினைவுக்குவர, கதறி அழ ஆரம்பித்தான்.

வம்சி நடத்தும் பதிவர்களுக்கான சிறுகதைப் போட்டி!

http://www.mathavaraj.com/2011/10/blog-post_02.html

நூடுல்ஸ் - சிறுகதை (வம்சி சிறுகதை போட்டிக்கு)

2011-10-31T03:44:00.000-07:00

பிரகாஷ் வீட்டிற்குள் வந்ததும், சற்றுமுன் பணி முடிந்து வீட்டிற்கு வந்து. தொலைக்காட்சியில் மூழ்கியிருந்த விஜி சட்டென எழுந்து சமையலறைக்குள் நுழைந்தாள், உடை மாற்றிவிட்டு அவனும் சமயலறைக்குள் வந்தான், இருவரும் ஒருவரை ஒருவர் பார்த்துக்கொண்டனர், அவனாக பேசுவான் என்று அவள் எதிர்பார்த்தாள், அவளாக பேசுவாள் என்று அவன் எதிர்பார்த்தான் இருவரும் பேசிகொள்ளவில்லை, தண்ணீரை குடித்து விட்டு தொலைக்காட்சி முன் அமர்ந்தான் பிரகாஷ்

விஜி பிரகாசுடன் பேசி இன்றோடு மூன்று நாட்கள் ஆகிவிட்டது! இருவரும் ஒரே மென்பொருள் துறையில் அதிக சம்பளத்தில் வேலை பார்க்கும் காதல் தம்பதிகள், பிரகாஷ் விஜியை விட அந்த நிறுவனத்தில் மூன்று வருடம் சீனியர், ஒரே அலுவலகத்தில் வேலை பார்க்கும்போது அவ்வப்போது நட்பாக பேசிகொண்ட பழக்கம். புத்தகம்,கதை, கவிதை, திரைப்படம் என பல விதங்களில் ஒரேவித ரசனை கொண்டவர்களாக இருந்ததால் நாளடைவில் அது காதாலாக மாறியது! முதலில் இருவர் வீட்டிலும் மறுத்தாலும் சில நண்பர்கள் உதவியுடன் சமாதானம் பேசி நிச்சயிக்கப்பட்ட திருமணத்தில் இணைந்தனர்.

இப்பொழுது இருவரும் அதிக சம்பளத்திற்காக வேறு வேறு நிறுவனங்களுக்கு மாறிவிட்டனர். காதலிக்கும்போது பிடித்த குணங்களை மட்டும் கவனித்து ரசித்தவர்கள் திருமணமாகி சில மாதங்களுக்கு பிறகு பிடிக்காத குணங்களை குறை சொல்லி கண்டிக்கத்தொடங்கும்போது பிரச்சனைகள் ஆரம்பமானது, ஒரே ரசனை கொண்டவர்கள் என்பது காதலுக்கு காரணமாக இருந்தது போல் அதுவே பிரச்சனைகள் பெரிதாகவும் காரணமாக இருந்தது, அவளுக்கு கோபம் வந்தால் அவனுக்கும் கோபம் வருகிறது, சண்டைக்குப் பின் அவள் முதலி இறங்கி சமாதானத்திற்கு வராமல் அவன் இறங்கி வரட்டும் என நினைப்பாள் , அவளும் அவன் இறங்கி வரட்டும் என நினைப்பான், இருவருக்குமே ஈகோ அதிகம்.

இப்படியே ஒரு வாரம் கூட ஒரே விட்டிற்குள் பேசிக்கொள்ளாமல் இருப்பார்கள், பிரகாஷ் வெளியில் சாப்பிட்டு வருவான், விஜி அவளுக்கு மட்டும் சமைத்து சாப்பிட்டுக்கொள்வாள், ஒரு வாரத்திற்கு பிறகு அடிக்கடி இவர்கள் வீட்டிற்கு வரும் நண்பர்கள் அல்லது உறவினர்கள் யாராவது வீட்டிற்கு வரும்போது எதுவுமே நடக்காதது போல் பேசிக்கொண்டு அதை அப்படியே தொடர்ந்து இணைந்துகொள்வார்கள், அவ்வப்போது பிரிதல் சேர்தல் என சில மாதங்களாக இது தொடர்கிறது, அந்த பிரிவுக்காலம் இருவருக்குமே மிக இம்சையானதாவே இருக்கும் ஆனால் இருவ்ரும் அதை வெளிகாட்டமாட்டார்கள்,

மற்ற தம்பதிகளைப்போல் அன்றைய சண்டைக்கு அன்றே சமாதானமாகிவிடவேண்டும் என்ற ஆசை இருந்தாலும் அதற்கு தான் முதலில் இறங்கிச்செல்ல வேண்டும் எண்ணத்தை, இத்தனை வருடங்களாக அவர்களுடன் வளர்ந்து வந்த ஈகோ எண்ணம் தடுத்தது! இதற்கு ஏதேனும் தீர்வு காணவேண்டும் என்று நினைத்த படியே தொலைக்காட்சியில் இருவருக்கும் பொதுவாக பிடித்தமான, எழுத்தாளர்களுக்கும் இலக்கியத்திற்கும் முக்கியத்துவம் கொடுக்கும் அந்த சேனலுக்கு மாற்றினான் பிரகாஷ். அந்த சேனலின் அன்றைய நேர்காணல் நிகழ்ச்சியில் பிரபல புதுக்கவிதை மற்றும் நவீனத்துவ எழுத்தாளர் தமிழன்பனும், அவரது மனைவி மரபு கவிதை மற்றும் பாரம்பரியம் பற்றி எழுதும் கவிதாயினி ரமணிகா வும் பங்கேற்று பேசிக்கொண்டிருந்தனர்.

அவர்களிடம் பேட்டியாளர் கேட்ட பல்வேறு கேள்விகளுக்கு சுவாரஸ்யமாக பதில் சொல்லிகொண்டிருந்ததை, விஜி, பிரகாஷ் இருவருமே சற்று தள்ளி அமர்ந்து ஆர்வமாக ரசித்துக்கொண்டிருந்தனர். அப்போது நிகழ்ச்சியின் பேட்டியாளர் " தம்பதிகளாக இருந்தாலும் எழுதுவதில் இருவரும் நிறைய முரண்பாடுகளுடன் இருக்கிறீர்கள், உங்களுக்கு நிச்சயம் சண்டை வரும் எப்படி சமாதானம் ஆவீர்கள்" என்று கேள்வி ஒன்றை கேட்டார், அதற்கு தமிழன்பன் சில நேரங்களில் அவுங்களே வலிய வந்து பேசிருவாங்க நாங்க சமாதானம் ஆகிடுவாங்க, சில நேரங்களில் என் மீதே அதிக தவறு இருக்கும் அப்போது அவுங்க பேச மாட்டாங்க, எனக்கு கொஞ்சம் ஈகோ அதிகம், அதானல் நானும் வலிய போய் பேச மாட்டேன் அதுக்கு பதிலா அவுங்களுக்கு ரொம்ப பிடிச்ச எதாவது ஒன்ன வாங்கிட்டு போவேன், அது நான் மன்னிப்பு கேட்பதாக அர்த்தம், , "வார்த்தைகளால் மன்னிப்பு கேட்க முடியாத சில இடங்களில் செயல்களால் மன்னிப்பு கேட்பது சுலபம்!" என்னை அவுங்க புரிஞ்சுகிட்டு சிரிச்சுடுவாங்க,அப்புறம் சகஜமாகிடுவோம் என்றார்'. அடுத்த சில நிமிடங்களில் நிகழ்ச்சி முடிவடைந்துவிட்டாலும் அவர் சொன்ன விசயம் மனதில் ஓடிக்கொண்டே இருந்தது. அதைப்பற்றி சிந்தித்துக்கொண்டே வீட்டை விட்டு வெளியேறி சாலையில் நடக்க ஆரம்பித்தான் பிரகாஷ்,

இனி நாமும் அவளுக்கு பிடித்ததை வாங்கிகொடுத்து உடனே சமாதானமாகிவிட வேண்டும், அவளுக்கு என்ன பிடிக்கும் என யோசித்தான் பெரிய பட்டியலே வந்தது, அதில் இப்பொழுது உடனே வாங்கக்கூடியது என்ன என்று நினைத்தபோது "நூடுல்ஸ்" நியாபகம் வந்தது, காதலிக்கும்போது உணவகத்திற்கு செல்லும்போது பலநேரங்களில் நூடுல்ஸ்தான் ஆர்டர் சொல்லி சாப்பிட்டிருக்கிறார்கள்!, திருமணமான புதிதில் வீட்டில் சாதம் சமைக்காத நேரங்களில் நூடுல்ஸ்தான் சமைத்து சாப்பிட்டிருக்கிறார்கள், உடனே அருகில் இருந்த கடையில் ஒரு நூடுல்ஸ் பாக்கெட்டை வாங்கிக்கொண்டு வீட்டிற்குள் வந்தான் பிரகாஷ்,

முதலில் எதாவது பேசி அவளிடம் இதை கொடுப்போமா? அல்லது இதை வாங்கி அவள் சிரித்த பின்பு எதாவது பேசுவோமா? என்று யோசித்துகொண்டே சாப்பிடும் மேசையில் அமர்ந்தான், அப்பொழுது விஜி சமையலறையிலிருந்து சூடாக ஆவிபறக்க அவனக்கும் பிடித்தமான சமைத்த நூடுல்ஸுடன் அவன்முன் வந்து நின்றாள், அவன் கையிலிருந்த நூடுல்ஸ் பாக்கெட்டை அவள் பார்த்தாள், அவள் கையிலிந்த சூடான நூடுல்ஸை அவன் பார்த்தான்.சற்றே கலங்கிய கண்களுடன் இருவரும் சிரித்துக்கொண்டார்கள். அதன்பின் அவர்களின் சண்டைகளை அப்போதே தீர்க்கும் அவர்களுக்கு பிடித்தமான "நூடுல்ஸ்" இப்பொழுது அவர்களின் குழந்தைக்கும் பிடிக்கிறது!

(குறிப்பு:- ஒரேவித ரசனைக்காக மட்டும் காதலிப்பவர்களின் வாழ்க்கையில் அதே ரசனையே பிரச்சனையை ஏற்படுத்துகிறது என்ற ,எப்போதோ ஏதோ ஒரு கதையில் படித்த கருத்தை இதில் சேர்த்திருக்கிறேன்)

வம்சி நடத்தும் பதிவர்களுக்கான சிறுகதைப் போட்டி!

http://www.mathavaraj.com/2011/10/blog-post_02.html

வினை - சவால் சிறுகதை-2011

2011-10-28T10:51:00.000-07:00

காவல்துறை உயரதிகரிகளின் முக்கிய கலந்தாய்வில் இருந்த எஸ்,பி.கோகுல்ராமின் கையில் இன்பார்மர் விஷ்னு அனுப்பிய கடிதம் கொடுக்கப்பட்டதும் மிகவும் பரபரப்பாக இருந்தார்.
விஷ்னு சென்னையின் மாநகர பகுதியில் உள்ள
ஒரு தனியார் டிடெக்டிவ் ஏஜென்சியின் உரிமையாளர் தயாளனுக்கு உதவியாளராக புதிதாக பணிக்கு சேர்ந்துள்ளவன், ஒருவரை பின் தொடந்து உளவு பார்த்து அவர்கள் பற்றிய தகவல்களை திரட்டி அனுப்புவதே அவர்களின் பணி, பல்வேறு காரணங்களுக்க்காக இந்த பணியை பலருக்கு செய்தாலும்
காவல்துறைக்காகவும் சில முக்கிய வழக்குகளில் உதவுவார்கள்,

உளவுத்துறை சமீபத்தில் "வெளிநாட்டு தீவிரவாதிகளின் புதிய திட்டத்தின் படி ஒரே ஒரு தீவிரவாதி மட்டும் நட்டிற்குள் வந்து இங்கிருக்கும் உள்ளூர் நபர் மூலமாக தங்கள் திட்டத்தை நிறைவேற்றிவிடுவார்கள், என தகவல் அனுப்பியிருந்தது. அதை உறுதிப்படுத்துவது போல் சில நாட்களுக்கு முன் சென்னை புறநகர் பகுதியில்
தேர்தலில் பணபரிமற்றத்தினை தடுக்க நடந்த வாகன சோதனையின் போது, பெரும் பணத்துடன் பிடிபட்டவன் வெளிநாட்டினை சேர்ந்த தீவிரவாதி கசாப் என்று தெரிந்தது, இதன் ரகசிய விசாரணையின் போதுதான் தயாளனின் டிடெக்டிவ் ஏஜென்சியின் உதவியையும் நாடினார் எஸ்.பி.கோகுல் , அவர் தந்த சில தகவலின் படி விஷ்னுவும் தயாளனும் விசாரிக்க தொடங்கினர்,
இந்த சூழ்நிலையில் விஷ்ணு அனுப்பிய கடிதத்தில்

Mr.கோகுல்
S W H2 6F இதுதான் குறியீடு கவனம்.
விஷ்ணு
என்று அந்த குறிப்பிடப்பட்டிருந்தது, இதை பல விதங்களில் யோசித்துபார்த்தும் அந்த குறியீட்டின் அர்த்தம் புரியவில்லை, விஷ்னுவின் செல்பேசி எண்ணுக்கு அழைத்தாலும் அது அணைத்து வைக்கப்பட்டிருந்தது,நேராக அருகில் இருந்த தயாளனின் அலுவலகத்திற்கு செல்லுமாறு தன் டிரைவருக்கு உத்தரவிட்டார்,
அலுவலகத்திற்கு சென்றதும் அங்கு செக்யூரிட்டி மட்டும் இருந்தார், தயாளனுக்கு "எங்கு இருக்கிறீர்கள்" என போன் செய்தால்
" அலுவலகத்திற்குதான் வந்து கொண்டிருக்கிறேன் அங்கு இருங்கள் பத்து நிமிடங்களில் வந்துவிடுகிறேன்" என்றார்.

அலுவலகத்தில் தயாளனின் அறைக்குள் சென்ற எஸ்.பி.கோகுல் மின்விசிறியை சுழலவிட்டு இருக்கையில் அமர்ந்து, சுற்றும் முற்றும் பார்த்தபோது மேசையின் மீதிருந்த டைரியினுள் கவர் ஒன்று இருந்தது! அதை பிரித்து படித்த போது அந்த கடிதத்தில்

Sir
எஸ்.பி.கோகுலிடம் தவறான குறியீட்டைதான் கொடுத்திருக்கிறேன் கவலை வேண்டாம்.
-விஷ்ணு
என்று குறிப்பிடப்பட்டிருந்தது,தனக்கு விஷ்ணு அனுப்பிய கடித்தையும் எடுத்து இரண்டையும் ஒப்பிட்டு பார்த்தார், ஒரே நேரத்தில் எடுக்கப்பட்ட பிரிண்ட் போல் தோன்றியது, விஷ்ணு ஏன்தவறான தகவல் கொடுத்தான், தாயாளன் ஏன் அப்படி கொடுக்க சொன்னார். அப்படியானால் இவர்களுக்கும் தீவிரவாதிகளுக்கும் ஏதோ தொடர்பிருக்கிறதா என கோகுல் மேலும் குழப்பமடைந்தார்,. அந்த நேரத்தில் அவர் செல்பேசி ஒலித்தது, எடுத்து பார்த்தால் இன்பார்மர் விஷ்ணு ,அழைப்பை ஏற்றதும்   கோபமாக "ஏன் போனை அணைத்து வைத்திருந்தாய் என்றார் கோபமாக,
எதிர் முனையில் விஷ்ணு " சார் மன்னிக்கவும் ஒரு கையில் வாகனம் ஓட்டிகொண்டே தயாளன் சாரிடம் பேசிக்கொண்டிருக்கும் போது எனது போன் கீழே விழுந்து ரிப்பேராகிவிட்டது அதனால் இரண்டு மணி நேரமாக என்னால் யாருடனும் பேசமுடியவில்லை, யாருடைய போன் நம்பரும் எனக்கு நினைவில் இல்லை அனைத்தும் சிம் கார்டில்தான் உள்ளது ,அதனால் தான் எனக்கு கிடைத்த தகவலை உடனடியாக தெரிவிக்க முடியவில்லை, விரைவாக தெரிவிப்பதற்காகவே என்னுடைய உயிர் நண்பன் ராகவனுடைய போன் நம்பர் நினைவில் இருப்பதாலும், அவன் உங்கள் அலுவலகத்திற்கு அருகில் இருப்பதாலும் அவனிடம் கடிதம் மூலம் தகவலை தெரிவிக்க சொன்னேன் இப்பொழுது கூட என்னுடைய சிம்கார்டை இன்னொரு நண்பரின் போனில் பொருத்தி பேசுகிறேன், நான் அனுப்பிய குறியீடு கிடைத்ததா சார்" என்றான். மறு முனையில் கோகுல் அதே கோபத்துடன் "நீயும் தயாளனும் என்னிடம் எதையோ மறைக்கிறீர்கள், எதற்காக எனக்கு தவறான தகவலை கொடுத்ததாக தயாளனுக்கும் கடிதம் அனுப்பியிருக்கிறாய்? உண்மையை சொல்!" என்றார் கோகுல்,

"அதை பார்த்துட்டீங்களா சாரி சார், நான் உங்களுக்கு அனுப்பிய குறிப்பு உண்மைதான்,அந்த குறிப்பின் அர்த்தம் SW means Street name Wamanan H2 means House number 2
6F means Six Face, அதாவது நீங்கள் தீவிரவாதியை பிடித்த அதே பகுதியில் உள்ள வாமணன் தெருவில் 2ம் எண் வீட்டில் உள்ள ஆறுமுகம் என்பவனுக்கும் பிடிபட்ட அந்த தீவீரவாதி கசாப்பிற்கும் ஏதோ தொடர்பு இருந்திருக்கிறது! உங்களிடம் விரிவாக சொல்லச் சொல்லி நண்பனிடம் சொன்னேன் நீங்கள் முக்கியமான மீட்டிங்கில் இருப்பதாக சொல்லி அனுமதி மறுத்துவிட்டனர். நான் இங்கு வந்தபோது அந்த ஆறுமுகம் தங்கியிருந்த வீடு நமது தயாளன் சாருடைய மாமனாருக்கு சொந்தமானது என்றும் , அவனை பற்றி எதுவும் தெரியாமல் கூடுதல் வாடகைக்கு ஆசைப்பட்டு வீட்டை வாடகைக்கு கொடுத்துள்ளனர், யாரோ, யாரையோ கொல்வதற்கு தெரியாமல் உதவும் கொசுறு வேலைக்கு கூட தூக்கு தண்டனை கொடுக்கும் சூழல் இங்கு நிலவுவதால் அவர்களுக்கு ஏதாவது ஆகி, அதனால் தன் மனைவியின் கோபத்தில் தன் குடும்ப வாழ்க்கை பாதிக்கும் என நினைத்து தங்கியிருக்கும் இடத்தை மட்டும் சொல்லவேண்டாம் என்றார், அதற்குள் போன் கீழே விழுந்துவிட்டதால், காப்பாற்ற நீங்கள் இருக்கும் தைரியத்தில் அவரின் தற்காலிக ஆறுதலுக்கு அப்படி ஒரு கடிதத்தை
அதே நண்பனின் மூலம் அனுப்பினேன்! நான் சொன்ன தகவல் முற்றிலும் உண்மை! நான் இப்போது அங்குதான் அருகிலிருப்பவர்களிடம் விசாரித்துகொண்டிருக்கிறேன் உடனே வாருங்கள்" என்றான் விஷ்ணு, குழப்பம் நீங்கினார் எஸ்,பி.கோகுல்.

தீவிரவாதிக்கு உதவிய ஆறுமுகம் இருந்த வீட்டை எஸ்,பி.கோகுல் தலைமையிலான காவல்படை சூழ்ந்தது, வீட்டருகே இஸ்திரி செய்பவரிடம் விசாரித்ததில் ஒரு மணி நேரத்திற்கு முன்பு அந்த பையன் முதுகில் காலேஜ் பேக் ஒன்றுடன் பைக்கில் புறப்பட்டு சென்றதாக கூறினார் என்று விஷ்ணு தகவல் சொன்னான். பூட்டியிருந்த வீட்டை உடைத்து   உள்ளே சென்றால் அங்கு ஒரு பையில் சில லட்சங்கள் மதிப்புள்ள பணமும்
ஒரு சில ஆடைகளும் சில சமையல் பாத்திரங்களும் பட்டுமே இருந்தது அறை மிழுவதும் தேடியும் எந்த தடயமும் காணப்படவில்லை, எஸ்,பி.கோகுல்ராம் அங்கிருந்த ஆடைகளின் சட்டைப்பை மற்றும் பேண்ட்பைகளில்
கைகளை விட்டு தேடி பார்த்தார் இரு சிறு காகிதம் இருந்தது அதில் "அன்றைய தேதி , தியேட்டர், ரயில்வே ஸ்டேசன் ,பஸ்டாண்டு, மார்க்கெட்,என்று குறிப்பிடப்பட்டிருந்தது, எங்கோ வெடி குண்டு வெடிக்க சதி செய்துள்ளார் என்ற உண்மை புரிந்ததும் உடனடியாக அனைத்து காவல் நிலையங்களுக்கும் தகவல் தெரிவிக்கப்பட்டு மக்கள் அதிகம் கூடும் இடங்களில் சோதனையிட உத்தரவிடப்பட்டது,

அதே நேரத்தில் ஆறுமுகம் கிடத்த சில லட்சங்களையும் காரியம் முடித்தபின் கிடைக்க போகும் பல லட்சங்களையும் நினைத்து இனி இப்போது செய்வது போல் சிறு சிறு திருட்டு கும்பலுடன் சேர்ந்து கொள்ளையடிப்பது, கூலிக்கு அடியாளாக வேலைக்கு செல்வது போன்ற வேலைகளை செய்யாமல் இது போன்ற பெரிய காரியங்கள் சிலவற்றை செய்து வாழ்க்கையில் பெரிய அளவில் செட்டிலாகிவிட வேண்டுமென்று எண்ணி உற்சாகமாக பைக்கை விரட்டினான்! வெடிகுண்டு வெடிப்பதற்கு இன்னும் ஒரு மணி நேரம்தான் இருக்கிறது , பத்து நிமிடத்தில் மார்க்கெட் போய்விடலாம் அங்கு தன் முதுகிலிருக்கும் வெடிகுண்டு பையை ஒரு ஓரமாக வைத்து வந்துவிட்டால் வேலை முடிந்தது,

அதிக மக்கள் கூடும் காய்கனி மார்க்கெட்டை நெருங்கிக் கொண்டிருக்கையில் அவனை மறித்து பெரிய சுமோ வேன் ஒன்று நின்றது, கண்ணிமைக்கும் நேரத்தில் அவன் உள்ளே இழுக்கப்பட்டு அதன் கதவுகள் சாத்தப்பட்டன, வேன் ஆட்களற்ற புறநகர் பகுதியை நோக்கி திரும்பியது. உள்ளே இருந்த விஜயாவின் அப்பா, அண்னன், அவனது நண்பர்களை பார்ததும் அதிர்ச்சியடைந்தான் ஆறுமுகம், மற்றவர்கள் பிடித்துகொள்ள விஜயாவின் அண்னன் அவன் முகத்தில் எட்டி உதைத்து "ஏண்டா திருட்டுநாயே, உன்ன நல்லவன்னு நம்புன என் தங்கச்சிய காதலிக்கிறதா சொல்லி நெருங்கி பழகிட்டு , அவள் கர்பமானதும் கல்யாணம் பண்ணிக்க மாட்டேன்னு ஏமாத்திட்டு ஊரைவிட்டு ஓடி வந்துட்ட, அவ அவமானத்துல தற்கொலை பண்ணிக்கிட்டா தெரியுமா, உன்ன தேடிட்டு இருந்தோம், நீ இங்க இருக்குறதா நேத்துதான் தகவல் கிடைச்சது, அவ சாவுக்கு காரணமான நீ இந்த உலகத்துலேயே இருக்க கூடாதுடா" என்று கோபமாக கூறிய படியே அவன் வயிற்றில் முதல் கத்தியை இறக்கினான். அடுத்த சில நொடிகளில் மேலும் சில கத்திகள் இறங்க தன் தவறுகள் அனைத்தும் நினைவில் தெரிய உயிரற்ற உடலாய் சரிந்தான் ஆறுமுகம், கண்ணுக்கெட்டும் தூரம்வரை கட்டிடமோ, ஆட்களோ யாருமில்லாத   புற நகரின் ஒதுக்குபுற பகுதியில் அவனது உடலை முதுகில் தொங்கிய பையுடனே வீசிவிட்டு சென்றார்கள். அவர்கள் புறப்பட்டு சென்ற சில நிமிடங்களில் ஆறுமுகத்தின் உடலும் தீவிரவாதிகளின் திட்டமும் வெடித்து சிதறிக்கொண்டிருந்தன.

(குறிப்பு:- யுடான்ஸ் நடத்தும் சவால் சிறுகதை போட்டிக்கு எழுதியது)

கவிதைகளாகவும் இருக்கலாம்! - படக்கவிதை

2011-10-23T14:51:00.000-07:00

காற்றின் கோபத்தை

தாங்கமுடியாத மரம்

தற்கொலையால் வீழ்ந்து கிடக்கிறது!

திடீரென்று தோன்றி

சில நிமிடங்களில் முழுமையடைந்து

வெளியேறும் கவிதைகளை!

பல மாதங்களாகியும்

முற்றுப்பெறாமல்

காத்திருக்கும் கவிதைகள்

பொறாமையுடன் பார்த்துக்கொண்டிருந்தன!

காத்திருக்கும்

நேரங்களில் கிடைக்காமல்

எதிர்பாராத தருணங்களில்

தொடர்ந்து வந்துகொண்டிருக்கும்

அரசுப் பேருந்துகளாகவே

என் கவிதைகள்!

நீ படித்த கவிதைகள்! - படக்கவிதை

2011-10-18T13:20:00.000-07:00

எழுதத் தொடங்கும்போதே

எண்ணிக் கொள்கிறேன்

படித்துவிட்டு

நீ பாராட்டுவதாக

மேலும் மேலும்

அழகாகின்றன கவிதைகள்!

நீ என்ன சொன்னாலும்

அதை நம்பிவிடும் என்னை

ஏமாளி என்கிறாய்!

நான் என்ன சொன்னாலும்

அதை நம்பிவிடும் உன்னை

குழந்தையாகவே என்னுகிறேன்!

என் கவிதையை

படித்துவிட்டு

அதில் ஏதோ ஒன்று

குறைகிறதே என்கிறாய்!

ஒருவேளை அது

என் பெயருக்கு

பின்னால் சேர்க்கப்படாத

உன் பெயராக கூட இருக்கலாம்!

ஹைக்கூ...! -படக்கவிதை

2011-10-15T21:40:00.000-07:00

கடலில் கலந்த

நதிகளும், மழைகளும்,

உப்புச்சுவை பிடிக்காமல்

வெளியேறத்துடிக்கின்றன! அலைகளாக...

நொடிகளில்

தீர்மானிக்கப்படுகிறது வாழ்க்கை! விபத்து...

மழையில் நனைந்ததால்

உடல்நிலை சரியில்லை

பிரேக்கடிக்க தாமதிக்கிறது டயர்...

மனிதர்களுக்கான மழை! - கவிதை

2011-10-14T10:42:00.000-07:00

மனிதர்களுக்கான மழை

நிறுத்தப்பட்டு,

ஆண்டுகள் பல ஆகிவிட்டன!

இப்போது பெய்வதெல்லாம்,

மரங்களுக்கும்

விலங்குகளுக்குமான மழைதான்!

அதனையும் அழித்துவரும் மனிதர்களே!

"உலகம் நீரில் அழியும்" என்ற

கடவுளின் கடைசி அத்தியாயத்தை

மாற்றி எழுதிக்கொள்ளுங்கள்!

"உலகம் நீரின்றி அழியும்!"

நகர்வலம்! - கவிதை

2011-10-12T10:27:00.000-07:00

நாளைய திருவிழவிற்கு வந்த
கம்பீர யானையொன்று
இன்றே நகர்வலம் வந்தது
பாகனின் வருவாய்க்காக!

தெருவில் நுழைந்ததும்
"ஐ! யானை"என்று
யானையை நோக்கி
உற்சாகமாய் ஓடினர் சிறுவர்கள்!

"ஐ! யானை"என்று
அதே உற்சாகத்தோடு
வீட்டை நோக்கி ஓடினார்
எதிர்வீட்டு தாத்தா,

யானையை பார்த்த
குழந்தைகளின் உற்சாகம்
இயல்பானது!
தாத்தாவின் உற்சாகம்
சற்றே விநோதமானது!

விநோதத்தின் விடையாய்
கையில் பேத்தியுடன்
சிரித்து வந்த
தாத்தாவை நோக்கி
உற்சாகமாக வந்துகொண்டிருந்தது யானை!

இரயில் நிலையம்! - கவிதை

2011-10-11T13:56:00.000-07:00

******************
வழியனுப்ப வந்தவர்களும்
வரவேற்க வந்தவர்களும்
இல்லாத இரயில்நிலையம்
நட்சத்திரங்களற்ற வானம்போன்றது!
******************

கடவுள் நம்பிக்கை

2011-10-11T11:54:00.000-07:00

கடவுள் இருக்கிறாரா? இல்லையா ?என்ற விவாதங்களை தவிர்த்து கடவுள் நம்பிக்கை இருப்பவர்கள் அதனால் அடையும் நன்மைகள் அதிகம் என்பதை வலியுறுத்தவே இந்த பதிவு.
"நம்பினார் கெடுவதில்லை! நான்கு மறை தீர்ப்பு!" எனகிறது இந்துமதம், "நம்பிக்கை கொள்ளுங்கள் நலம் பெறுவீர்கள்!"என்கிறது கிறிஸ்தவம், எந்த அளவிற்கு இறைவனை நம்புகிறீர்களோ,அந்த அளவிற்கு அவன் அருள்புரிவான்" என்கிறது இஸ்லாம்,எனவே கடவுள் நம்பிக்கையே பலரது மனக்காயங்களை ஆற்ற சிறந்த மருந்தாக பயன்படுகிறது,

மனம் உருகி பிரார்த்தனை செய்த மனமானது மழை பெய்து முடித்த வானம் போல் தெளிவாக இருக்கும்,என்கிறார்கள் ஆத்மஞானிகள், கடவுள் நம்பிக்கை இருக்கலாம, ஆனால் அது கண்மூடித்தனமானதாகவும் இருக்கக்கூடாது, உழைக்கவேண்டிய நேரத்தில் உழைத்துவிடவேண்டும், என்பதையும் மறந்துவிடக் கூடாது, மழைபெய்யும்போது உங்களால் மழையை நிறுத்த முடியாது ஆனால் மழையிலிருந்து பாதுகாக்க குடை பிடிக்க உங்களால் முடியும், அது போல்தான் கடவுள் நம்பிக்கையும் பிரச்சனைகளை தவிர்க்கமுடியாவிட்டாலும் நீங்கள் அதிலிருந்து தப்பிப்பதற்கும்,அதனை தீர்ப்பதற்கும் உங்களுக்கு வழியை கொடுக்கும்.
உங்களின் மிகச்சிறந்த நண்பனாக கடவுளைபோல் யாரும் இருக்கமுடியாது, கடவுளிடம் நீங்கள் என்ன பேசினாலும் அவர் உங்களை தவறாக நினைப்பதில்லை, உங்கள் கருத்துக்கு எதிர்கருத்து கூறி விவாதம் செய்வதில்லை, நீங்கள் சொல்வதை அவர் வேறுயாரிடமும் சொல்வதில்லை.

" மனம் ஒன்றாத பூஜைகளாலும் ,வெறுமனே புகழ்ந்து போற்றுவதாலும், கடவுளை கவர்ந்துவிட முடியாது, நல்ல இயல்புகளாலும், நன்மை தீமையை பிரித்தறியும் அறிவாலும், சுயநலமற்ற செயல்களாலுமே இறைவனை எளிதில் கவர முடியும்!" என்கிறார் புதுச்சேரி ஸ்ரீஅன்னை, துன்பத்தில் மட்டுமல்ல இன்பத்திலும் இறைவனை நினைப்பவனே உண்மையான பக்தன் என எல்லா மதங்களூம் வலியுறுத்துகின்றன

கடவுள்களில் ஏற்றத்தாழ்வுகள் கிடையாது, வேதங்களில் எவையெல்ல்லாம் பாவங்கள் என்று பட்டியலிட்டு சொல்லும்போது,"ஒரு கடவுளை விரும்பி, மற்ற கடவுளை நிந்தனை செய்வது பாவம் " என்கிறது, பெயரில்வேறுபட்டிருக்கும் கடவுளும் மதங்களும் தத்துவங்களின் அடிப்படையில் ஒன்றாகவே இருக்கின்றன,

அதுவேண்டும் இதுவேண்டும் என்று கேட்டு ஒரு சிறிய வட்டத்துக்குள் உங்கள் பிரார்த்தனைகளை அடைத்துவிடாதீர்கள், எனக்கு எது நல்லதோ அதை தா, என்று பிரார்த்தித்து உங்களை இறைவனிடம் சமர்பித்துவிடுங்கள் உங்களுக்கு இறைவன் அருள் பர்பூரனமாக கிடைக்கும்!" என்கிறார் மகான் அரவிந்தர். "உன்னுடைய பிரார்த்தனை நேர்மையானதாகவும், நீ அதற்கு தகுதியுடையவனாவும் இருக்கும் பட்சத்தில் அது நிச்சயம் நிறைவேறும் !"என்று நம்பிக்கை தருகிறார் கவிஞர் கண்ணதாசன்.
கடவுள் நம்பிக்கை பலரது வாழ்வில் பல அற்புதங்களை நிகழ்த்தியிருக்கிறது,தீராத நோய்களையும் தீர்க்கவே முடியாத பல பிரச்சனைகளையும் எளிதில் தீர்த்துவைக்கிறது,இதை பலரது அனுபவத்தில் உணரலாம்!.

எனது இறைஅனுபவங்களில் ஒன்று :-

நான் கல்லூரியில் இரண்டாமாண்டு படிக்கும்போது குற்றாலம் பகுதியை சேர்ந்த நண்பன் ஒருவன் உடன் படித்தான்,குற்றாலம் சீசன் வருவதால் அங்கு சென்று அவனது உறவினர் வீடு ஒன்று காலியாக இருக்கிறதென்றும் அதில் தங்கி இரண்டு நாட்கள் எல்லா அருவிகளிலும் நன்கு குளித்துவிட்டு வருவோமென்று பத்து நாட்கள் முன்பாகவே திட்டமிட்டோம் எங்கள் திட்டத்தில் 12 நண்பர்கள் சேர்ந்துவிட்ட்டார்கள், திட்டமிட்ட 3 நாட்களுக்கு முன் எனக்கு கடுமையான காய்ச்சல் , மருத்துவமனைக்கு சென்று 3 நாட்களும் ஊசிபோட்டேன், மாத்திரை வாங்கி சாப்பிட்ட்டேன் சற்று குறையும், பிறகு மீண்டும் அதிகரித்துவிடும்,மிகவும் சோர்வடந்து நான் குற்றாலம் வரவில்லை என்று சொன்னேன்,
கல்லூரிகளில் இருக்கும், அப்பாவி, படிப்பாளி, பந்தா, காமெடி, ரெளடி, குழுக்களில் நான் காமெடிக்குள் அடங்கிவிடுவதால் என்னை நண்பர்கள் அவசியம் வரவேண்டும் என்று மிகவும் வற்புறுத்தினார்கள், புறப்படும் நாள் வரை எனக்கு காய்ச்சல் விடவில்லை,வெள்ளிகிழமை இரவு புறப்படுவதால் வெளியூர் நண்பர்கள் வீட்டிலிருந்து தயாராகவே வந்துவிட்டார்கள், மாலை 5 மணிக்கு கல்லூரி முடிந்ததும் இரவு வரை பொழுபோவதற்கு என்ன செய்யலாம் என்று திட்டமிட்டார்கள், எங்கள் நண்பர்கள் குழுவிற்கு சில நல்ல பழக்கம் இருந்தது மீனாட்சி அம்மன் கோவிலுக்கு மாதத்தில் இருமுறையாவது அவசியம் சென்று விடுவோம், அன்றும் அவ்வாறே திட்டமிட்டார்கள், இவர்களுடன் சேர்ந்து குற்றாலம்தான் போகமுடியவில்லை சிறிது நேரம் கோவிலுக்காவது போவோமென்று, சோகமும் சோர்வும் கலந்து உடன் சென்றேன்.
வெளிவாசலின் உள்ளே நுழைந்ததும், ஆடி மாதம் வெள்ளிக்கிழமை என்பதால் மிக மிக அதிகமான கூட்டம், நீண்ட வரிசை நிற்கிறது வரிசையிலும் பயங்கர நெரிசல் வேறு, நாங்களும் வரிசையில் சேர்ந்துகொண்டோம் வரிசை மெதுவாக நகர்கிறது, காய்ச்சல் சிலநாட்களில் சரியாக வேண்டுமென்று வேண்டிக்கொண்டே, எனக்கு தெரிந்த 4 வரி அம்மன் பாடல்களை மனதிற்குள் பாடிக்கொண்டே செல்கிறேன், கூட்ட வரிசையில் எனக்கு வியர்த்துகொட்டுகிறது , 6 மணிக்கு உள்ளே நுழைந்தோம் மீனாட்சி அம்மன் அருகில்ல செல்ல இரவு 7.40 ஆகிவிட்டது நாங்கள் அம்மன் அருகில் வரும்போது இரவு பூஜைக்காக சன்னதியில் திரைபோட்டுவிட்டார்கள், கால்கள் வலித்தன,அரைமணி நேரம் பொறுமையாக நின்று அபிசேகம் முடிந்து, திரை நீக்கி தீபஆராதனைகள் பார்த்து , சுவாமி சன்னதி சென்று தரிசனம் செய்து பொற்றாமை குளத்தின் கரையில் அமர்ந்தபோது இரவு 9 மணி ஆகியிருந்தது.

தெப்பக்கரையில் அமர்ந்தபோது என்னால் ஒரு வித்தியாசத்தினை உணரமுடிந்தது, என் உடல் குளிர்ந்து இருந்தது கடந்த 3 மணி நேரத்திற்கு முன் இருந்த என் காய்ச்சல் இப்பொழுது முழுதாக இல்லாமல் போனது, அந்த சந்தோசமே புதிய உற்சாகத்தை தந்தது, பொறுமையாக கால்கடுக்க காத்திருந்து மனம் ஒன்றி பிரார்தித்த பலன் என்று நினைத்துக்கொண்டேன், உற்சாகமாக சேர்ந்துகொண்டேன் குற்றாலக் குழுவில். என் நண்பர்களே ஆச்சர்யபட்டார்கள், இரு நாட்கள் சந்தோசமாக கழிந்தன,
அந்த சம்பவத்திற்கு பிறகு எந்த கோவிலில் எவ்வளவு கூட்டம் இருந்தாலும் சலித்துக்கொள்ளாமல் பொறுமையாக இருந்து தரிசிக்கும் ஒரு பக்குவம் வந்துவிட்டது! ஒவ்வொருவரும் இதுபோல் வெவ்வேறு விதத்தில் இறையருளை உணர்ந்திருக்கிறார்கள், இறை நம்பிக்கையில் உறுதியாகவும் உண்மையாகவும் இருங்கள், உங்கள் நேர்மையான பிரார்த்தனைகள் நிச்சயம் நிறைவேறும்!

அங்காடித்தெரு! (விமர்சனம்)

2010-03-28T00:59:00.000-07:00

அங்காடித்தெரு! (விமர்சனம்)

பெரிய ஜவுளி கடைகளில் பணிபுரியும் பணியாளர்களின் சங்கடங்களையும் அவர்களிடையே வரும் காதல் உணர்வுகளின் யதார்தத்தையும் ரசித்து உணரும்படி படமாகி த‌ந்து இருக்கிறார் இயக்குநர் வசந்தபாலன்.

குடும்ப வறுமை காரணாமாக நல்ல மதிப்பெண் எடுத்திருந்தும் படிப்பை தொடர முடியாமல் திருநல்வேலி மாவட்டத்திலிருந்து வேலைக்கு வருகிறார் நாயகன்(லிங்கம், இதே போல் திருச்செந்தூரில் இருந்து வேலைக்கு வருகிறார் நாயகி(கனி).சென்னை தி.நகர் ரங்கநாதன் தெருவில் இருக்கும் பிரமல கடையில் பணிபுரியும் இருவரும் மோதலில் துவங்கி காதலகிறார்கள், இந்நிலையில் கடையில் பணிபுரியும் இன்னொரு காதல்ஜோடியின் சோகமான‌ முடிவும், கடை நிர்வாகத்தின் கடுமையான கட்டுப்பாடுகளும் இவர்களை பாதிக்கிறது, அதிலிருந்து மீண்டு பல்வேறு பிரச்சனைகளுக்கு பின் எப்படி இணைகிறார்கள் என்பதே படத்தின் கதை.

ரங்கராதன் தெருவும் அங்கு பணிபுரிவர்களின் வாழ்க்கை முறையும் நம்மை அவர்களுடைய உலகத்திற்கே அழைத்துச்செல்கிறது,முதல்பாதி நகைச்சுவையுடனும் இரண்டாவது பாதி சற்றே சோகத்துடனும் இறுதிவரை தொய்வின்றி நம்மை இணைத்துச்செல்கிறது அழுத்தமான திரைக்கதை.

>கண்டதும் காதல் என இல்லாமல் யதார்தமான காதலை உருவாக்கி உண்மையான காதலை உயர்த்தி சொல்லியிருப்பது.
>நாயகணும் நாயகியும் அவரவர் பள்ளிப்பருவத்து காதல் சிர்த்துக்கொண்டே பரிமாறிக்கொண்டு நம்மை சிரிக்க‌ வைப்பது,
>பணி புரியும் இடங்களில் பெண்களுக்கு வரும்் பாலியல் தொந்தரவுகளை சுருக்கென்று உணரும்படி சொல்லியிருப்பது.
>பிச்சைக்க்கர பெண்மணியின் குள்ளக்குழந்தை வசனம்.
> குடும்பத்துடம் பார்க்கும் படியாக இரு காதல் கதையை படமக்கி இருப்பது.

> எந்த காட்சியையும் தேவையற்று திணிக்காமல் அனைத்து பாத்திரங்களையும் கதையோட்டதுடன் இணைத்து செல்வது(உதாரணம்: சினேகா, விளம்பர சூட்டிங் பலவித ஆடைகளில் பூட்டிய கடைக்குள் டூயட் பாடுவது )> முதல் பாடலை காட்சிப்படுத்திய நிகழ்வுகள்,சிறிய பாடல்கள்
> தொழிளார்களின் பிரச்சனைகளை முதலாளிகளுக்கு உணர்த்தி இருப்பது,
> நம்மியும் மீறி கண்கலங்க வைக்கும் அழுத்த‌மான காட்சிகள்

இதுபோல் இன்னும் பலகாரணங்களுக்காக இயக்குனரை பராட்டிக்கொண்டே இருக்கலாம்.

நாயகியின் தங்கையாக வரும் சிறுமி,வியாபார நோக்கோடு இருக்கும் முதலாளி அண்ணாச்சி, மேலாளர்(வில்லன்) கருங்காலி, புதுமுகங்களாக வ்ரும் பலரும் எளிதில் மனதில் பதிகிறார்கள்,புதுமுக நாயகன்(மோகன்)கதைக்கு நன்றாக பொருந்துகிறார், நாயகி அஞ்சலி மேக்கப் இல்லாத முகதுடன் துறு துறு மற்றும் சோக முக நடிப்பால் மனதை அள்ளுகிறார்,நாயகனின் நண்பனாக நம்மை சிரிக்க வைக்கும் கனா கானும் காலங்கள் பாண்டி

ஜெயமோகனின் வசனங்கள் ஆழமாக பாய்ந்து கைதட்டல் பெறுகின்றன, பிரகாஷ்குமார் & விஜய் ஆண்டனியின் இசையில் பாட‌ல்கள் அருமை ரிச்சர்ட்டின் ஓளிப்பதிவும்,பிண்ணனிஇசையும் படத்திற்கும் நமக்குமான இடைவெளியை குறைத்து காட்சிகளுடன் ஒன்ற உதவுகிறது

குறைகளை தேடிக்கொண்டிருக்காமல் நிறைகளை சொல்லி விமர்சிப்பதற்கு தகுதியான படம்."வெயில்" படத்திற்கு பின் இயக்குனரின் நான்கு வருட உழைப்பிற்கு நல்ல பலன் கிடைத்திருக்கிறது, சினிமாவின் பொக்கிஷங்களில் இதுவும் ஒன்று, நம்மை சுற்றி இருப்பவர்களிடமிருக்கும் கதைகளை படமாக்கி தமிழ் சினிமாவின் தரத்தை உயர்த்தும் இயக்குனர்களின் வரிசையில் தன்னை மீண்டும் நிரூபித்திருக்கிறார் இயக்குநர் வசந்தபாலன்.

இனி நீங்கள் ரங்கநாதன் தெருவிலோ பிரபல கடைகளிலோ செல்லும் போது நீங்கள் வாங்க வேண்டிய பொருட்கள் மட்டுமில்லமல் இந்த படமும் ஒரு முறை நினைபில் வந்து செல்லும். இதையே இப்படத்திற்காக வெர்றியாக கருதலாம்

அங்காடித்தெரு! அருமையான கதைக்கரு! அழகான திரை உரு!

அழிந்த கர்வம்! - கவிதை

2009-08-20T06:53:00.000-07:00

காத்திருக்கும் வாகன‌ங்களை

கர்வத்துடன் கடந்த ரயில் !

மற்றொரு நிலையத்தில்

காத்திருக்க தொடங்கியது

விரைவு ரயிலுக்கு வழிகொடுக்க!.....

~நம்பிக்கைபாண்டியன்

படக்கவிதை!

2009-08-20T05:37:00.001-07:00

நல்ல தூக்கம்தான்

எழுப்பியவன் மேல்

கோபம் வரவில்லை

இறங்க வேண்டிய

இடம் வந்ததால்

- ந‌ம்பிக்கைபாண்டிய‌ன்

இன்னும் நீ என்...

2009-03-21T08:18:00.000-07:00

இன்னும் நீ என்...

உன்னைக்
காதலித்துவிடுவேனோ?
என்கிற பயத்தில்
ந‌ம் நட்பு வட்டத்திலிருந்து
விலகிச்செல்கிறாய்!

உன் புரிதலற்ற
விலகுதலையும்
புன்னகையுடன்
சகித்துக்கொள்கிறேன்!

இன்னும் நீ
என் "தோழி" என்பதால்
‍‍

--நம்பிக்கைபாண்டியன்

கவிதை-2

2008-12-07T07:41:00.000-08:00

மழைநாட்க‌ள்!

2008-10-02T11:00:00.000-07:00

உதவி!

2008-09-22T05:50:00.000-07:00

(சிறுகதை ~நம்பிக்கைபாண்டியன்)

பாலாவுடன் பேசிகொண்டே கல்லூரி வளாகத்தில் நடந்து சென்று கொண்டிருந்தபோது எங்களை நோக்கி ஓடி வந்த செல்வா "டேய் மச்சான் அவசரமா ஒரு ஐம்பது ரூபாய் வேண்டும்! நாளை தந்துவிடுகிறேன்" என்றான் பாலாவிடம்!

பாலாவோ சிறிதும் யோசிக்காமல் "மாதக்கடைசி ஆகிவிட்டது என்னிடமும் பணம் இல்லை"என்றான், அது பொய் என்பதை தெரிந்து கொண்டவனாய் முகத்தை சுருக்கி சலிப்பாய் பார்த்தபடி" பரவாயில்லைடா" என்றபடி நகர்ந்தான் செல்வா!

பாலா அப்படி சொன்னது எனக்கே ஆச்சர்யமாகத்தான் இருந்த‌து! வசதியில் சுமாரான குடும்பம்தான் அவனுடையது! ஆனால் வகுப்பில் பாலா நன்றாக படிக்கும் மாணவன், அவன் வீடு இருக்கும் பகுதியில் கல்லூரி நேரம் போக மீதி நேரத்தில் சில நண்பர்களுடன் சேர்ந்து ப‌த்தாம் வகுப்பு மற்றும் ப‌னிரெண்டாம் வகுப்பு மாணவர்களுக்கு டியூசன் சென்டர் நடத்துகிறான்,நிறைய மாணவர்கள் படிப்பதால் நல்ல வருமானம் வருகிறது அதனால் எப்போதும் பாலவிடம் பணம் இருக்கும்!நான் கூட ஒருமுறை அவசிய செலவிற்கு பாலவிடம்தான் உதவிக்கு நின்றிருக்கிறேன், மறுக்காமல் செய்திருக்கிறான்!

"ஏண்டா பணம் இல்லையென்று சொன்னாய்" என்று கேட்க நினைத்தேன் ஆனாலும் "அவன் பணத்தை அவன் என்ன வேண்டுமானலும் செய்யலாம் நாம் கேள்வி கேட்பது சரியல்ல! எனற எண்ணம் தடுக்கவே கேட்கவில்லை! இருவரும் வகுப்பறைக்குள் நுழைந்தோம்!

வெளியூரிலிருந்து வந்து கல்லூரி அருகே அறை எடுத்து தங்கி படிக்கும் லிங்கம் முன் பெஞ்ச்சில் தலைவைத்து சாய்ந்து படுத்தபடி அமர்ந்திருந்தான் !

"என்னடா மச்சான் சாப்பிட போகவில்லையா இன்னும் இங்கே இருக்கிறாய்"என்றேன்,

" பசியில்லைடா அதனால்தான் போகவில்லை" என்றான் லிங்கம்,

"பசிக்கவில்லையா? சாப்பிட பண‌மில்லையா உண்மையை சொல்" என்றான் பாலா!

லிங்கம் தயங்கிய படியே" இன்று தேதி 31 ஆச்சுடா, ஊரில் இருந்து அப்பா வர 2 நாள் ஆகும்!அதானால்தான் செலவை குறைத்துவிட்டேன்!காலையில் லேட்டாகத்தான் சாப்பிட்டேன்!ராத்திரி வேகமா சாப்பிட்டால் பசி தெரியாது" என்றான்.

சட்டென்று தனது சட்டைப்பையிலிருந்து நூறு ரூபாய் ஒன்றை எடுத்து அவனது சட்டைப்பையில் திணித்து" முதலில் போய் சப்பிட்டு வா" என்றான் பாலா.

தயங்கியவனின் தோள்களை பிடித்து வகுப்பறையின் வாசல் வரை தள்ளிச்சென்று "நேரமாகிறது வேகமாக‌ போய் சப்பிட்டு வா"என்றான்.

பாலவின் செயல் எனக்கு ஆச்சர்யமாக இருந்தது, சற்று முன் செல்வா 50 ரூபாய் கேட்டபோது இல்லை என்றவன், இப்போது லிங்கம் கேட்காமலேயே 100 ரூபாய் கொடுத்தனுப்புகிறான்.என்ன காரணம்? முதலில் தயங்கினாலும் நண்பன் என்ற உரிமையில் ஏன் இந்த வித்தியாசம் என்பதை பாலவிடம் கேட்டுவிட்டேன்.

மெலிதாய் சிரித்துவிட்டு " செல்வா என்னிடம் பணம் கேட்ட போதும் என்னிடம் பணம் இருந்தது, ஆனால் அவன் எதற்காக பணம் கேட்டான் தெரியுமா? நம் வகுப்பில் சில நண்பர்கள் சேர்ந்து இன்று மதியக் காட்சிக்கு திரைப்படம் பார்க்க செல்கிறார்கள்!அத‌ற்கான‌ ப‌ண‌ப்ப‌ற்றாக்குறைக்கு என்னிட‌ம் வ‌ந்தான், நான் ம‌றுத்துவிட்டேன்" ஆனால் லிங்கம் சாப்பிடுவ‌த‌ற்கே ப‌ண‌ம் கேட்க‌ த‌ய‌ங்கி ப‌சியோடு இருந்தான்! அத‌னால்தான் கேட்க‌ம‌லேயே உத‌வி செய்தேன்!

"அடிப்ப‌டைத்தேவைக‌ளுக்காக‌ என்ன உதவி வேண்டுமானாலும் செய்ய‌லாம்! ஆனால் அதிக‌ப‌ட்ச‌ தேவைக‌ளுக்காக‌ எந்த‌ உத‌வியும் செய்வ‌தில்லை" என்ற பழக்கம் என‌க்கு எப்போதும் இருக்கிறது! அத‌னால் தான் அப்ப‌டி ந‌ட‌ந்துகொண்டேன் என்ற‌ பாலாவின் கொள்கையும், ந‌ட்பும் என் ம‌ன‌தின் உய‌ர‌த்தில் அமர்ந்திருந்த‌து!

படக்கவிதை!

2008-09-21T10:16:00.001-07:00

ஊருக்கு சென்றவள்!

2008-09-21T10:07:00.000-07:00

ஊருக்கு சென்றவள்!

கோலமிடாத
வாசல்!
சுவையற்ற
உணவு!

துவைக்காத
துணிகள்!
துலக்காத
பாத்திரங்கள்!

தூசு படர்ந்த
அறைகள்!
சிதறிக் கிட‌க்கும்
பொருட்கள்!

பசிக்காக குரைக்கும்
வீட்டு நாய்!
நீரின்றி வாடும்
பூச்செடிகள்!
காய்ந்த பூக்களுடன்
கடவுள் புகைப்படங்கள்!

எல்லாம் உணர்த்துகின்றன
ஊருக்குச் சென்ற‌
அம்மாவின் அருமையை!

- நம்பிக்கைபாண்டியன்

நட்பு!

2008-08-06T11:02:00.000-07:00

லூசு
எருமை
பன்னி
பிராடு
முட்டாள், என‌
என்ன சொல்லி
திட்டினாலும்!
சிரித்துகொண்டேதான்
பதிலளிக்கிறான்!
நண்பன் என்பதால்!
~நம்பிக்கைபாண்டியன்

மழைக்காதல்!

2008-08-06T10:56:00.000-07:00

மழை பிடிக்கும்

என்றாலும்

குடைபிடித்து

வ‌ருகிறாய்!

எனைப் பிடிக்கும்

என்றாலும்

காத‌லிக்க

ம‌றுப்ப‌துபோல்!

~ந‌ம்பிக்கைபாண்டிய‌ன்

நம்புங்கள் நடக்கும்! (அறிவியல் சிறுகதை போட்டிக்காக)

2008-07-31T11:10:00.000-07:00

(கதைக்கு காலில்லை என்ற தத்துவத்தின் அடைப்படையில் படிக்கவும்)

2007 ல் நான் பிறந்தபோது இருந்ததைவிட இந்த 45 வருடத்தில் உலகம் பல மாற்றங்களை கண்டிருந்தது! இந்தியா உட்பட பலநாடுகள் வல்லரசாக மாறியிருந்தது எல்லோரும் வீடுகளிலேயே இருந்தனர்!

எல்லோரிடைய வீட்டிலும் சுவற்றில் ஒட்டிவிடும் அளவிலான மெல்லிய திரையும் அதற்குள்ளாகவே 8000ஜி.பி, மைக்ரோ மெமரி கார்டும் கொண்ட கம்யூட்டர்கள் இருந்தன, காற்று உள்ள‌ இடமெங்கும் இண்டர்நெட் இணைப்பு கிடைக்கும், வீட்டில் இருந்துகொண்டேதான் எல்லாக் குழந்தைகளும் படித்தன! தேர்வு எழுத ம‌ட்டும் பள்ளிக்கு சென்றன! அனைத்து அலுவலக பணிகளும் வீட்டில் இருந்தபடியே நடந்தன! மிகவும் அவசிய தேவை ஏற்பட்டால் மட்டுமே வெளியில் செல்ல வேண்டும்!குடும்பத்திற்குள் பிரச்சனைகளும் அன்பும் அதிகரித்தன! பத்துக்கு பத்து அடி கொண்ட அறைதான் 1000ம் பேர் வேலை பார்க்கும் ஒரு நிறுவனத்தின் அலுவலகம்!
உங்க‌ள் வீட்டு வாச‌லிலேயே வ‌ந்து அழைத்துச்செல்லும் கால் விமான‌ங்க‌ள் வாட‌கைக்கு கிடைத்த‌ன‌

816 வது மாடியில் இருக்கும் ஒரு பெண் இன்டர்நெட்டில் ஒரு காபி ஆர்டர் செய்ததும் அடுத்த அரைமணி நேரத்தில் ஹெலிகாப்டரில் கொண்டு வந்து டோர் டெலிவரி செய்யப்பட்டது! நடமாடும் மொபைல் விமான‌ கோவில்க‌ளும் ,சர்ச்சுகளும், மசூதிகளும், அதிகரித்தன!ஸ்டெம் செல் ஆராய்ச்சியின் உடலில் பொருத்த டெஸ்ட் டியூப் இதயமும் தயாரிக்கும் கடைகள் ஒவ்வொரு தெருவிலும் தொடங்கப்பட்டன!
ஒரு மாத்திரை சாப்பிட்டால் 10 நாட்களுக்கு பசிக்காத அளவுக்கு தேவையான கலோரி சக்திகள் கொண்ட மாத்திரைகளும் கண்டிபிடிக்கப்பட்டிருந்தன,

எத்த‌னையோ பிர‌ம்மிக்க‌த்த‌க்க‌ மாற்ற‌ங்க‌ளில் மிக முக்கிய‌மான‌து சாதரணமாக இருந்த எனது கிராமத்து பள்ளி பருவத்து நண்பன் அர‌ங்க‌நாத‌னின் நிறுவ‌னம் நாட்டிலேயே கடந்த‌ 7 ஆண்டுகளாக அதிக லாபம் ஈட்டும் நிறுவனமாக உள்ளது, ஒவ்வொரு வருடமும் இந்த நிறுவனத்தின் சொத்து மதிப்பு 27% உயருகிற‌து!இவனுட‌ன் கூட்டு சேர்ந்து தொழில் செய்ய‌வும், இவருக்கக தொழில் முதலீடு செய்யவும் உல‌கில் ப‌ல‌நாடுகளும்.பணம் படைத்தவர்களும் ஆர்வ‌ம் காட்டுகின்ற‌ன‌ர்! உல‌கின் புகழ் பெற்ற ப‌ல‌ ப‌ல்க‌லைக்க‌ழ‌க‌ங்க‌ள் உரையாற்ற‌ அழைப்பு விடுத்த‌வ‌ண்ண‌ம் இருக்கின்றன,

என‌க்கு கொஞ்ச‌ம் பொறாமையாக‌வே இருந்த‌து, ப‌ள்ளிகூட‌த்தில் ப‌டித்த‌ போது என்னை விட‌ குறைவான‌ ம‌திப்பெண் எடுத்த‌வ‌ன்,நான் உய‌ர் தொழில் நுட்ப‌ ப‌டிப்பு படிக்கும் போது பேருக்கு ஒரு டிகிரி படிப்பை படித்தவன், ச‌ரியாக‌ ப‌டிக்காத‌தால் வேலை இல்ல‌ம‌ல் திரிந்த‌வ‌னுக்கு இவ்வ‌ள‌வு புக‌ழும் பெருமையுமா என்று ஆச்ச‌ர்ய‌மாக‌வும் இருந்த‌து!

அர‌ங்க‌நாதனின் நிறுவனத்திற்கு அவன் உலகின் எல்ல நாடுகளிலும் கிளை உள்ளது,அந்தந்த நாடுகளிலேயே ஆராய்ச்சிகூடமும் வைத்திருக்கிறார்கள், இப்ப‌டிப்ப‌ட்ட‌வ‌ன் என் ந‌ண்ப‌ன் என்ப‌தை நினைக்கும்போது ஒரு வகையில் பெருமையாக‌வே இருக்கிற‌து!ஆனால் அவனுடனிரிந்த‌ நட்பு முறிந்தநாட்களை நினைக்கும் போது வருத்தமாக இருக்கிறது!

இருபது வ‌ருட‌ங்க‌ளுக்கு முன்னால் அவன் ப‌டித்து வேலையில்லாம‌ல் ஊரில் விவ‌சாய‌ம் பார்த்துகொண்டிருந்த‌ போது நான் வேலை பார்த்த‌ நிறுவ‌ன‌த்தில் மேனேஜ‌ரிட‌ம் கெஞ்சி கேட்டு ஒரு வேலை வாங்கி கொடுத்தேன்! இருபது நாட்க‌ள்தான் வேலைபார்த்திருப்பான், பிறகு வேலை பிடிக்கவில்லை என்றி சொல்லமல் கூட ஓடிவந்துவிட்டான், இவனுக்காக‌ பரிந்துரைத்த என‌க்கும் அலுவ‌ல‌க‌த்தில் கெட்ட‌ பெய‌ர் ஏற்ப‌ட்ட‌து,

ஏன்டா இப்ப‌டி செய்தாய் என்று கேட்ட‌ போது" என‌க்கு இதெல்லாம் பிடிக்க‌ல‌டா, என‌க்கு விவ‌சாய‌ம்தான் ச‌ரிப‌ட்டு வ‌ரும்" என்றான்"

என‌க்கு அதைக்கேட்டு சிரிப்பாக‌ வ‌ந்தது! ஏற்க‌ன‌வே விவ‌சாய‌ம் பார்த்தவுங்க எல்லம் விட்டுட்டு ஓடிட்டாங்க'நீ மட்டும் என்ன சாதிக்கவா போகிறாய்! விசாயத்தை பொறுத்தவரைக்கும் வாங்கி விக்கிறவனுக்குதான் லாபம், உற்பத்தி செய்யுறவனுக்கு நஷ்டம்தான்! இனி எல்லாம் கப்யூட்டர் உலகம்! சாப்ப‌ட்டுக்கு ப‌தில் சக்தி தரும் கலோரி மாத்திரைதான் சாப்பிட‌ப்போறாங்க‌! விவ‌சாய‌ம்னு சொல்லி வீணாப்போகாம‌ பொழைகிற‌துக்கு வழியை பாரு என்று சொல்லிவிட்டு வ‌ந்தேன்! அத‌ன் பிற‌கு அவ‌னை ச‌ந்திக்க‌ வில்லை!

நீண்ட‌ நாட்க‌ளுக்கு பிற‌கு அவ‌னை ந‌க‌ர‌மாக‌ மாறியிருந்த‌ என் சொந்த‌ கிராம‌த்துக்குசென்ற‌ போது, அர‌ங்க‌நாத‌ன் எதிரே காரில் வ‌ந்தான், எப்ப‌டி இருக்கிறாய் என்று அழைத்த‌ப‌டியே காரில் இருந்து இறங்கி வ‌ந்தான் அதே ப‌ழைய‌ ந‌ட்புட‌னும் எளிமையுட‌னும்!

அருகில் இருந்த‌ அவ‌னுடைய‌ தோட்ட‌த்திற்கு சென்று பேசிகொண்டிருந்தோம்! தோட்ட‌த்தில் அதி ந‌வீன‌மாக‌ விவ‌சாய‌முறைக‌ள் மாறியிருந்த‌த‌ன‌! வ‌ய‌ல் வெளிக‌ளில் கூட‌ ஆங்காங்கே க‌ண்கானிப்பு கேம‌ராக்க‌ள் பொருத்த‌ப்ப‌ட்டிருந்த‌ன‌! தோட்ட‌ம் முழு‌தும் த‌ண்ணீர் குழாய்க‌ள் ப‌திக்க‌ப்ப‌ட்டு அவைக‌ள் க‌ம்ப்யூட்ட‌ரில் சாப்ட்வேரில் இணைக்க‌ப்ப‌ட்டிருந்த‌த‌ன‌ எங்கு எப்போது த‌ண்ணீர் பாய்ச்ச‌வேண்டும் என்று எங்கிருந்தாலும் இண்ட‌ர்நெட்டில் தீர்மானித்து ப‌ராம‌ரிக்க‌லாம்!

எப்படி உன்னால் இப்படி விவசாயத்தில் சாதிக்க முடிந்தது என அவனிடம் கேட்டபோது " நானும் முதலில்விவசாயம் தோல்விதான் இதில் ஜெயிக்க முடியாது என நினைத்தேன்! முதலில் சில விவசாய நண்பர்களுடன் சேர்ந்து உலகளாவிய நிறுவனம் இன்றை தொடங்கினோம், இதனால் உற்பத்தி பொருளை நல்லவிலைக்கு நாங்களே விறபது எளிதாக இருந்தது! மருத்துவ உலகில் நோய்கள் அதிகரித்து வருவதால் செயற்கை மருந்துகள் தவிர்த்து இயற்கை சார்ந்த விவசாயத்திற்கு நல்ல வரவேற்பு கிடைக்கிறது, விவசய நிலங்கள் உலக அளவில் குறைவாக இருப்பதால் இருக்கும் மக்கள் தொகைக்கு உற்பத்தி போதவில்லை! மக்களின் வருமானமும் அதிகரித்துவிட்டதால் விளை பொருட்களுக்கு நல்ல‌ விலையே கிடைக்கிறது

புதுப்புது விவ‌சாய‌ முறைக‌ள் ஆனால் இய‌ற்கையோடு ஒன்றியே செய்யும்ப‌டி பின்ப‌ற்றுகிறோம்!இந்த நிறுவனத்திற்கு நான் வெறும் தலைமை மட்டும் தான்! முதாலளி இல்லை, இதில் உறுப்ப்பினராக உள்ள கோடிக்கணக்கான விவசாய உறுப்பினர்கள் ஒவ்வொருவரும் இதன் முதலாளிகள் நிறைய‌ ப‌ண‌ம் முத‌லீடு செய்து, விவ‌சாய‌ அபிவிருத்திக்கான‌ ஆராய்ச்சிக‌ளில் இற‌ங்கியிருக்கிறோம்!அத‌ன் விளைவாக‌ ப‌ல‌ ந‌ல்ல‌ ப‌ல‌ன்க‌ள் கிடைத்துள்ளன!

நிழ‌ல் விவ‌சாய‌ம் என்ப‌து இந்த‌ ஆராய்ச்சிக்கு கிடைத்த‌ மிக‌ப்பெரிய‌ வெற்றி! சில‌ அரிய‌ வ‌கை மூலிகைகளில் உள்கட்டமைப்புகளின் மாற்ரம் செய்வதால் ஓளிச்சேர்க்கையினால் கிடைக்கும் ப‌ச‌சைய‌த்தின் தேவையினனை குறைக்கலாம், இதனால் வீட்டிற்குள் ஒளிச்சித‌ற‌ல் மூல‌ம் கிடைக்கும் வெளிச்ச‌த்திலேயே இந்த‌ ப‌யிர்க‌ள் ந‌ன்கு வ‌ள‌ரும், சில‌வ‌கை ம‌ருந்துக‌ளுக்கான‌ தேவை அதிக‌ம் இருப்ப‌தால்! எல்லோரும் இதை ஒரு வ‌ருமான‌ வாய்ப்பாக‌ செய்கிறார்க‌ள்! அதிக‌ரித்து வ‌ரும் புவி வெப்ப‌மும் குறைந்து வீட்டிற்குள் வெப்ப‌ம் குறைகிற‌து! வீடுக‌ளில் ஜ‌ன்ன‌ல், ம‌ற்றும் மாடிக‌ளில் கூட‌ இதை வ‌ள‌ர்க்கிறார்க‌ள்! என்றான்

இய‌ந்திர மயமாகிப்போன இந்த‌ உல‌க‌த்தில் க‌லோரி மாத்திரைக‌ள் எல்லாம் வ‌ந்துவிட்ட‌ன‌, எதிர்கால‌த்தில் இன்னும் நிரைய‌ க‌ண்டிபிடிப்புக‌ள் வ‌ர‌லாம் அப்பொதும் விவ‌சாய‌ம் வெற்றி பெறுமா என்றேன்! சிரித்துகொண்டே நிச்ச‌ய‌மாக‌ என்றான்!

உலகம் எவ்வளவுதான் மாறினாலும் க‌டைசி ம‌னித‌ன் இருக்கும் வ‌ரை விவ‌சாய‌த்திற்கு தேவையும் மதிப்பும் இருக்கும் ஏனென்றால், ம‌னித‌ன் எப்போதும் உண‌ர்ச்சிகளுக்கு உட்ப‌ட்ட‌வ‌ன்! சாப்பாடு என்ப‌து சுவை என்ற‌ உண‌ர்ச்சியோடு தொட‌ர்புடைய‌து அத‌னால் அதைவிட்டு வில‌கிநிற்க‌ முடியாது!இனி வரும் காலங்களில் விவ‌சாய‌ம் எப்போதும் ஜெயிக்கும் என்று ந‌ம்பிய‌தால்தான் அது ந‌ட‌ந்திருக்கிற‌து, இன்னும் ந‌ம்புவேன் ந‌ட‌க்கும் என்றான்!

(நம்பிக்கைபாண்டியன்)

உயிரைத்தேடி..............(அறிவிய‌ல் சிறுக‌தை போட்டிக்காக‌)

2008-07-31T10:54:00.000-07:00

(ந‌ம்பிக்கைபாண்டிய‌ன்)

உலகில் விண்வெளி ஆராய்ச்சியில் முண்ணனியில் இருக்கும் பத்து நாடுகள் சேர்ந்து "அராக்" (ARAC- Asrto Resarch Association Countries) என்ற அமைப்பை உருவாக்கி பல்வேறு ஆரய்ச்சிகளை நடத்த ஆரம்பித்தன, "செவ்வாய் கிரகத்தில் மனிதன் இறங்கி ஆராய்ச்சி செய்ய" திட்டமிட்டு அத‌ற்காக உறுப்பு நாடுகளின் 20 பேர் கொண்ட விஞ்ஞானிகள் குழு நியமிக்கப்பட்டது!

அவர்கள் இரண்டு வருட ஆராய்ச்சியின் விளைவாக செவ்வாயில் நிலவும் தட்ப‌ வெப்பம், மற்றும் அழுத்த சூழ்நிலையில் வாழப் பழகும் ஒரு மனிதனை உருவாக்கினால் அவனால் செவ்வாயில் ஆராய்ச்சி செய்ய முடியும்! என முடிவெடுத்து அதற்கான முயற்சிகளில் இறங்கினார்கள்! ஒரு மனிதனை குழந்தையிலிருந்தே இதற்கு தாயார்படுத்த வேண்டும் என்று இரண்டு மாத கார்ப்பிணிகள் பலர் ஆரய்ய்ச்சியில் பயன்படுத்தப்பட்டனர், கர்ப்பிணிகளில் சிலர் ஆராய்சிக்காக உத‌வும் மனப்பானமையுடன் இதற்கு சம்மதித்தனர்,இன்னும் சிலரோ பெரும் பணத்திற்காக சம்மதித்தனர்,

பெரும் வெப்பத்தையும் குளிரையும், காற்றழுத்த மாறுபாடுகளையும் தாங்கும் விதத்தில் கருவிலிருக்கும் குழந்தையின் உடல் எலும்புகளும் த‌சைக‌ளும் உருவாகும்ப‌டி, சில‌ விநோத‌மான‌ ஹார்மோன்க‌ளூம், வேதிபொருட்களும் க‌ருவில் செலுத்த‌ப்ப‌ட்ட‌ன!செவ்வாய் கிரகத்தில் சுவாசிக்கும் சுவாச‌ உறுப்புகளிலும் சில மாற்ற‌ங்கள் செய்யப்பட்டன.இதில் பல‌ க‌ர்ப்பிணிக‌ள் இற‌ந்த‌ன‌ர்,க‌ருவிலேயே சில‌ குழ‌ந்தைக‌ள் இற‌ந்த‌ன‌ சில‌ குழ‌ந்தைக‌ள் பிற‌ந்த‌வுட‌ன் இற‌ந்த‌ன‌, ஆனாலும் விஞ்ஞானிக‌ள் தொட‌ர்ந்து முயற்சித்த‌தால் 67 வது முயற்சியாக ஆண்குழந்தை ஒன்று வெற்றிகரமாக உயிர் பிழைத்தது!ஜனவரி மாதம் பிறந்ததால் கூப்பிட‌ எளிதாக அவ‌னுக்கு"ஜனா" என்று பெயரிட்டனர்,ஆராய்ச்சிச்சிக்கு இன்னொரு குழந்தை இருப்பது நல்லது எனத்தோன்றியதால் தொடர்ந்து முயற்சித்ததில் மேலும் பலர் உயிரிழக்க அடுத்த ஒருவருடத்தில் 106 வது முயற்சியாக‌ பெண்குழ‌ந்தை ஒன்று பிற‌ந்த‌து!பிப்ர‌வ‌ரி மாத‌ம் பிற‌ந்த‌ அவளுக்கு "பிபா" என‌ பெய‌ரிட்ட‌ன‌ர்!பல குழ்ந்தைகளின் இறப்பை அறிந்த ஐ.நா. சபையின் ரகசிய க‌ண்காணிப்பு பிரிவு, மேலும் இதை தொடர தடை விதித்தது!கண்காணிப்பாளரையும் நியமித்தது! இது பற்றிய தகவல்கள் வெளி உலகிற்கு தெரியாமல் ரகசியமாகவே இருந்தது!

செவ்வாய் கிரகத்தின் த‌ட்ப வெப்ப‌ சூழல், மற்றும் ஈர்ப்பு விசை மாறுபாட்டிற்கு சிறிது சிறிதாக‌ மாறும்ப‌டி‌ த‌னி ஆராய்ச்சி உள் அர‌ங்க‌ம் உருவாக்க‌ப்ப‌ட்டு அவ‌ர்க‌ள் இருவ‌ரும் 24 மணிநேர‌மும் க‌ண்கானிக்க‌ப்ப‌ட்ட‌ன‌ர்!அனைத்து விதமான கல்வியும் தகவகளும் அவர்களுக்கு கற்றுத் தரப்பட்டன. சில நாட்கள் திட‌ உண‌வும், சில‌ நாட்க‌ள் க‌லோரி மாத்திரைக‌ளும் உண‌வாக‌ த‌ர‌ப்ப‌ட்ட‌ன!ஜனா சிறுனைல் இருந்தே தகவ‌ல் தொழில் நுட்பங்களை கற்றுகொள்வதிலும் பயன்படுத்துவதிலும் சிறந்த நிபுணராக இருந்தான் ,எதையும் எளிதில் புரிந்துகொள்வான்,ஆனால் சோம்பேறியாக இருந்தான். பிபா மிகவும் சுறுப்பாக இருப்பாள், ஆனாள் மெதுவாகவே புரிந்துகொள்வாள் அங்கிருந்த‌ ஏழு பெண் விஞ்ஞானிக‌ளுக்கும் "பிபா" செல்ல‌ப்பெண்ணாக‌ விள‌ங்கினாள்,இணைந்து பணியாற்றப் போவதால் பிபாவும், ஜ‌னாவும் அவ்வ‌போது ச‌ந்தித்து பேச‌ வாய்ப்பு த‌ர‌ப்ப‌டும், நலம் விசாரிக்கவும்,ஆராய்ச்சி ப‌ற்றியும்தான் பேச‌முடியும், ந‌ட்பாக‌ கூட‌ ம‌ன‌தில் நினைப்ப‌தையெல்லாம் பேச‌முடியாது தீவிர‌ க‌ண்கானிப்பில் இருப்ப‌தால்!இதை பிபா பெரிதாக‌ எடுத்துகொள்ள‌வில்லை! ஆனால் ஜனாவுக்கு இது மிக‌வும் ஏமாற்ற‌மாக‌ இருந்த‌து வ‌ருட‌ங்க‌ள் ஓட‌ ஆர‌ம்பித்த‌தும்! ஜ‌னா அவளை பார்வைக‌ளாலேயே காத‌லிக்க‌ ஆர‌ம்பித்தான்!நண்பர்களாக இருந்த விஞ்ஞானிகள் சொன்ன காதல் கதைகளை கேட்டு நிறைய கற்பனை செய்தான், தனிமையில்தான் அவளிடம் மனம் விட்டும் பேசமுடியும் என்று காத்துகொண்டிருந்தான்

செவ்வாய் பற்றி இதுவரை அறிந்த தகவல்படி முழுமையாக‌ பயிற்ச்சி கொடுத்த‌தும்! 2035 ஆம் ஆண்டு மே மாத‌ம் ப‌ய‌ண‌‌த்தேதி குறிக்க‌ப்ப‌ட்ட‌து!
இது உல‌கின் முக்கிய‌மான‌ ஆராய்ச்சி, இவர்கள் கையில் தான் அனைத்தும் இருக்கிற‌து, இவர்க‌ளின் வெற்றி பெற்றால் இன்னும் ப‌ல‌ ஆராய்சிக‌ள் தொட‌ரும், இல்லையென்றால் இது ப‌ற்றிய‌ ஆராய்ச்சிக‌ள் அனைத்தும் நிறுத்த‌ப்ப‌டும்!என‌ "அராக்" நாடுக‌ள் முடிவெடுத்த‌ன, ஜனாவும் பிபாவும் ஒரு வ‌ருட‌த்திற்கு தேவையான‌ க‌லோரி மற்றும் நீர் மாத்திரைக‌ளுடனும்,செவ்வாயில் ஆராய்ச்சி செய்ய சிறியரக சூரிய பேட்டரி பைக் ஒன்றையும் உடன் எடுத்துகொண்டு திட்டமிட்ட நாளில் செவ்வாயை நோக்கி "மார்ஸ்பைண்டர் 3" விண்கலத்தில் ப‌ய‌ணித்தார்க‌ள் !இவ‌ர்க‌ள் வெற்றி பெற்றால் ம‌ட்டுமே வெளி உல‌கிற்கு ஆராய்ச்சி முடிவுக‌ள் அறிவிக்க‌ப்ப‌டும் என‌ விஞ்ஞானிக‌ள் முடிவெடுத்தனர்,ஜனா சிறப்பாக விண்கலத்தை செயல்படுத்தி இடையிடையே வான் மண்டத்தில் கண்ட அபூர்வ புகைப்படங்களை பூவியின் கட்டுப்பாட்டு அறைக்கு அனுப்பிகொண்டிருந்தான், நான்கு மாத ப‌ய‌ண‌த்திற்கு பின்செவ்வாய் கிர‌க‌த்தின் தென் துருவ‌த்தில் இரவு நேரத்தில் இற‌ங்கிய‌து விண்க‌லம்,

தட்ப வெப்பம் பழகும் வரை தேவை என்பதால் கவச உடையுடன் இறங்க தயாரானார்கள் ,விண்வெளி சரித்திரத்தில் முக்கியத்துவம் வாய்ந்த சாதனை செவ்வாயில் முத‌லில் க‌ல‌டி வைத்த‌ ம‌னித‌ன் என்ற‌ பெருமை த‌ன் காத‌லிக்கு கிடைக்கட்டும் என்று நினைத்து "நீ, முத‌லில் இற‌ங்கு பிபா என்றான்" இல்லை ஜ‌னா கொஞ்ச‌ம் ப‌ய‌மா இருக்கு நியே முத‌லில் இற‌ங்கு என்றாள்! நான் இங்கேதானே இருக்கேன், சும்மா இற‌ங்கு என்று தைரியம் கொடுத்ததும்,அவள் வலது காலை முன்வைத்து இறங்கி செவ்வாயில் நிற்பதை கைக‌ளில் இருந்த கையடக்க கம்ப்யூட்ட‌ர் சாதன‌த்தின் மூல‌மும், விண்க‌லத்தில் பொருத்த‌ப்ப‌ட்ட‌ கேம‌ராவிலும் பதிவு செய்துவிட்டு பின் அவனும் சேர்ந்து நின்று புகைபடங்களை எடுத்துகொண்டான்,

புகைபடத்தில் மட்டுமே பார்த்த செவ்வாய் கிரகத்தை ஆச்சர்ர்யத்தோடு இருவரும் பார்த்துகொண்டிருந்தனர்!ஜன வெப்பநிலையை தன் கம்ப்யூட்டரில் பார்த்தான் ‍_120 செல்சியஸாக இருந்தது! எங்கும் சிவப்பு மயமாக இருந்தது!உறைந்து இறுகிய பனி பாறைகளாக‌ காட்சியளித்தது!வானத்தை பார்த்த பிபா"ஹேய் ஜனா,, இங்க பாரேன் இரண்டு நிலாக்கள் இருக்கிறது என்றாள் வியந்த கண்களுடன்" இதன் நான் பூமியிலேயே பார்த்திருக்கேன் உன் கண்கள் வடிவில்" என சொல்ல நினைத்தான் ஆனால் சொல்லவில்லை!எடுத்த புகைப்படஙகளையும் வீடியோக்களையும் அனுப்பினான், புகைப்படங்கள் மட்டுமே சென்றடந்தன!

பூமியில் "அராக்" அமைப்பு விஞ்ஞானிக‌ள் ம‌கிழ்ச்சியில் துள்ளி குதித்தார்க‌ள்,1972ல் மாரின‌ர்_9 விண்க‌ல‌ம் செவ்வாய்க்கு அருகில் ப‌றந்து படம் பிடித்ததே சாத‌னையாக‌ நினைத்த‌ உல‌கில் இன்று மனித‌ன் த‌ரையிற‌ங்கி விட்டான் என்ப‌தை உடன‌டியா ஆதரப்பூர்வமாக தங்கள் ஆராய்ச்சிகளை,இண்டர்நெட்டில் வெளியிட்டார்கள், அடுத்த சிலமணி நேரங்களில் உலகெங்கும் பரவியது! மிகப்‌பெரிய வெற்றிக்கு இத‌ன் உறுப்பு நாடுக‌ள் விழாக்கோல‌ம் பூண்டன!ஜனாவும், பிபாவும்"ஒரே நாளில் உலக‌‌ம்‌ முழுவதும் புக‌ழ்பெற்ற‌வ‌ர்க‌ளாக‌ மாறினார்க‌ள்,இன்னும் சிலரோ‌ இதை ந‌ம்பாம‌ல் இவை அனைத்தும் பொய் ஏதோ செட் போட்டு எடுத்திருக்கிறார்க‌ள் என்று விவாத‌ங்களில் இற‌ங்கின‌ர்!

காலையில் சிவப்பு நிறத்தில் சூரியன் உதிக்க ஆரம்பித்ததும் பைக்கை எடுத்துகொண்டு ஒரு திசைநோக்கி ப‌ய‌ணித்தார்க‌ள்,இனி அங்கிருந்த சூழலுக்கு உடல் ஒத்துழைக்கும் என்பதால் கவச உடையை தவிர்த்துவிட்டார்கள்.இன்று பைக்கில் முத‌ல் முறையாக‌ அவ‌ன் தோள்க‌ளை பிடித்த‌ப‌டி பின்னே அம‌ர்ந்தாள் பிபா, ஜ‌னா ம‌கிழ்ச்சியில் திளைத்தான்! அவ‌ள் பார்க்காத‌ போது அவ‌ள் முக‌ அழ‌கையும் சிரிப்பையும் ர‌சித்துக்கொண்டிருப்பான்!" அவ‌ன் பார்வைக‌ளின் வித்தியாச‌ம் தெரிவ‌தை பிபா உண‌ரத்தொட‌ங்கிணாலும் அதை பெரிதுப‌டுத்த‌வில்லை!செவ்வாய் கிர‌க‌மெங்கும் பனிப்பாறைக‌ளும், சிறு சிறு மணல்மேடுகளும் இருந்த‌த‌ன‌! ஒரு மண‌ல் மேட்டில் இருந்த‌ அழ‌கிய‌ க‌ல் ஒரு பெண் அம‌ர்ந்திர்ப‌து போன்ற‌ தோன்ற‌த்தை ஏற்ப‌டுத்திய‌து!"இதைதான் முன்பு பூமியில் ப‌ர‌ப‌ர‌ப்பாக‌ பேசிகொண்டார்க‌ளாம் "என்றான் ஜ‌னா.நேர‌ம் செல்ல‌ச் செல்ல‌ வெப்ப‌ம் அதிக‌மாக‌ இருந்த‌து!ஒரு பாறையில் குகை போன்ற‌ அமைப்பு இருந்த‌து! அங்கு சிறிது நேர‌ம் அம‌ர‌லாம், சூரிய‌ ஒளியில் பைக்கின் பேட்டரி ஜார்ஜ் ஆக‌ட்டும்" என்றான், இருவ‌ரும் அம‌ர்ந்தார்க‌ள்,

தன் உடலிலும், பிபாவின் உடலிலும் இருந்த தகவல் தொடர்பு சாதனங்கள் அனைத்தையும் தற்காலிகமாக செயலிழ‌க்க செய்து பூமியுடனான இணைப்பினை துண்டித்தான், ஏன் இப்படி செய்கிறாய் என்ற பிபாவிடம் "உன்னிடம் தனியாக பேசவேண்டும் என் பலவருட கன‌வு இது" என்றான்! உன்னை என‌க்கு பிடித்திருக்கிற‌து பிபா, உன்னை நான் காத‌லிக்கிறேன்!உன‌க்கு என்னை பிடித்திருகிற‌தா என்றான், அவ‌ள் மொளன‌மாக இருந்தாள்! நாம இங்க காதலிக்க வரலே ஆராய்ச்சி செய்ய வந்திருக்ககோம், வந்த வேலையை மட்டும் பார்ப்போம் என்று பூமிக்கு இணைப்பை கொடுத்தாள்!அத‌ற்கு மேல் அவ‌னால் பேச‌முடிய‌வில்லை!அங்கும் இன்கும் போய் ஆராய்ச்சியை தொட‌ர்ந்தார்க‌ள்!

ஆராய்ச்சியில் இங்கிருக்கும் பணிப்பாறை இர‌ண்டுவ‌கைக‌ளாக‌ இருகின்ற‌ன‌, ஒன்று நிரந்தரமானவை இன்னொன்று தற்காலிக பணிபாறைகள், தற்காலிகமன பணிப்பாறை அதிக வெப்பத்தால் பனி உருகி நீராகி பிறகு சூடாகி ஆவியாவதற்கு பதிலாக நேரடியாக ஆவியாகி விடுகிறது!( பதங்கமாதல் தத்துவ‌த்தில் கற்பூரம் காற்றில் கரைவ‌து போல) பனிப்பாறைகளில் கார்பன்டை ஆக்சைடு உறைநிலையில் இருந்தது!ஒரு காலத்தில் இங்கு நீர் இருந்ததற்காக‌ ஆதார‌மாக‌ நீர் ஓடிய‌ ஆறு ம‌ற்றும் ஏரி த‌ட‌ங்க‌ளும் இருந்த‌த‌ன!ஒரு காலத்தில் செவ்வாய் கிரக்மும் பூமியைப்போல்தான் இருந்திருக்கிறது என்பதி உண்மையாக்கும் விதமாக இருந்தது,பூமியைவிட ஈர்ப்புவிசை இரண்டு மடங்கு குறைவாக இருக்கிறது, இதனால்தான் செவ்வாயை சுற்றி வளிமண்டல வளையம் இல்லை,இன்னும் பலஅறிந்த உண்மைகளை ஆதாரமாக கண்டறிந்து இருவரும் விண்க‌ல‌த்திற்கு வ‌ந்தார்க‌ள்!

அன்று முழுவ‌தும் இருவ‌ரும் பேசிகொள்ள‌வில்லை!அடுத்த‌ நாளும் அதே போல் ஆராய்ச்சிக்கு சென்றனர் நேற்று சென்ற‌ திசைக்கு எதிர் திசையில் சென்ற‌ன‌ர்!வெகுதூர‌ம் சென்றார்க‌ள்!அவ‌ள் ப‌தில் சொல்லா கோப‌த்தில் வ‌ண்டியை உச்ச‌ வேக‌த்தில் செலுத்தினான்
ஜ‌னா ஏதாவ‌து பேசுவான் என்று எதிர் பார்த்தாள் ஆனால் அவ‌ன் அமைதியாக‌வே வ‌ந்தான்! ஒரு இட‌த்தில் சைகையால் நிறித்த‌ச் சொல்லிவிட்டு பூமியுட‌ன் இணைப்பை துண்டித்தாள்!" எவ்வ‌ள‌வு நாளா என்னை கா‌த‌லிகிறாய் ஜ‌னா" என்றாள்' உன்னை சில‌ மாத‌ங்க‌ள் என்னை பார்க்கவே விடாம‌ல்! பிற‌கு உன்னை பார்த்த‌போது நீ நிறைய‌வே மாறியிருந்தாய்!முன்பை விட‌ அழ‌காக‌ இருந்தாய்,சற்று குண்டாக இருந்தாய்!அப்போது சாத‌ர‌ண‌மாக‌ ர‌சிக்க‌ ஆர‌ம்பித்த‌வன், பிற‌கு உன்னை நினைத்து நினைத்தே காதால‌னாக‌ மாறிவிட்டேன்" என்று கண் சிமிட்டினான் "அட‌ப்பாவி அப்போ இருந்தேவா" என‌ செல்ல‌மாக கைகளால் முதுகில் குத்தினாள்! "நீ காத‌லிப்ப‌தாக‌ சொல்வ‌து கேட்க‌ ச‌ந்தோச‌மாக‌த்தான் இருக்கிற‌து ஆனால் யோசிக்கத்தான்‌ ப‌ய‌மாக‌ இருக்கிற‌து"ந‌ம்ம‌ ஆர‌ய்ச்சி என்ன‌ ஆக‌ப்போகுதோ நாம‌ ஒன்னுசேர‌முடியுமா என்றாள் க‌வ‌லையுட‌ன்!

"நாம் இருவருமே வாழ்கையில் நிறைய‌ ச‌ந்தோச‌ங்க‌ளை நாம் இழ‌ந்துவிட்டோம் பிபா" அம்மா பாச‌ம் தாம் மிக‌ உய‌ர்ந்த‌தாம் ! ப‌ள்ளிக்கூட‌த்துக்கு போய் பாட‌ம் ப‌டிப்பதும் ந‌ண்ப‌ர்களுட‌ன் விளையாடுவதும், ஊர்சுற்றுவதும் ம‌ற‌க்க‌முடியாத‌ நினைவுக‌ளாம் இள‌ம் வ‌ய‌தில் சிறு சிறு மனத்த‌விப்புகளை எல்லாம் காத‌ல் என‌ நினைத்து க‌ன‌வுக‌ளில் மூழ்குவ‌து இனிமையான‌ த‌ருண‌ங்க‌ளாம்! இதில் எதுவுமே ந‌ம‌க்கு நிக‌ழ‌வில்லை! இன்ப‌ துன்ப‌ங்க‌ள் க‌ல‌ந்த‌ திரும‌ண‌ம், குடும்ப‌ம் என்ற‌ நிக‌ழ்வுக‌ளையாவ‌து நம் வாழ்க்கையில் க‌ண்டிப்பாக‌ பெற‌ வேண்டும் பிபா"
"என‌க்கு நீதான் இருக்கிறாய், உன்னைத்தான் பிடித்திருக்கிறது கடைசிவரை சேர்ந்து வாழ்வோம் பிபா! மறுத்துவிடாதே!" என்றான் ஜ‌னா!

பிபா க‌ண்க‌ல‌ங்கினாள்!அவ‌ன்மேல் சாய்ந்து த‌ன் காத‌லை கலங்கிய கண்களால் வெளிப்ப‌டுத்தினாள்!பிற‌கு சிறிதுநேரம் இருவரும் சிரித்து பேசிய‌பின் "போக‌லாமா பூமிக்கு இணைப்பு கொடுக்க‌லாமா?" என்றாள், அத‌ற்குள்ளாக‌வா..! "ந‌ம் காத‌லின் அடையாள‌மாக‌ ஏதாவ‌து த‌ர‌லாமே என்ற‌ப‌டி அவ‌ள் உத‌டுக‌ளை பார்த்தான்" "டேய்..தொலைச்சுடுவேன்! இன்னைக்குதான் காத‌லிக்க‌வே ஆர‌ம்பிச்சுருக்கோம் அதுகுள்ள இவ்வ‌ள‌வு அவ‌ச‌ர‌மா" இதுக்கு ப‌ய‌ந்து‌தான் காத‌லிக்கவே ப‌ய‌மா இருக்கு என்றாள்! "அவ‌னவ‌ன் காதலிக்கிறதா சொல்லிட்டு என்னென்ன‌வோ செய்யுறான்‌,அதுக்கு நான் எவ்வளவோ ப‌ர‌வாயில்லை!" என்று சொன்ன‌வ‌ன் அவ‌ளுக்கு பின்னால் இருந்த‌ பாறையை உற்றுப்பார்த்தான் ஏதோ ந‌க‌ர்வ‌து போல் தெரிந்த‌து! ஓடிச்சென்று அருகில் பார்த்தான்" ஒரு மிகப்பெரிய‌ எறும்பு ஊர்ந்து சென்று கொண்டிருந்த‌து!
ஹே!.............வெற்றி...... வெற்றி... செவ்வாய் கிரகத்தில் இன்னும் உயிர்கள் இருக்கின்றன!என்று சந்தோசக்கூச்சலிட்டான், அந்த எறும்பை எடுத்து பைக்கில் இருந்த‌ ஒரு ட‌ப்ப‌வின் உள்ளே போட்ட்ட‌வுட‌ன் பூமிக்கு இணைப்பு கொடுக்க‌லாமா"என்ற‌ பிபாவிட‌ம் இன்னும் ச‌ற்று பொறு,, அருகில் வேறு ஏதேனும் உயிர்க‌ள் வாழுகிறதா என‌ பார்த்துவிட்டு முழுமைய‌ன‌ த‌க‌வலாக‌ த‌ருவோம் என்று சொல்லி பைக்கில் ஏறி இன்னும் அதிவேக‌மாக முன்னோக்கி சென்று ஒவ்வொரு பக்கமாக தேடிகொண்டிருந்தான் அடுத்த‌ சில‌ ம‌ணி நேர‌ங்களில் யாரோ பின் தொட‌ர்வ‌து போல் ஒரு உண‌ர்வு தெரிந்த‌து! உற்றுப்பார்த்தான் வான‌த்தில் இருந்த சில அடர்வுமிகு ஒளிக்க‌ற்றைக‌ள் பின் தொட‌ர்வ‌தை உண்ர‌ முடிந்த‌து, உட‌ன‌டியாக‌ பைக்கை விட்டுவிட்டு பிபாவுட‌ன் அருகில் தெரிந்த‌ குழிக்குள் ஓடி ஒளிந்துகொண்டான்.

த‌ன் கையில் கட்டியிருந்த க‌ம்யூட்ட‌ரில் ஒரு ப‌குதியை ம‌ட்டும் இய‌க்கி அந்த ஒளிக்க‌ற்றைக‌ளை க‌ண்கானித்தான், அவைக‌ள் அந்த சிவப்பு எறும்பு இருந்த‌ ட‌ப்பாவில் விழுந்த‌ன‌!ஒரு நொடியில் பைக் வெடித்து சாம்ப‌லாக‌ மாறியது, அந்த எறும்பில் இந்த கிரகத்தின் வேவுபார்க்கும் கண்காணிப்பு சாதனங்கள் பொருத்தப்பட்டிருப்பதை உணரமுடிந்தது! இதைப் பார்த்த‌ பிபா ம‌ய‌க்க‌மானாள்!அவ‌ளை தோளில் தூக்கிகொண்டு இனி விண்க‌ல‌த்திற்கு திரும்ப‌முடியாது என‌ தெரிந்ததால் முன்னோக்கியே ந‌ட‌க்க‌ ஆர‌ம்பித்தான்! ஒரு சீரான உயரத்தில் பணிப்பாறைகளால் பெரிய‌ எல்லைச்சுற்றுச் சுவப் போன்ற அமைப்பு இருந்தது, அதைத்தாண்டிதும் த‌ரைலிருந்த பனிப்பாறைக‌ளை உடைத்துக்கொண்டு முகம் மறைத்த சில‌ போர்வீர‌ர்க‌ள் சுற்றிவ‌ளைத்த‌ன‌ர்!அடுத்த‌ நொடி என்ன‌ நிக‌ழ்ந்த‌தென்றே அவனுக்கு தெரிய‌வில்லை!‌

விழித்துப்பார்த்தால்!ஒரு பெரிய‌ ஆராய்ச்சிகூட‌த்தில், இருவருமே அருக‌ருகே க‌ட்டிவைக்க‌ப்ப‌ட்டிருப்ப‌தை உண‌ர்ந்தார்க‌ள்!அவர்களிடமிருந்த பூமிக்கான தகவல் இணைப்புக் கருவிகள் அப்புறப்படுத்தபட்டிருந்தன!அவ‌ர்க‌ளை சுற்றி சில‌ ம‌னித‌ர்க‌ள் அம‌ர்ந்திருந்தார்க‌ள்!அவர்கள் இந்த கிரகவாசிகள், ஆனால் பூமியில் வாழும் மனிதனைபோலதான் இருந்தார்கள்,அனைவருக்கும் தலைமுடி சிவப்பாகவும், உடல் முழுவதும் வெள்ளையாகவும் பார்ப்பதற்கு வித்தியாசமக இருந்தார்கள்,ஜனாவுட‌ன் ஏதோ ஒரு புதிய‌மொழியில் பேச ஆரம்பித்தார்கள்!முத‌லில் அமைதியாக இருந்த‌ ஜ‌னா அவ‌ர்களுட‌ன் அதே மொழியில் பேச‌ ஆர‌ம்பித்தான்!இவ‌னுக்கு எப்ப‌டி இவ‌ர்க‌ளின் மொழி தெரியும் இவ‌னுக்கு ஆங்கில‌ம் ம‌ட்டும்தானே தெரியும்‌! இவ்வ‌ள‌வு நாட்க‌ளாக‌ என்னுட‌ன் கூட‌ ஆங்கில‌த்தில்தானே பேசிகொண்டிருந்தான், என‌ குழ‌ப்ப‌த்தோடு அவர்களுடன் பேசிகொண்டிருந்த அவ‌னை பார்த்து "என்ன‌மொழி ஜ‌னா இது! உன‌க்கெப்ப‌டித்த் தெரியும் இந்த‌ மொழி" என்று கேட்டாள், ஜ‌னா அவ‌ளிட‌ம் திரும்பி "த‌மிழ் மொழி" என்றான்.

ஜனாவை சுற்றியிருப்பவர்கள் செவ்வாய் கிரகத்தின் வானியல் ஆராய்ச்சிகுழுவினர்,அவர்களிடம் எங்கிருந்து வருகிறோம் எதற்காக வருகிறோம், எப்படி வந்தோம்" என எல்லாவற்றையும் மறைக்காமல் சொல்லிக்கொண்டிருந்தான்,தங்கள் உடலைல் பல மாற்றங்கள் செய்ததால்தான் இங்கு உயிரோடு இருக்க முடிகிறது என்பதையும் தெரிவித்தான்,நீண்ட‌ நேர‌ம் பேசிகொண்டிருந்தான் ஜ‌னா, முத‌லில் க‌ட்டிவைத்து பேசிக்கொண்டிருந்த‌வ‌ர்க‌ள், பிற‌கு இவ‌ன்மேல் ச‌ற்று நம்பிக்கை வ‌ந்த‌தும் க‌ட்டுக‌ளை அவிழ்த்துவிட்டனர், ஜனா அருகில் பிபாவும் அமர்ந்துகொண்டாள்,
பலமணி நேரமாக‌ பேசிகொண்டிருந்த‌ன‌ர்! பூமியைபற்றி நிறைய‌ கேள்விக‌ள் கேட்டார்க‌ள, பொறுமையாக ப‌தில் சொன்னான்! செவ்வாய் கிர‌க‌த்தைப‌ற்றி தான் அறிந்த‌வ‌ற்றை எல்லாம் சொல்லி, "இன்றைய சூழ்நிலையில் இங்கு உயிர் வாழ்வ‌த‌ற்கு வாய்ப்பே இல்லை என்று பூமியில் கண்டுபிடித்திருந்தோம்! எப்ப‌டி உங்களால் இது சாத்திய‌மாகிறது?"என்றான்,

செவ்வாய் கிர‌க‌த்தின் தலைமை விஞ்ஞானி "செங்க‌திரான்" ச‌த்த‌மாக‌ சிரித்தார், இய‌ற்கையை ப‌ற்றி யாராலும் முழுமையாக‌ ஆராய்ச்சி செய்ய‌ முடியாது த‌ம்பி!அது நாமாக உவாக்கும் விதிமுறைக‌ளுக்கு அப்பாற்ப‌ட்ட‌து!முதலில் நாங்க‌ளும் வேறு கிர‌க‌த்தில் உயிர்வாழ‌ வாய்ப்பில்லை என்றுதான் நினைத்தோம்!அண்டவெளியில் எத்தனையோ கோள்கள் உள்ளன, அவற்றில் அங்குள சூழலுக்கு ஏற்றது போல உடலமைப்பும்,குணமும் கொண்ட மனிதர்கள் இருக்கலாம்! எங்க‌ள் ப‌குதிக்கு ஆராய்ச்சி செய்ய‌ வ‌ரும் நான்காவது கிர‌க‌ மனித‌ர்க‌ள் நீங்கள்"என்றதும், ஜனா திடுக்கிட்டான் "என்ன‌ சொல்கிறீர்க‌ள் புரிய‌வில்லை" என்றான்,

உன‌க்கு சொன்னால் புரியாது என்று' வா என்னுட‌ன் என்று ஒரு பட்டனை தட்டியதும் அவர்கள் அமர்ந்து பேசிகொண்டிருந்த அறை லிப்டாக மாறி கீழ்நோக்கிசென்றது!அறைக்கதவை திறந்து வெளியே சென்றால் அது பாதாள‌ ஆராய்ச்சிகூட‌த்தின் பாதுகாப்பு பெட்டக அறை! அங்கு மூன்று பெரிய‌ க‌ண்ணாடி அறைக‌ள் இருந்த‌ன‌ அந்த மூன்றிலுமே நொறுங்கி சேத‌ம‌டைந்த நிலையில் ச‌துரம், முக்கோண‌ம் ம‌ற்றும் வ‌ட்ட‌ வ‌டிவிலான‌ விண்க‌ல‌ன்க‌ள் இருந்த‌ன‌, அவ‌ற்றின் அருகிலேயே சில‌ மனித‌ர்க‌ளின் உட‌ல‌க‌ளும் ப‌த‌ப்ப‌டுத்த‌ப்ப‌ட்ட‌ நிலையில் இருந்த‌ன‌! அவைக‌ளை காட்டிய‌ செங்க‌திரான் "அதோ இருக்கிற‌தே அதுதான் சீரிய‌ குடும்ப‌த்தின் க‌டைசி கோளின் விண்க‌ல‌ம் அத‌ன் அருகே க‌ருகிய‌ நிலையில் இருக்கும் உட‌ல்க‌ள் அந்த‌ கிர‌க‌த்தின் ம‌னித‌ர்கள் பனிக்குள்ளர்கள் என்று நாங்கள் சொல்லுவோம்! இங்கு வ‌ந்து வெப்ப‌ம் தாங்க‌ முடியாம‌ல் அவ‌ர்க‌ளாக‌வே இற‌ந்து போனார்க‌ள்! அடுத்த‌ அரையில் இருப்ப‌வ‌ர்க‌ள் வியாழன் கோளில் இருந்து வ‌ந்த‌வ‌ர்க‌ள் இன்னொரு அறையில் இருப்பவர்கள் நம் சூரிய குடும்பத்தை போல அண்டவெளியில் எவ்வளவோ சூரியக்குடுமபம்ங்கள் உள்ளன அதில் உள்ள ஏதோ ஒரு கோளில் இருந்து வந்தவர்கள்!எங்களின் எல்லைக்குள் ஆராய்ச்சி என்று சொல்லி அத்துமீறி நுழைந்தார்கள்,நாங்கள் அழித்துவிட்டோம்! உங்க‌ள் அதிர்ஷ்ட‌ம் நீங்க‌ள் த‌ப்பித்த்க்கொண்டீர்க‌ள்,உன‌க்கு த‌மிழ் தெரிந்த‌தால் த‌ப்பித்தாய்! என்றார்.

"செவ்வாய் என் இப்படி முரண்பாடான பகுதிகளாக இருக்கிறது அப்படி என்ன மாற்றம் நடந்தது இங்கு" என்றாள் பிபா ஆங்கிலத்தில், அதையே ஜனா தமிழில் கேட்கவும் இருக்கிறது எஙகள் செவ்வாய் கிரகமும் ஒரு காலத்தில் நீ சொல்லும் பூமியைப்போல் சுபிட்சமாகத்தான் இருந்தன! ஆனால் எங்கள் மூதாதையர்கள் இயற்கைக்கு மாறாக நடந்தனர்,இங்கிருந்த‌ காடுக‌ளை அழித்த‌ன‌ர், காற்றை மாசுப‌டுத்தினார்க‌ள், நீர்நிலைக‌ளை அசுத்த‌ப்ப‌டுத்தினார்க‌ள், "இயற்கையை நாம் ம‌திக்கும்வ‌ரை அது ந‌ம்மை ம‌திக்கும்! அதை நாம் அழிக்க‌ நினைக்கும் போது அதுவும் ந‌ம்மை அழித்துவிடுகிற‌து"என்ற‌ க‌ருத்தை உண்மையாக்கும்ப‌டி இங்கு உருவான‌ எரிமைலை சீற்ற‌ங்களால் பலர் அழிந்தனர்,

வெப்பச்ச்சிர்குலைவும், கற்றழுத்த வேறுபாடுகளும் செவ்வாயின் பல மாற்றங்களை உருவாக்கின, தென் துருவ‌ப்ப‌குதியல் வாழ‌ வகையின்றி செய்துவிட்டன‌ எஞ்சியிருந்த‌ எல்லோரும் வ‌ட‌துருவ‌த்திகு வ‌ந்துவிட்டோம், எங‌க‌ள் வாழ்க்கையை இய‌ற்கையின் வ‌ழியிலேயே கொண்டுசெல்கிறோம், சூரிய‌ ஓளியும், காற்றில் இருக்கும் சிலவகை தனிமங்களை உய‌ர்அழுத்த திர‌வமாக்கியும்தான் எரிபொருளாக‌ ப‌ய‌ன் ப‌டுத்துகிறோம், ஆனால் அதே நேர‌த்தில் ஆராய்ச்சியிலும், தொழில்நுட்ப‌த்திலும் ம‌க்க‌ளுக்கு ப‌ய‌ன்ப‌டும் வித்திலும் ம‌ட்டுமே க‌வ‌ன‌ம் செலுத்துகிறோம்!இந்த இடத்தில் ம‌க்க‌ள் வளமாக‌ வாழ வழி என்ன என்பதில்தான் எங்கள் க‌வனம் இருகிறது! மற்ற கோள்களில் யார் எப்படி இருக்கிறார்கள் என்பதில் அல்ல!என்ற‌ செங்க‌திரானிடம், இங்கு தவறுகளும், பிரசச்னைகளும், நோய்களும் இல்லையா என்று கேட்டதும்! இருக்கிற்து ஆனால் குறைவாக இருக்கிறது!தீர்க்ககூடியதாக இருக்கிறது என்றார்.

செவ்வாயை ஆராய நிறைய‌ செய‌ற்கை கோள்க‌ளை நாங்க‌ள் அனுப்பியிருக்கிறோம் அதில் எதிலுமே இப்ப‌டி சூழ‌ல் இருப்ப‌தாக‌ தெரிய‌ வில்லையே என்றான் ஜ‌னா,எங்க‌ள் எல்லைக்குள் எங்க‌ள் அனும‌தி இல்லாம‌ல் யாரும் க‌ண்காணிக்க‌ கூட‌ முடியாது!இந்த‌ ப‌குதிக்கு வ‌ரும் எத்தனையோ செய‌ற்கை கோள்க‌ளைஅத‌ற்கே தெரியாம‌ல் திசை மாற்றிவிடுவோம்,அல்ல‌து செய‌லிக்க‌ச்செய்து விடுவோம் என்றார் செங்க‌திரான்! உங்கள் உலகை பார்க்கவேண்டும் என்று இருவரும் கேட்டபோது நாளை சிற‌ப்பு விமான‌த்தில் சென்று பார்க்கலாம் போய் ஓய்வெடுங்கள்" என சொன்னவரிடம்! உங்க‌ளுக்கு எத்த‌னை வ‌ய‌து என்று கேட்டான் ஜனா, அதற்கு அவர் முப்ப‌த்தி இர‌ண்டு என்ற‌தும்!பொய் சொல்லாதிங்க‌ என்ப‌து போல் சிரித்தான்! இது உங்க‌ள் உல‌க‌ம‌ல்ல!.... செவ்வாய்!இங்கு ஒரு வ‌ருட‌த்திற்கு 687 நாட்க‌ள்!(ஒருமுறை சூரியனை சுற்றிவர) என்று சொல்லி பதிலுக்கு சிரித்துவிட்டு சென்றார்

"அறைக்கு வந்ததும் உனக்கெப்படி தமிழ் தெரியும்" என்று கேட்டாள் பிபா(ஆங்கிலத்தில்)நம் ஆராய்ச்சி குழு விஞ்ஞானிக‌ளில் இலக்கிய‌ன் என்று ஒரு விஞ்ஞானி இருந்தாரே அவ‌ர்தான் சொல்லிகொடுத்தார்,ஏதாவது புதிய விசயங்களை சொல்லிகொண்டே இருப்பார் நல்ல நண்பர்,தைழ் ஆர்வலர், இரவு ப‌ணியில் அவ‌ர்தான் அதிக‌ம் இருப்பார் அதனால் நிறைய நேரம் கிடைத்தது ,இனிமையான மொழி, இன்று நம் உயிரைக் காப்பற்றியிருக்கிறது!பூமியில் இருக்கும் த‌மிழை விட இங்குள்ள‌ தூய்மையாக‌ க‌ல‌ப்பின்றி இருக்கிற‌து! விண்வெளிக்கு நான் எடுத்துவந்த புத்தகங்களில் சில தமிழ்ப்புத்தகங்கள் இருந்ததை பார்த்தாயா! அதில் "வலைபதிவில் கவிதைகள்"என்ற புத்தகத்தின் 27ம் பாகத்தில் எனக்கு பிடித்த சில கவிதைகள் சொல்கிறேன் கேட்கிறாய என்றான்! சரி என்று சொன்னவளிடம் மொழிபெயர்த்துச் சொல்லி !தூங்கு மூஞ்சியா இல்லாம‌ நாளைல‌ இருந்து நீயும் த‌மிழ் க‌த்துக்கோ என்றான்! இவ‌ர்க‌ள் பேச்சு அங்குள்ள மைக்கில் ப‌திவாகிகொண்டிருந்த‌து!

செவ்வாயை சுற்றி பார்க்க நான்கு பேர் அம‌ர‌க்கூடிய‌ ஒரு சிறிய‌ ர‌க‌ காரை எடுத்து வ‌ந்தார்க‌ள், அதில் ஏறி அம‌ர்ந்த‌தும்,சில‌ தெருக்க‌ளில் ந‌க‌ர்ந்து சென்ற‌து, சில‌ ஊர்களிலும், விவசாய நிலங்களின்மேலும் எட்டிபிடிக்கும் அள‌விற்கு தாழ்வாக‌ ப‌றந்து இயற்கை காட்சிகளை ரசிக்கவைத்தது!சில‌ ந‌க‌ர‌ங்க‌ளில் மிக‌ உய‌ர‌த்தில் ப‌ற‌ந்த‌து!"இப்படி பறப்பது பொருளீர்ப்பு விசையை க‌ட்டுப்ப‌டுத்தும் தொழில் நுட்பம்" என்று பிபாவுக்கு விள‌க்க‌ம் சொன்னான் ஜ‌னா,சில‌ இட‌ங்க‌ளுக்கு நேரிலும் அழைத்துச் சென்றார் செங்கதிரான் இவ‌ர்க‌ளின் த‌லை முடியை எல்லோரும் ஆச்ச‌ர்ய‌மாக‌ பார்த்தார்க‌ள்!
நேற்று செங்க‌திரான் சொன்ன‌து உண்மைதான், இங்கு ம‌க்க‌ள் வ‌ள‌மாக‌வே வாழ்கிறார்க‌ள், இய‌ற்கையை மதிக்கிறார்க‌ள், பெண்ண‌டிமைத்த‌ன‌ம்,ஊழல், உயிர்கொல்லி நோய்கள்,போன்ற‌ பிரச்ச‌னைக‌ள் இல்லை!
பண்பாடும் கலாச்சாரமும் செழித்து விளங்கியது! பிபாவுக்கு இந்த உலகம் மிகவும் பிடித்திருந்தது! செங்கதிரான் பூமியில் உள்ள தமிழ் நூல்கள் பற்றி கேட்டறிந்தார்,அங்குள்ள‌ நூல்க‌ள் ப‌ற்றியும் சொல்லிகொண்டிருந்தார்.சில‌ நாட்க‌ள் இவ்வுலகை அறியும் ஆவலிலேயே ஓடியது,அடுத்து என்ன‌ செய்ய‌ப்போகிறொம் என்று தெரியாம‌ல் ஜ‌னா குழ‌ப்ப‌த்தில் இருந்தான்,

பூமியில் "அராக்"அமைப்பு விஞ்ஞானிக‌ள் எல்லொரும் இருவருக்கும் என்ன ஆயிற்று என தெரியாமல் குழ‌ப்ப‌த்தில் இருந்த‌ன‌ர், ப‌ல‌ நாடுகளும் அமைப்புகளும், ஆராய்சிக்காக பல‌ உயிர்க‌ளை கொன்றுவிட்ட‌தாக "அராக்"நாடுக‌ளின் மீது குற்ற‌ம் சாட்டின‌!எல்ல‌ மொழி பத்திரிக்கைகளிலும், வ‌லைப‌திவுக‌ளிலும் இதுப‌ற்றிய‌ பெரும் விவாத‌ம் ந‌ட‌ந்துகொண்டிருந்த‌து!

செவ்வாயில்"நீங்கள் தப்பித்துச் செல்ல வாய்ப்பிருப்பதால் உங்களை அழிக்கச் சொல்லி பல உயர்மட்டக் குழுக்களில் இருந்து வற்புறுத்தல் வருகின்றன , "உங்களிடமுள்ள‌ வானியல் துறையின் தொழில்நுட்ப‌த்திற‌மையை எங்க‌ள் உல‌க‌த்திற்காக‌ ப‌ய‌ன்ப‌டுத்துக‌ள் உங்க‌ளை அழிக்க‌ மாட்டோம் என்றார் செங்க‌திரான்! நாம் தப்பித்து செல்ல நினைத்தாலும் கொன்றுவிடுவார்கள்,ஒருவேளை அப்படி தப்பிச்சென்றாலும் பூமியில் இன்னும் பல ஆராய்ச்சி செய்வார்கள் இன்னும் எத்தனையோபேர் உயிரிழக்க நேரிடலாம்" இங்கேயே வாழ்ந்துவிடுவோம் ஜனா"என்றாள், அவனுக்கும் இங்கேயே வாழ‌ விருப்ப‌ம் வ‌ந்த‌தால் ச‌ம்ம‌தித்தான்!

தலைமை விஞ்ஞானி செங்க‌திரோன் உதவியுடன்,த‌க‌வ‌ல் சாத‌னங்க்க‌ளை பெற்று மீண்டும் "மார்ஸ் பைண்ட‌ர்" விண்க‌ல‌த்திற்கு சென்று பூமிக்கு இணைப்பு கொடுத்துசில‌ புகைப்ப‌ட‌ங‌களை அனுப்பிவிட்டு "செவ்வாய் தன் சுற்றுப்பாதையில் சூரிய‌னுக்கு மிக அருகில் வ‌ருவ‌தால் வெப்ப‌ம் அதிக‌ரித்துகொண்டே வ‌ருகிற‌து த‌ற்காலிக‌ ப‌னிப்ப‌றைக‌ளில் இருக்கும் கார்ப‌ன்டை ஆக்சைடு அதிக‌ அள‌வில் ஆவியாகிகொண்டு அழுததம் இப்போதே 20% அதிகரித்துவிட்டது கவச உடைகளை தாண்டி மூச்சுத்திணறல் ஏற்படுகிறது,இன்னும் அதிகரிக்கும் எனபதால் அடுத‌த‌ சில‌ம‌ணி நேர‌ங்க‌ளில் நாங்க‌ள் உயிரிழ‌க்க‌ நேரிட‌லாம், இனியும் இதுபோன்ற உயிர் விரோத‌ ஆராய்ச்சிகளை தொடராதீர்கள்" என வேண்டுகோள் விடுத்தபடி பிபாவும், ஜனாவும் அழுவதுபோல் விண்கலம் முன் நின்று புகைப்படம் எடுத்து அனுப்பிவிட்டு, பூமியுடனான‌ இணைப்பை துண்டித்தான்! புதிய‌க‌ உல‌க‌த்தில், புதிய‌ வாழ்க்கை வாழப்போவதை எண்ணி ம‌கிழ்ச்சியில் மிதந்துகொண்டிருந்த ஜ‌னாவை முத்தத்தால் மூழ்க‌டித்துக்கொண்டிருந்தாள் பிபா!

அக்கறை!

2008-07-28T15:36:00.000-07:00

(சிறுகதை)

இரவு எட்டு மணிக்கே பசியோடு வீட்டிற்குள் வந்ததும் சாப்பாடு எடுத்துவைக்க அர்ச்சனாவைத் தேடினான் சுப்பிரமணி! முழங்கால் வலி என்று சொல்லி உள் அறைக்குள் தைலம் தேய்த்துகொண்டு அம்மா அமர்ந்திருந்தாள்!அவளைக் காணாததால் "அர்ச்சனா............" என்று சத்தமாக குரல் கொடுத்தான், "கொஞ்ச நேரம் பொறுங்க வரேன்" என்று மாடியில் இருந்து குரல் வந்தது!

"ப‌சிக்குது வந்து சாப்பாடு போடு"என்றான், அந்த டேபிள் மேல எல்லாம் எடுத்து வச்சிருக்கேன், எடுத்து வச்சு சாப்பிடுங்க! இதோ வந்திடுறேன்" என்றாள்,

அவனுக்கு கோபமாக வந்தது!கணவனுக்கு சாப்பாடு எடுத்துவைக்க கூட நேர‌மில்லையா இவளுக்கு!இன்று அலுவலகத்தில் அதிக வேலை காரணமாக மதியமும் சாப்பிட வில்லை! அதனால் தான் இந்த பசி! என்று புலம்பிய‌ படியே உணவை எடுத்துவைத்து சாப்பிட ஆரம்பித்தான்.

பாதி உணவை உன்னும்போதே தொண்டையில் லேசாக விக்குவது போல் தெரிந்தது! அருகில் இருந்த தண்ணீர் குவளையில் பார்த்தான், தண்ணீர் காலியாகி இருந்தது!

தண்ணீர் பானைக்கு எழுந்து செல்ல சேம்பேறித்தனப்பட்டு " அர்ச்சனா" என்று குரல் கொடுத்தான்,

"அய்யோ!கொஞ்சம் பொறுக்க மாட்டீங்களா? அதான் வரேன்னு சொல்லுறேன்ல" என்றாள் மேலிருந்தபடியே!

"ச்...சே! சாப்பாடு எடுத்து வைக்கும்போதே தண்ணியும் எடுத்து வைக்கனும்னு தெரியாதா இவளுக்கு!எத்தனை முறை சொல்லியிருக்கேன்" என்று புலம்பியபடியே எழுந்தான்,

அதற்குள் அவன் அம்மா மெல்ல எழுந்துவந்து தண்ணீர் எடுத்து வைத்துவிட்டு "சாப்பிடுறப்போ கோபப்படாம சப்பிடுடா! அப்போதான் சப்பிடுற சப்பாடு உடம்புல ஒட்டும்" என்று சொல்லிவிட்டு வலிக்கும் கால்களுடன் மெதுவாக‌ நடந்து சென்றாள்.

"அம்மாக்களுக்கு பிள்ளைகள்மேல் இருக்கும் அக்கறை ஏன் இந்த மனைவிகளுக்கு கணவன்கள் மேல் இருப்பதில்லை" என்று கோபப்பட்டான், இந்த கோபத்தில் சிறிதையாவது அவளிடம் வெளிப்படுத்தினால்தான் அடுத்து இது போல் அலட்சியம் செய்ய மாட்டாள்! என்று நினைத்தபடியே சாப்பிட்ட எச்சில் கையுடன் எழுந்து மாடிப் ப‌டிக‌ளில் ஏறினான்!

மாடியில் அங்கே இடுப்பில் குழந்தையுட‌ன்,ஒரு கையில் உண‌வு த‌ட்டுட‌ன் வானில் இருந்த‌ நிலாவைக்காட்டி "நிலாவுக்கு இன்ன்னொரு "ஆ"...! சொல்லு" என்ற‌தும் வாய் திற‌ந்த‌ குழ‌ந்தையிட‌ன் உண‌வை ஊட்டிகொண்டிருந்தாள்.இவ‌னைப் பார்த்த‌தும்"இவ்வ‌ள‌வு நேர‌ம் போராடி, இப்போதான் சா‌ப்பிட‌ வைச்சிருக்கேன்! அதான் கொஞ்ச‌ம் பொறுங்க‌னு சொன்னேன்!" நல்லா சாப்பிட்டீங்களா என்றாள் புன்ன‌கையுட‌ன்!

சுப்பிர‌ம‌ணிக்கு த‌ன் அவ‌ச‌ர‌ புத்தியை நினைத்து பேச்ச‌ற்று அமைதியாகி ம‌ன‌திற்குள் முன்பு சொன்னதையே சற்று மாற்றி "மனைவிக்கு க‌ண‌வ‌ன் மேல் இருக்கும் அக்க‌றையை விட‌ அம்மாவுக்கு குழ‌ந்தை மேல் அதிக‌ அக்க‌றை இருக்கிற‌து!"என்று சொல்லிக்கொண்டான்.

நம்பிக்கைபாண்டியன்

ம‌னம்!

2008-07-28T07:35:00.000-07:00

ச‌ல‌ன‌ம‌ற்ற

‌மனம் வேண்டி,

தவறுகளை

தவிர்த்துவிட்டு

அமைதியில் ஆழ்ந்தாலும்!

கோப‌மோ,

வெறுப்போ,

பொறாமையோ,

ஏதேனும் ஒன்றை

ஏற்ப‌டுத்திவிட்டே செல்கின்ற‌ன

‌அடுத்த‌வ‌ர்க‌ளின் த‌வ‌றுக‌ள்!

~ந‌ம்பிக்கைபாண்டிய‌ன்!

காதல்நிறம்!

2008-07-18T11:28:00.000-07:00

படக்கவிதை

மருதாணி
இலைகளுக்குள்
மறைந்திருக்கும் சிவப்பென!
உன்
ஒவ்வொரு
பார்வைக்குள்ளும்
ஒளிந்திருக்கிறது காதல்!

~நம்பிக்கைபாண்டியன்

கோவை வலைப்பதிவு & குழும நண்பர்கள் சந்திப்பு

2008-07-18T11:17:00.000-07:00

கோவை சந்திப்புக்கு செல்வதற்கு அதிகாலை 5 மணிக்கே எழுந்து 6 மணிக்கெல்லாம் பஸ் பிடித்து மஞ்சூர் அண்ணாவின் வீட்டிற்கு செல்லும்போது நேரம் சரியாக நண்பகல் 12 மணி, சற்று முன்புதான் சுப்பையா ஐயாவின் பேச்சு அலை ஓய்ந்ததாக பேசிக்கொண்டார்கள்,என்னை அறிமுகம் செய்துகொண்டேன்,மற்றவர்களின் அறிமுக ப‌டலம் முன்பே முடிந்திருந்ததால் தமிழ்பயணி சிவா மற்றவர்களை அறிமுகம் செய்தார்.
பிறகு லதானந்த் அவர்கள் பேசினார், கொஞ்ச‌ம் நகைச்சுவையாகவும் யதார்த்தமாகவும் பேசினார், அவரின் பத்திரிகை படைப்புகள் அதனால் வந்த பிரச்சனைகள் பற்றியும் குறிப்பிட்டார், ஒரு நாளில் 15 ப‌திவுகள் கூட தன்னால் எழுத முடியும் என்று சொன்ன போது என்னால் ஆச்சர்யம் தாங்க முடியவில்லை!படிப்பவர்களுக்கு ஒரு ரிலாக்ஸா இருக்கும்படியே தான் எழுத விரும்புவதாகவும் தெரிவித்தார்,

இடையிடையே ஞானவெட்டியான் ஐயா, பல அரிய‌ நூல்களை மொழிபெயர்ப்பதாகவும் சொல்லி அதில் உள்ள பல நல்ல கருத்துக்களை குறிப்பிட்டார்,அவரது குரலும் பேசும் உச்சரிப்பும் அருமையாக இருந்தது!பதிவுகளில் ஒரு கருத்தை சொன்னால் அதில் வரிக்கு வரி ஆதாரம் கேட்டு விவாதிப்பது சரியானது அல்ல என்றார்

நண்பர் ஸ்ரீ( பால் ஜோசப்) தமிழஅமுதம் என்ற தமிழ்விக்கிபீடியா முயற்சி பற்றி தெரிவித்தார்,அதற்கு ஓசை செல்லா போன்றவ‌ர்கள் தங்கள் அனுபவங்களினை கூறி அது எதிர்பார்க்கும் அளவுக்கு வெற்றிபெறாது என்றனர் அதுபற்றி விவாதம் நடந்தது, கடைசியா தனித்துவம் வாய்ந்த கருத்துக்களுக்கு விக்கிபீடியா போன்ற தளங்கள் உகந்தது அல்ல ! பொதுத்துவமான கருத்துகளுக்கு அவைகள் சிறந்ததாக இருக்கும்,என்ற கருத்துடன் முற்றுப்புள்ளி வைக்கப்பட்டது.

.tk க் பற்றி விவாதிக்கப்ட்டது பலரும் பலவிதமான டெக்னிக்கல் கருத்துக்களை சொல்லி விவாதித்துகொண்டார்கள் ஒன்றும் புரியாத அப்பாவியாக இருந்த நான் என் முன் தட்டில் இருந்த சுவையான ஐந்து வடைகளில் நான்கை உள்ளே தள்ள அதை ஒரு சந்தர்ப்பமாக பயன்படுத்திகொண்டேன்,

பரிசல்காரன் அமைதியாகவே கேட்டுகொண்டிருந்தார் அதிகம் பேசவில்லை , வடகரை வேலன் பரிசல்காரன் இருவர் முகத்திலும் ஒரு அதிருப்தி நிலவியது தெரிந்தது, இப்போது அவர்களின் பதிவுகளை பார்த்த் போதுதான் அது ஏன் என்று புரிகிறது, கடைசிவரை இருந்திருந்திருந்தால் அவர்களுக்கு இந்த சந்திப்பு இன்னும் சுவாரஸ்யமாக இருந்திருக்கும்.

திருப்பூரிலிருந்து வந்த நண்பர் வெயிலான் முன்பே அறிமுக நண்பர்போல தோன்றினார் நன்றாகவும் பேசினார், த‌ன்னுடைய வேலையின் தன்மை பற்றி கூறினார் நிர்வாகத்திற்காக வேலை பார்த்தாலும் தொழிலார்களுக்கு சாதகாமாக தன்னால் எவ்வளவு முடியுமோ அதை செய்து வருவதுபற்றி சொன்னது குறிப்பிடத்தக்கது!

காங்கேயத்திலிருந்து வந்து சந்திப்பில் வயது குறைவாக இருந்த கார்த்தி அமைதியாக ஆர்வமாக எல்லோரும் பேசுவதி உன்னிப்பாக கேட்டுகொண்டிருந்தார், சென்னையில் படிக்கிறார் எல்லொரையும் சென்னைக்கும் வாங்க என்று அழைத்தார்,கல்லூரி மாணவர்கள் மத்தியிலும் தமிழ்வளர வலைபதிவுகள் வளரவேண்டும் என்ற முக்கிய கருத்துக்கு அடையாளமாக சில கருத்துக்களை சொன்னார் இரவு ஊருக்கு ப்ய்ய்விட்டு சென்னை புறப்பட வேண்டும் என்பதால் அவரும் விரைவாக புறப்பட்டார்,

spb & இசைப்பிரியர் கோவை ரவி அவர்களை பற்றி அதிகம் தெரியவில்லை!

லதானந்த் கிளம்பியதும் பலரும் பல காரணங்களால் உடன‌டியாக சாப்பிடாமல் கூட புறப்பட தயாரானார்கள் பலரும் வற்புறுத்தி இருந்து சாப்பிட்டுவிட்டு சென்றனர். வடகரை வேலன் வீட்டில் அசைவ சாப்பாடுக்கா சப்பிடமாட்டேன் என்று சொன்னாரோ என்னவோ? 2 மணிக்கு ரயிலுக்கு செல்லவேண்டி இருந்தும் நண்பர்களின் வேண்டுகோளுக்காக 1.20 வரை இருந்து சப்பிட்டு விட்டுப்போன ஸ்ரீ, அவ‌ரது மகிழ்ச்சியான பேச்சும் குறிப்பிட‌த்த‌க்க‌வை! தக்காளி,லெமன், தயிர் சாதம் என சுவையான உணவு, குறிப்பாக‌ தக்காளி சாதம் சூப்பர்!

சிங்கப்பூரிலிருந்து வந்த‌ கிரியும் விரைவாக புறப்பட்டதால் அதிகம் பேசமுடியவில்லை!

சாப்பாடு முடித்ததும்,பல்வேறு தலைப்பில் பல்வேறு வகையான விவாதங்கள் நடை பெற்றது!குறிப்பாக இரண்டு விவாதங்களை சொல்லலாம்!

ஒன்று கடவுள் நமபிக்கை பற்றிய விவாதம்!கடவுள் உண்டென்ற கருத்தில் நான், ஐயா ஞானவெட்டியான், நண்பர் தொட்ட‌ராயஸ்வாமி! கடவுள் இல்லை என்ற கருத்தில் தியாகு, சஞ்சய்,தூங்கி எழுந்தமின் ஓசை செல்லா!அருமையான சொற்போர்!சஞ்சாய் அறிவுப்பூர்வமாக கருத்துக்களை முன்வைப்பார்! அதற்கு ஞான வெட்டியான் ஐயா அருமையான விளக்கம் கொடுப்பார்! தியாகு ஒரே கேள்வியை மீண்டும் கேட்பார், தொட்டராய சுவாமியும் நானும் பல விதமான பதில் சொல்லுவோம் ! ஆனால் இருதர‌ப்பினருமே ஒருவர் கருத்தை மற்ற‌வர் ஏற்க மாட்டோம்!

கடைசி கட்டத்தில் அறிவியல் அனைத்தையும் விளக்குகிறது உதாரணத்திற்கு நீரை இரு பங்கு ஹைட்ரஜன் ஒரு பங்கு ஆக்க்சிஜன் H2O என்று நிருபிக்கிறது அது மாறாது அதுபோல் கடவுளை நிரூபித்தால்தான் நம்புவோம் என்கிறார்கள், மனிதனுக்கு அப்பாற்பட்ட சக்தி உலகில் உள்ள‌து அதுதான் கடவுள் என்று வெவ்வேறு மதங்களில் வெவ்வேறு விதமாக சொல்கிறோம், அதை மனதால் உண்ரத்தான் முடியும் என்றால் அதை தியாகுவும் சஞ்ச‌யும் நம்ப மறுக்கிறார்கள்!

கடவுள் யாரும் நம்பிக்கையால் யாருக்கும் எந்த லாபமும் இல்லை ஏமாற்று வேலைதான் எனவே அது தேவையில்லை என்கிறார்கள்! யாரொ ஒரு சிலர் கடவுளின் பெயரில் ஏமார்றுவது உண்மைதான் ஆனால் பலரது வாழ்கையில் கடவுள் நம்பிக்கைதான் ஒரு அழுத்தமான பிடிப்பைக்கொடுக்கிறது அதனால் பலர் பயனடைகிறார்கள் என்றாலும் ஏற்க மறுக்கிறார்கள்! கடவுள் நம்ம்பிக்கை இதனால்தான் ஏற்பட்டது என்கிறார் தியாகு, அந்த காரணம் உண்மையாகவே இருக்கலாம் ஆனால் " அதுவும் ஒரு காரணம் என்று சொல்ல முடியுமே தவிர" அதுமட்டுமே காரணம் என்று சொல்ல முடியாது" என்றால் அதை ஏற்றுக்கொள்ள மறுக்கிறார்கள்! கடைசியில் எங்கும் எப்போதும் தீர்க்கமுடியாத பிரசனைகளில் கடவுள் உண்டா இல்லையா என்பதும் அடங்கும் என்ற கருத்துடன் விவாதம் முடிக்கப்பட்டது!

இன்னொன்று கல்வியால்தான் இன்று இளைஞர்களிடம் போராடும் மனபக்குவம் இல்லை! அவர்கள் கேள்வி கேட்பதில்லை என்று தியாகு சொல்லி விவாதிக்க! பல‌ரும் அதை மறுக்க ,எல்லோரிடமும் அந்த திறன் இருக்கிறது ஆனால் அதனால் ஏற்படும் விளைகள் தன்னை பாதிப்பதாக இருக்கும் போது அவன் அத சுய நலத்திற்கு சாதகமாகவே செயல்படுகிறான் என்று எல்லோரும் சொல்ல! பாவம் தியாகு, ஒரு வழி பண்ணிவிட்டார்கள் அவரை அந்த நேரத்தைல் அவரை பார்கவே பரிதாமாக இருந்தது!இன்னும் பல விவாதங்கள் நடந்தன இன்னு சொன்னால் இன்னும் பதிவு பெரிதாகிவிடும்,

தொட்டராயசுவாமி நல்ல சிந்தனையாளர், பெயர் புரியாதபடி இருக்கிறதே வேறு பயரில் எழுதலாமே என்று சிலர் பரிந்துரைத்தபோது, அதுதான் என்னுடைய சிறப்பு என்று அழுத்தமாக கூறிவிதம் அவரை நன்றாக நினைவில் நிறுத்தும்படி செய்தது

மூலிகை வளம் பற்றி வலைபதிவில் பயணுள்ள கருத்துக்களை எழுதுவரும் குப்பு சாமி அய்யா மிக முக்கியமானவர், மூலிகை மற்றும் இயற்கைவளம் பற்றிய பல பயணுள்ள கருத்துக்களை கூறியதோடு பலருடைய சந்தேகங்களையும் தெளிவு படுத்தினார்,கடைசியில் எல்லொருக்கும் சில மீலுகை தாவரங்களை வழங்கியது குறிப்பிடத்தக்கது!

நண்பர் தியாகு அதிக சமூக அக்கறையுள்ள மனிதர்களில் இவரும் ஒருவர்! கடந்த வருட சந்திப்பிலேயே நண்பரானதால் அதிக‌ நட்புடன் பழகுவார்!தொழில் வர்கத்தினருக்காக பாடுபட்டாலும் தன் வேலியின் தன்மை அதற்கு மாறாக இருப்பதாக குறைபட்டுக்கொண்டார்,பூர்வீகம் மதுரைய சேர்ந்தவர் என்பதும் குறிப்பிடத்தக்கது! நன்றாக கவிதை எழுதும் திற‌மை படைத்தவர்பொதுநலம் வாந்த கருத்துக்களுக்காக தன் கவிதைத்திறணுக்கு தற்காலிகமாக தடா போட்டுள்ளார்!செம்மலர் பற்றிய சில கேள்விகளுக்கு சிறப்பாக பதில் அளித்தார்

விண்சண்ட் நம்முடைய வாழ்வில் பல பிரச்சனைகளுக்கு காரணம் இயக்கையை மதிக்காமல், அதனுடன் ஒன்றிப்போகாமல் நடந்துகொள்வதுதான் என்ற கருத்தை பல்வேறு ஆதாரங்களுடன் புரியும்படி விளக்கினார், மரங்கள் பற்றியும் பல பயனுள்ல தகவல்களை வழங்கினார்,

தமிழ்பயணிசிவா, நல்ல உதவியாளர், டெக்னிக்கலாக புரியாத பல விசயங்களை புரியும் படி சொல்லி புடியவந்தார், எப்போது கோவை சந்திப்பு நடந்தாலும் அதில் முக்கிய பங்கு வகிப்பவர்,முக்கிய கடமை ஒன்று சமீபத்தில் முடிந்த மகிழ்ச்சியில் தற்போது தீரமாக பெண் தேடிகொண்டிருப்பவர்! அடுத்த சந்திப்பில் குடும்பஸ்த்ராக இருப்பார்!

சஞ்சய் மொக்கை மன்னன்,எந்த ஒரு விவாத சூழ்நிலையிலும் தன் கருத்தை கோபப்படாமல் நிதானமாக அழுத்தமாக சொல்லும் அறிவாளியும்கூட!கல கலப்பாக பேசி இருக்கும் இடத்தை மகிழ்ச்சிப்படுத்துபவர்!

ஓசைசெல்லா நிறைய கருத்துக்களை தெரிவித்தார் அதில் சில முரண்பாடாக இருந்தாலும்! இடையிடைய பயணுள்ள தகவல்களையும் சொன்னார் அதில் குறிப்பிட்டு சொல்லவேண்டியது ஆரோவில்லைச் சேர்ந்த பேராசிரியர் வீட்டில் வெப்பததை குறைக்கவும், உடல் ஆரோக்கியத்திற்காகவும் சொன்னதாகச் சொன்ன‌ ,மாடித்தோட்டம், ஜன்னல் சன் சைட் கொடிகள், வாகனப் புகை கெடுதியை உணர்த்தும் சைலன்சர் பரிசோதனை போன்ற‌ தகவல்களை விளக்கி கூறியது அருமை!
ஒன்னுமில்லாத விசயத்துகெல்லாம் பதிவு போடுறீங்க இந்தமாதிரி நல்ல விசயங்களை எல்லாம் ஏன் பதிவுகளில் போட மாட்டிங்கிறீங்க என்று யாரோ அவ‌ரிடம் சொன்னார்கள்

புரவியிடம் எழுதி ரொம்ப‌ நாள் ஆகிவிட்ட‌து ப‌ற்றி கேட்ட‌த‌ற்கு விரைவில் அதிர‌டியாக‌ ஆர‌ம்பிக்க‌ப்போவ‌தாக‌ தெரிவித்தார்!விளப்பரத்துறையில் பணியாற்றுபவர், தன் துறை ரீதியாகவும் திறமையானவர் என்பது பேச்சிலேயே புரிந்தது!

சந்திப்பில் கடைசியாக வந்திருந்தார் சுவீட் சுரேஷ்,பொறியாளர் மற்றும் விவசாயி, தான் பட்ட இழப்புகள், விவசாயத்தில் உள்ள‌ பிரச்சனைகள், விவசாயிகளிடம் இண்டர்நெட் உபயோகத்தை வளர்த்தால் அவர்கள் இன்னும் பல நல்ல முறைகளை பயன்படுத்தி விவசாயத்தை விருத்தி செய்ய முடியும், அதற்கு ஏதாவது செய்ய வேண்டும் என்றும் தெரிவித்தார், வங்கிக்கடன் வாங்குவதில் இன்று உள்ள பல்வேறு சிக்கல்கள் பற்றியும் எடுத்துச்சொன்னார், விவசாயதில் லாபம் முக்கியம் ஆனால் லாமபம் ஒன்றை மட்டும் அடிப்ப‌டையாக கொண்டு அதை செய்யக்க்கூடது நாட்டின் தேவையையும் கருத்தில் கொள்ளவேன்டும் என்று அவர் சொன்ன விதம் அருமை!

மஞ்சூர் அண்ணா இந்த சந்திப்புக்கு காரணகர்த்தா! முத்தமிழ் குழுமத்தின் மூலம் பல தமிழர்களை ஒருங்கிணைத்தவர்!எல்லா விவாதங்களிலும் அளவாக பங்கேற்றுவிட்டு ஒதுங்கிக்கொண்டார்! இனி வலை பதிவுகளில் அதிகம் எழுதப்போவதாக சொன்னார்!இன்முகத்துடன் அனைவரையும் உப‌சரித்தவர், வாழ்த்துக்கும் பாராடிஆற்கும் உரியவர்!

த‌மிழ்ப‌ய‌ணி சிவா,சஞ்சய் மற்றும் புரவி மூவரும் ம‌ஞ்சூர் அண்னாவுக்கு இந்த சந்திப்பு ஏற்பாட்டில் மிக‌வும் உதவிக‌ர‌மாக‌ இருந்தார்க‌ள், ச‌ந்திப்பு முழுவதும் இடையிடையே சாக்லேட், சூடான காபி,வடை குளு குளு ஜூஸ்,என‌ மாற்றி மாற்றி ஏதாவ‌து ஒன்றை கொடுத்துக்கொண்டேதான் இருந்தார்கள்,மஞ்சூர் அண்ணாவின் குடும்பத்தினருக்கு இந்த உபசரிப்புக்காக ஒரு சிறப்பு நன்றி.

சந்திப்பு முடிந்ததும் தமிழ்பயணி சிவா அவர்கள் என்னை பைக்குல் ஏற்றி ரயில் நிலையத்தில் இறக்கிவிட இரவு 8.30 மணிக்கு ரயிலேறி சந்திப்பு நிகழ்வுகளை சந்தோசமாய் அசைபோட்டபடி பயணித்தேன் மதுரையை நோக்கி.......

--
நட்புடன்
நம்பிக்கைபாண்டியன்

விருந்தோம்பல்

2008-07-10T07:34:00.000-07:00

விருந்தோம்பல்

"இது எனக்குத்தான்,
அது என்னுடயது" என‌
எதற்கும்
எப்போதும்
சண்டையிடும்
சகோதரர்கள் கூட!

வீட்டிற்கு வரும்
விருந்தாளியிடம் மட்டும்!
விருப்பத்துடனே
விட்டுகொடுக்கிறார்கள்!

~நம்பிக்கைபாண்டியன்

சகுனம் ~

2008-06-30T05:36:00.000-07:00

நமக்கேற்ற குடும்பமாக இருப்பதால் எப்படியும் இந்தப்பெண்ணை சம்பந்தம் பேசி முத்துவிட வேண்டும் என்று அன்று ஆவலோடு இருந்தால் திருச்சியிலிருக்கும் ஜானகிய‌ம்மாள்.
மகனும் "பெண்ணை பார்த்துவிட்டு பிடிக்கவில்லை என்றெல்லாம் என்னால் சொல்ல முடியாது"

"நம்மைப்பற்றி அவர்களும், அவர்களை பற்றி நாமும், முன்பே நன்கு விசாரித்து பேசி முடிவெடுத்துவிடுங்கள்,பிறகு விலாசத்தையும் பெண்ணின் புகைபடத்தையும் கொடுங்கள், நான் யாருக்கும் தெரியாமல் பெண்ணை ஒருமுறை நேரில்பார்த்துவிட்டு சொல்லுகிறேன்.புகைப்படத்தில் பெண்ணுக்கும் என்னை பிடித்திருந்தால் பெண்பார்க்க போய் பூ வைத்து உறதி செய்துசெய்துவிட்டு வந்துவிடலாம், இல்லாவிட்டால் பெண்பார்க்கவே செல்லவேண்டாம்!"என்றான் !

அதன்படியே பார்த்துவிட்டு பெண்ணை பிடித்திருக்கிறது என்றான் மகன்.வீட்டில் எந்த நல்லகரியம் என்றாலும் திருச்சி‍_திருவானைக்காவில் வீற்றீருக்கும் அகிலாண்டேஸ்வரியம்மன் கோவிலுக்கு வந்து பிரார்த்தனை செய்து விட்டு ஆரம்பிப்பதே ஜானகியம்மாவின் வழக்கம்.

"நாளை பெண்பார்ப்பதற்கு காலை பத்துமணிக்கெல்லாம் மதுரைக்கு வருவதாக‌ சொல்லிருக்கிறோம்,அப்படியானால் காலை ஆறு மணிக்கெல்லாம் திருச்சியிலிருந்து புறப்பட‌வேண்டும்! அதனால்இன்றே கோவிலுக்கு போய்விட்டு வந்துடுவோம் வாங்க" என்று கணவன் ஜெயராமனை அழைத்துகொண்டு மாலை ஏழுமணிக்கு கோவிலுக்கு சென்றாள் ஜானகியம்மாள்.

இருவரும் அம்மன் தரிசனத்திற் வரிசையில் வந்துகொண்டிருந்தபோது அம்மனுக்கு மிக அருகில் முதல்ஆளாக ‌வந்தபோது திடீரென்று மின்சாரம் தடைபட்டது ஆலயத்திலுள்ள எல்லா மின்விளக்குகளும் அணைந்தன,ஆலயமெங்கும் இருள் சூழ்ந்தது.அடுத்த சில நிமிடங்களில் ஜெனரேட்டர் இயக்கப்பட்டு வெளிச்சம் வந்தது, இருவரும் தரிசன‌ம்முடிந்து கோவிலை சுற்றிவந்து ஒரு இடத்தில் அமர்ந்தனர், ஜெயராமன் கவலை படிந்தமுகத்துடன் அமர்ந்திருந்தார்.

"ஏன் உம்முனு இருக்கீங்க என்றாள்"ஜானகியம்மாள்,
"ஒரு நல்ல காரியத்துக்காக கோவிலுக்கு வந்திருக்கோம் நாம பக்கத்தில் வரும்போது இப்படி அபசகுணம் மாதிரி கரண்ட் போனதால் கோவிலே இருண்டு போய்டுச்சு" அதான் ஒரு மாதிரி இருக்கு இந்த கல்யாணத்தால ஏதாவது சிக்கல் வந்திடுமோனு பயமா இருக்கு" என்றார் ஜெயராமன்.

அதை மறுக்கும் விதமாக மெலிதாக புன்னகையுடன்"கோவிலில் கரண்ட் கட் ஆன விச‌யத்தை ஏன் அப்படி யோசிக்கிறீங்க?அதற்கு பதிலா இப்படி யோசிச்சுப் பாருங்களேன்."

"கோவிலில் எங்குமே செயற்கையான மின்சார விளக்கே இல்லாமல் அம்மன் கருவறையில் இயற்கையான ‌தீபஒளியின் வெளிச்சம் மட்டும் நிரம்பியிருந்ததே அது எவ்வளவு அழகு."

"அதுவும் கருவறை முழுக்க நிறைய தீபங்கள் ஏற்றியிருந்ததால் அவ்வளவு தீபங்களின் வெளிச்சத்தில் அம்மன் பிரகாசமாக தெரிந்ததையும், தீப‌ஆராதனையின்போது அந்த வைரமூக்குத்தியும் தங்ககிரீட‌மும் ஒருநொடிஜொலித்ததை கவனித்தீர்களா!"

"நாம் எத்தனைமுறை இந்த கோவிலுக்கு வந்திருக்கிறோம் ஒருமுறை கூட இப்படி ஒரு அருமையான தரிசனம் கிடைக்கவில்லையே! எத்தனை பேருக்கு கிடைக்கும் இந்த பாக்கியம்!" "நம்ம சக்திக்கு அப்பாற்பட்டு நடக்கும் எல்லாமே நல்லதுக்குன்னு நினைச்சுக்கோங்க!வீணா கவலைபடாதீங்க! எல்லாம் நல்லபடியா நடக்கும்.நேரமாச்சு வாங்க போகலாம்"என்றாள் ஜானகியம்மாள்,அவளின் பாசிட்டிவ் சிந்தனையை கேட்டு ஆச்சர்யத்தோடு பயம் நீங்கிச்சென்றார் ஜெயராமன்.

***************நம்பிக்கைபாண்டியன்******************

காரணம்!

2008-06-27T07:39:00.000-07:00

என் க‌விதைக‌ள்
ந‌ன்றாக‌ இருக்கிறதென்ற‌!
சில‌ ந‌ண்ப‌ர்க‌ளுக்கு
தெரியாது!
அதை
முதலில் படித்தவள்
நீ என்பது!

~நம்பிக்கைபாண்டியன்

பாசம்!

2008-06-18T09:08:00.000-07:00

தாத்தா

பாட்டி

அப்பா

அத்தை

யாருக்கும்,

பால்

பொம்மை

மணி சப்தம்

புத்தகம்

காக்கா

தொலைக்காட்சி

எழுதுகோல்

நாய்குட்டி

வாகனம்

பூனை,

எதற்கும்!

அழுகையை

நிறுத்தாத குழந்தை!

"அம்மா வந்துட்டேன்

செல்லம்"என

அணைத்த நொடியிலேயே

அழுகையின்றி சிரித்தது!

~நம்பிக்கைபாண்டியன்

அட்சயதிருதியை கவிதைகள்!

2008-05-09T07:19:00.000-07:00

1)

அட்சய திருதியைக்கு
உங்கள் வீட்டில்
தங்கம் வாங்குவதில்லையாமே?
நீ இருப்பதினால்!

2)

அட்சய திருதியையில்
தொடங்கும் செயல்கள்
வெற்றியில் முடிந்து
நல்ல பலனை தருமாம்!
என்னைக் காதலிக்கலாமா?
வேண்டாமா? என‌
குழப்பத்திலிருக்கும் நீயும்
இன்றிலிருந்தாவது
என்னைக்
காதலிக்க‌ தொடங்கேன்!

3)

மாதத்தில்
இரண்டுமுறை
திருதியை வந்தாலும்
சித்திரை மாத
வளர்பிறை திருதியைக்கே
அட்சய திருதியை சிறப்பு!

காணும் இடமெங்கும்
கண்ணுக்கழகாய்
பெண்கள் இருந்தாலும்!
உன் ஒருத்திக்கு மட்டுமே
என் மனதில்
காதல்சிறப்பு!

~நம்பிக்கைபாண்டியன்

2008-05-08T07:11:00.000-07:00

நட்பு!

ஐநூறுக்கும்
ஆயிரத்திற்கும்
அன்பளிப்பு
வாங்கி வந்திருந்த‌
நண்பர்களுக்கு மத்தியில்!

நூறு ரூபாய்
மொய்யுடன் சென்ற‌
எனக்குள் எழுந்த‌
தற்காலிக
தாழ்வு மனப்பான்மையை!

மணமகன் கோலத்தில்
மேடையிலிருந்தபடி
உற்சாகமாய் கையசைத்து
புகைப்படம் எடுக்க
அழைத்த‌ நண்பனின்
உரிமையான‌ நட்பு
உடைத்து எறிந்தது!

~நம்பிக்கைபாண்டிய‌ன்

2008-05-08T06:28:00.000-07:00

புகைப்பட ஹைக்கூ..!

தாமதத்திற்கு காரணம்
போக்குவரத்து நெரிசலென்று
பொய்சொல்ல முடியவில்லை!
இரவுப்பணி!

2008-05-07T07:46:00.000-07:00

(கவிதைகள்)

1.மனம்

மதிப்பிற்குரியவர்களாக
இருந்தாலும் கூட!
3.மனதிற்குள்
திட்டிவிடுகிறேன்
மறுக்கப்படும்
நியாயங்களுக்காக!

2.மழை

மாமியார் மருமகள்
சண்டையைப் போல,
நிறுத்தவும் முடியாமல்
ஓங்கியும் பெய்யாமல்
சாரலாய்
முணுமுணுத்துக்
கொண்டே இருக்கிறது
இந்த அடைமழை!

அன்பு

கம்யூட்டரில் கல்வி
கம்யூட்டரில் கடிதம்
கம்யூட்டரில் நிர்வாகம்
கம்யூட்டரில் சினிமா
கம்யூட்டரில் காதல்
கம்யூட்டரில் ஜாதகம்
கம்ப்யூட்டரில் வியாபாரம்
கம்ப்யூட்டரில் ஷாப்பிங்! என‌
தேவைகளும் சேவைகளும்
வளர்ந்துகொண்டே வந்தாலும்,

எந்தக் கம்ப்யூட்டரிலும்
வாங்குவதற்கு வாய்ப்பில்லை!
அம்மாவின் அன்பை!

~நம்பிக்கைபாண்டியன்

2008-05-07T07:43:00.000-07:00

காதலும் இதயமும்

உடலில்
இரத்தத்தை
தூய்மைபடுத்துகிறது
இதயம்!
மனதில்
எண்ணங்களை
தூய்மைபடுத்துகிறது
காதல்!
என் இதயத்தை
பிறரால் பார்க்கமுடியாது
என்னால் மட்டுமே
உண‌ர முடியும்!
என் காதலையும்
என்னால் மட்டுமே
உணரமுடியும்!

உட‌லில்
இத‌ய‌த்தில் ம‌ட்டுமே
அறைகள் உண்டென்று,
அறிவியல் சொல்கிற‌து
அவளை
சிறை வைப்ப‌தற்கு!

நான்
இருக்கும் வ‌ரை
என் இத‌ய‌ம்
துடித்துக்கொண்டிருக்கும்!
நான் இற‌க்கும்வ‌ரை
அவ‌ள் நினைவுக‌ளும்
துடித்துக்கொண்டிருக்கும்!

--ந‌ம்பிக்கைபாண்டிய‌ன்

2008-05-07T07:39:00.000-07:00

களைப்பு!

ஐநூறு
அடி தூரம்
ஓடிய போதும்
தோன்றாத களைப்பு!
ஐம்ப‌து
அடிதூரம்
நடக்கும் பொழுதே
தோன்றியது!
படிக்கட்டுகள்!

~நம்பிக்கைபாண்டியன்

--

2008-05-07T07:18:00.000-07:00

படக்கவிதை!(1)

வாழ்க்கை வாகனத்தில்
சுதந்திரமாய் ஆக்சிலேட்டர்!
கட்டுப்பாடுகளாய் பிரேக்!

முன்னேறிசெல்ல‌
சுதந்திரம்!
விபத்தின்றி செல்ல‌
கட்டுப்பாடுகள்!

இரண்டுமே இருந்தால்தான்
வாழ்க்கையில் அழகுண்டு!
சரியாக பயன்படுத்த‌
சாதிக்க வழியுண்டு!

~நம்பிக்கைபாண்டியன்

2008-03-31T07:15:00.001-07:00

புரிதல்!
(சிறுக‌தை~ந‌ம்பிக்கைபாண்டிய‌ன்)

அம்மாவுக்கும், மனைவிக்கும் வழக்கம் போல சண்டை வந்தாலும், இம்முறை சண்டை அதிகமாகி, கார்த்தியின் மனைவி ராகவி கோபித்துக்கொண்டு அவள் அம்மா வீட்டிற்கு சென்றுவிட்டாள்!இந்த பிரச்சனைக்கு
யாரை குறை சொல்லுவது! யாரை சமாதானப்படுத்துவது! என்று தெரியாமல், இருவருக்கும் இடையில் மாட்டிகொண்டு தினமும் மனஉளச்சலை சந்திப்பது அவனுக்கு பழகிவிட்டது!

திருமணமாகி கடந்த‌ நான்கு வருடங்களில் அவ்வப்போது சண்டை பெரிதாக வ‌ந்தாலும், சண்டைக்கான காரணங்களை ஆராய்ந்துபார்த்தால் மிக மிகச் சாதரணமானதாத்தான் இருக்கும்.
சமைப்பது,தண்ணீர்பிடிப்பது, சமைத்த பாத்திரங்களை கழுவி வைப்பது! சிறு சிறு வீட்டுவேலைகள் செய்வது,டி.வி சேனல் பார்ப்பது!போன்றவற்றில் ஏற்படும் நீயா? நானா? என்ற போட்டிதான் காரணமாக இருக்கும்!

என்ன வேலை செய்தாலும் இருவருமே தாங்கள் செய்த‌ வேலைகளை மிகைப்படுத்தியும், சற்று களைத்த சலிப்புடனும் சொல்லிக்காண்பிப்பார்கள்! சிறிய புலம்பலாக ஆரம்பிக்கும் சண்டை இருவரும் மாற்றி மாற்றி கோபத்தில் பேசும்போது பெரிதாகிவிடுகிறது!

"எனகென்ன இளமையா திரும்புது" என்று தனக்கு வயதானதை காரணமாக சொல்லுவது அம்மாவின் குணம்!
"நான் என்ன சும்மாவ இருக்கேன்? ஆபீஸ்லயும் வேலை பார்த்துட்டு வீட்டுலயும் நான் இவ்வளவு வேலை பார்க்கனுமா?" என்று சொல்லுவது ராகவியின் குணம்! தனித்தனியாக இருவரையும் மாற்றி மாற்றி சமாதானம் செய்வது!கார்த்தியின் குணம்,

இவ்வளவு பிரச்சனைகள் இருந்தாலும் கணவரின் மறைவுக்குபின் வயதான காலத்தில் தனியாக இருப்பது சிரமம் என்பதால், அம்மாவும், இருவருமே வேலைக்குச் செல்வதால் குழந்தையின் பாதுகாப்பிற்காக ராகவியும் தனிகுடித்தனத்தைப் பற்றி யோசித்ததேயில்லை!

மனைவியை உடனே சென்று அழைத்த்து வந்தால் "பொண்டாட்டிதாசன்" என்று அம்மா திட்டுவாள்! சில நாட்கள் கழித்து போய் அழைத்தாள், உங்களுக்கு என்மேல் அக்கறையே இல்லை என்று மனைவி கோபிப்பாள்! என்ன செய்வதென்று குழப்பத்தில் மனம் இருப்பு கொள்ளாமல் தன் அக்காவுக்கு போன்செய்தான்.

குழந்தை பருவத்திலிருந்தே கார்த்திக்கு அவனது அக்கா ஒரு நல்லதோழி என்ற நிலையிருந்து நட்பான ஆலோசனைகள் சொல்லுபவள்! சண்டை பெரிதாகி ராகவி அவள் அம்மா வீட்டுக்கு போனதை சொன்னவுடன்" சரிடா எல்லாம் சரியாகிடும்!வீணாக கவலைப்படாதே!இந்த வாரம் நான் ஊருக்கு வாரேன், உன் மாமியார் வீட்டு போன் நம்பர் கொடு" என்று கேட்டு வாங்கிக்கொண்டாள். குழந்தையும் மனைவியும் சண்டையால் வீட்டில் இல்லாதது கார்த்தியின் மனதுக்கு என்னவோ போல் இருந்தது!

அடுத்தநாளே அக்கா ச‌னி,ஞாயிறு லீவுக்கு வ‌ந்த‌தாக‌ சொல்லிக்கொண்டு இரு குழ‌ந்தைக‌ளையும் அழைத்து வ‌ந்துவிட்டாள்!அக்கா குழ‌ந்தைக‌ளை வ‌ழ‌க்க‌த்திவிட‌ அதிக‌மாக‌ அதிக‌ப்பிர‌ங்கித்த‌ன‌ம் செய்து அம்மாவை வெறுப்பேற்றின‌!அக்காவும் அம்மாவிட‌ம் அவள் திரும‌ண‌த்திற்கு முன்பு வீட்டிலிருக்கும்போது அவ்வ‌ப்போது ச‌ண்டையிட்ட‌தைப்போல‌ இப்போதும் ச‌ண்டையிட‌ ஆர‌ம்பித்தாள், ஞாயிற்றுக்கிழ‌மை மாலை நேரத்தில் ந‌ண்ப‌ர்க‌ளுட‌ன் இருந்துவிட்டு, இரவு அடுத்த ஊரில் இருக்கும் ம‌னைவியை அழைத்து வ‌ர‌லாம் என்று நினைத்துக்கொண்டே வீட்டிற்குள் நுழைந்தான் கார்த்தி!

அக்கா அழுத‌ முக‌த்துட‌ன் துணிக‌ளை எடுத்து வைத்து ஊருக்கு புற‌ப்ப‌ட்டாள்! அம்மாவும் சோக‌மாக‌வே நின்றிருந்தாள், அக்கா சென்ற‌தும் அம்மா கல‌ங்கிய‌ க‌ண்க‌ளுட‌ன்!
" முப்ப‌த்தைந்து வ‌ருட‌மாக‌ என்னுட‌ன் ப‌ழ‌கிய‌ என் ம‌க‌ளே என்னைப் புரிந்துகொள்ளாம‌ல் பேசுகிறாள், அர்த்த‌மில்லாம‌ள் ச‌ண்டையிடுகிறாள், என்ன‌வெல்லாமோ பேசுகிறாள்,அவ‌ளை நாம் எல்லாரும் உதாசீன‌ப்ப‌டுத்துவ‌தாக‌ குறைப‌ட்டுக்கொள்கிறாள்" இந்த‌ கொடுமையை யாரிட‌ம் சொல்லுவேன்"
"இவ‌ளுக்கு உன் பொண்டாட்டி ப‌ர‌வாயில்லைடா, நேத்து வ‌ந்த‌வ‌ளா இருந்தாளும் இந்த‌ அள‌வுக்கு பேச‌மாட்டா! சில‌ நேர‌த்துல‌ பொறுமையா போய்டுவா" முத‌ல்ல‌ போய் அவ‌ளை கூப்பிட்டுவாட‌! என் பேத்திய‌ பார்த்து ரெண்டு நாளாகுது! என்றாள் அம்மா! உட‌னே உற்சாக‌மாய் ம‌னைவியை அழைக்க‌ சென்றான்,
அங்கே மாம‌னார் வீட்டில் இவ‌ன் வ‌ருவ‌து தெரியாவிட்டாலும் புற‌ப்ப‌ட்டு த‌யாராக வாடிய முகத்துடனே இருந்தாள் ராக‌வி!

அங்கிருந்து புற‌ப்ப‌ட்டு பேருந்தில் ப‌ய‌ணிக்கும்போது கார்த்தியின் தோள்க‌ளில் சாய்ந்துகொண்டு விம்மி அழுத‌ப‌டியெ! இந்த‌ முறை அம்மா வீட்டுக்கு ஏன்தான் வ‌ந்தோம்னு ஆகிடுச்சுங்க‌!என்ன‌ ரொம்ப‌ உதாசீன‌ப்ப‌டுத்துறாங்க‌,நான் கூட‌ ப‌ர‌வாயில்ல‌ங்க‌ ந‌ம்ம‌ குட்டி பாப்பாதான் பாவம், யாருமே அவளை ச‌ரியா தூக்க‌வே இல்ல! சரியா கவனிக்கவே இல்லங்க!அம்மா சின்ன பிள்ளைல திட்டுனது மாதிரி இப்பவும் எதையாவ‌து சொல்லி திட்டிட்டே இருக்காங்க‌! கிள‌ம்புற‌ப்போ கூட‌ அம்மாகிட்ட‌ ச‌ண்டை! அதான் போய்ட்டு வ‌ர்றேன்னுகூட‌ சொல்ல‌ல!"

"இருப‌த்தேழு வ‌ருச‌மா ப‌ழ‌கின‌ என் அம்மாவே என்ன‌ புரிஞ்சுக்காம‌ பேசுற‌ப்போ" அத்தை எவ்வ‌ள‌வோ தேவ‌லை! என்ன‌தான் ச‌ண்டை போட்டாலும் அடுத்த‌ நிமிச‌மே ம‌ற‌ந்துட்டு பேசிடுவாங்க‌!ந‌ம்ம‌ பாப்பாவையும் ரொம்ப‌ அக்க‌றையா பார்த்துக்குவாங்க!"என்றாள் ராக‌வி! அப்போதுதான் அம்மாவுக்கும் ம‌னைவிக்கும் இடையே புரிந்துகொள்ளுத‌லை அதிகரிக்க‌ அக்காவின் திட்ட‌மும்,அத‌ற்கு த‌ன் அத்தையின் உத‌வியும் கார்த்தியின் ம‌ன‌துக்கு புரிந்த‌து!இருவருக்கு இடையே புரிந்துகொள்ளுதல் அதிகரிக்கும் போது பிரச்சனைகள் வந்தாலும் சுலபமாய் தீர்க்கக்கூடியதாகத்தான் இருக்கும்! இனி கவலைப்டத் தேவையில்லை என அவர்கள் இருவருக்கும் ம‌ன‌திற்குள் ந‌ன்றிசொல்லி ந‌ம்பிக்கையோடு வீட்டிற்குச்சென்றான்!

2008-03-31T07:13:00.000-07:00

படக்கவிதை!(2)

அருகே
நின்று பார்த்தால்
அழகாக தெரிவதில்லை!

தொலைவில்
நின்று பார்த்தால்
தெளிவாக தெரிவதில்லை!

இடையே
நின்று பார்த்தால்தான்
இயல்பாகத் தெரிகிறது!
கண்ணாடியில் முகம்!

~நம்பிக்கைபாண்டியன்

2008-03-31T07:06:00.000-07:00

வெயிலில்
நிற்பது பேருந்துதான்!
உள்ளே அமர்ந்திருக்கும்
எனக்கு வியர்க்கிறது!
கோடைகாலம்! ~நம்பிக்கைபாண்டியன்

2008-01-25T16:15:00.000-08:00

பலன்!

தவறென்று
நினைத்து
தள்ளிவைத்த ஆசைகள்!

நல்லவன்(ள்)
என்று சொல்லி
நழுவவிட்ட வாய்ப்புகள்!

பின்விளைவுகள்
யோசித்து
விலகிவந்த சூழ்நிலைகள்!

கடவுளுக்கு
பயந்து
கடைபிடித்த கட்டுப்பாடுகள்!

அத்தனையும் சேர்ந்து
அற்புதங்கள் உணர்த்தின!
அன்பு கலந்த‌
இல்லற இரவுகளில்!

~நம்பிக்கைபாண்டியன்!

2008-01-25T16:12:00.001-08:00

புகைப்ப‌ட‌ ஹைக்கூ...

மனம் நிறைந்த
சிரிப்பில்
எல்லோரிடமும்
இருக்கிறது அழகு!

~ந‌ம்பிக்கைபாண்டிய‌ன்!

2008-01-10T06:32:00.000-08:00

பூக்களில் உறங்கும் மெளனங்கள்!

சில‌ பூக்கள்
அழகிற்காக
வாங்கப்படுகின்றன!

சில பூக்கள்
ம(ப)ணத்திற்காக
‌வாங்கப்படுகின்றன!

இரண்டுமே இல்லாமல்
வாங்குபவர் யாருமற்று
வாடிக்கொண்டிருக்கின்றன‌
சில முதிர்பூக்கள்!

இந்தப்பூக்கள்
அழும் சப்தம்
யாருக்கும் கேட்பதில்லை!
அவைகள்
மெளனமாகவே அழுகின்றன!

~நம்பிக்கைபாண்டியன்

(நண்பர் சிறில் அலெக்ஸ் நடத்தும் "நச்"கவிதை போட்டி"க்கு எழுதியது) http://cyrilalex.com/?p=365

2007-12-30T14:37:00.000-08:00

நட்புக்காக!

(சிறுகதை மாதிரி ஆனால் சிறுகதை அல்ல)!

""நாளைக்கு ராத்திரி எல்லோரும் குற்றாலம் போறோம்டா! இந்த வாரம் ஞாயிற்றுக்கிழமை முழுவதும் குற்றாலத்தில்தான் நம் ஆட்டம்!" "ஜான் அண்ணன் சுமோ கார்லதான் போறோம் நம்ம பசங்க எல்லொரும் வராங்க! ரெடியா வந்திரு மச்சான்! என்று கணேஷிடம் சொன்னான் செல்வா! ...ம்ம் சரிடா! மாசக்கடைசியாச்சுல கையில் 500 ரூபாய்தான்டா இருக்கு" என்றான்! இருக்குறத கொண்டுவாடா! நான் பார்த்துக்குறேன் என்றான்" செல்வா!

கணேஷ் வீட்டிற்கு சென்றதும் எதிர் வீட்டில் குடியிருக்கும் தன் காதலி விமலா செல்பேசியில் அழைத்தாள்! "கணேஷ் என் கூட வேலைபாக்குற அடுத்த‌ தெரு பொண்னோட அக்காவுக்கு பக்கத்து ஊர் சிவன் கோவிலில் கல்யாணம் அம்மா என்ன போக சொல்லீட்ட்டாங்க ! மறக்காம வந்திடு கணேஷ்!" என்றாள் விமலா. "கண்டிப்பா வரேன்" என்று சொல்லி விட்டு, நண்பர்களிடம் எப்படி சொல்வது என யோசித்தான்!

கணேசும் விமலாவும் சிலவருடங்களாக காதலிக்கிறார்கள்!இருவர் வீட்டிலும் தெரிந்து எதிர்த்தபின், ஒரே தெருவில் இருந்தாலும் நேரில் சந்தித்துகொள்வதில்லை! இருவரும் வேலை பார்க்கும் அலுவலகங்களும் ஒன்றுக்கொன்று சம்பந்தமே இல்லாமல், நீண்ட தொலைவில் இருக்கின்றன! எனவே அதிகம் சந்தித்துக்கொள்வதில்லை!

யாரேனும் எங்காவது இருவரையும் சேர்ந்து பார்த்ததாக் சொல்லிவிட்டால் அப்பாவின் கோபத்திற்கு ஆளாக முடியாது என்பதால், ஞாயிற்றுக்க்கிழமைகளில் கூட வீட்டை விட்டு எங்கும் செல்லாத சூழ்நிலையில் இருப்பவள் விமலா!ஆனாலும் பேசும் விதத்தில் பேசினால் அப்பா சம்மதிக்கும் குணம் உடையவர் என்பதால் நம்பிக்கையோடு காதலித்தால்! தொலைபேசி பேச்சு மட்டும் தினமும் நடக்கும்! இது போல அரிதாக கிடைக்கும் சந்தர்ப்பர்களில்தான் சந்தித்துக்கொள்வார்கள்!

செல்வாவுக்கு போன் செய்து" சாரிடா மச்சான் விமல பக்கத்து ஊர் சிவன் கோவிலுக்கு கல்யாணத்துக்கு போறாளாம் வர சொல்லுறா!நான் போகலாம்னு நினைக்கிறேன்! நீங்க மட்டும் குற்றாலம் போய்ட்டு வாங்கடா! நான் அடுத்த முறை வரேன்!"'என்றான் கணேஷ்.

செல்வாவிற்கு கோபம் உச்சந்தலைக்கு ஏறியது! "ஏண்டா மச்சான் இப்படி இருக்க! நீ வரலைனா நம்ம பசங்க பாதி பேரு வரமாட்டானுங்கடா எவ்வளவு கஷ்டப்பட்டு எல்லோரையும் ஒன்னுசேர்த்திருக்கென் தெரியுமா! லவ்வுலாம் இன்னைக்கு இருக்கும்! நளைக்கு விட்டுட்டு போனாலும் போய்டும்டா, நம்ம ஃப்ரண்ட்ஷிப் அப்படியாடா"என்றான் செல்வா!
கணேஷ்" சாரிடா மச்சான் என்ன புரிஞ்சுக்க!" என்றதும்,கோபத்தில் செல்வா இணைப்பை துண்டித்தான்!

கணேஷ் வரவில்லை என்றதும் சில நண்பர்கள் வரவில்லை என்றார்கள் அவர்கள் வரவில்லை என்றால் நாமும் போகவேண்டாம் என்றார்கள் மற்ற நண்பர்கள், கடைசியில் குற்றாலம் செல்லும் திட்டமே கைவிடப்பட்டது!
கணேஷ் திருமணத்திற்கு சென்று விமலாவுடன் சில மணிநேரங்கள் நிறைய‌ பேசிவிட்டு நீண்ட நாட்களுக்கு பிறகு இப்படி ஒரு சந்தர்ப்பம் அமைந்ததால் மகிழ்ச்சியுடன் திரும்பினான்!

இடையில் செல்வாவின் எண்ணிற்கு போன் செய்துபார்த்தான், அவன் இன்னும் கோபம் குறையாமல் இருந்ததால் எடுக்கவில்லை! மறுநாள் எதிரே பார்த்தபோதும் கண்டும் காணாததுபோல் போய்விட்டான்!முன்று நாட்களாகியும் பேசவில்லை!SMS அனுப்பியும் எதற்கும் பதில் அனுப்பவில்லை,என்ன செய்வது என்று யோசித்த கணேஷ் அலுவகத்தில் உணவு இடைவேளையின் போது தன் இ_மெயில் முகவரியில் இருந்து செல்வாவின் இ_மெயில் முகவரிக்கு மெயில் ஒன்றை அனுப்பினான்!

""ஹாய்டா மச்சான்!
எப்பிடியிருக்க? ஏண்டா மூணு நாளா பேச‌மாட்டிங்குற!
அவ்ளோ பெரிய ஆளாகிட்டியாடா நீ! நான் வேணும்னே அப்படி செய்யலடா என் சூழ்நிலை அப்படி! உனக்கே தெரியும் நானும் விமலாவும் நேர்ல பேசி ரொம்ப நாள் ஆச்சுனு!அதான் போய்ட்டேன்!நீ கோபிக்கிற அள‌வுக்கு நான் தப்பு எதுவும் பண்ணின மாதிரி எனக்கு தோன‌லடா! உன் கோபத்த மாத்திட்டு எப்ப‌வும் போல பேசுடா!
ஃப்ரண்ர்ஷிப்பவிட காதல் பெரிசுனு நான் நினைக்கலடா! ரெண்டுமே வேற வேற மாதிரி அதுகேத்தமாதிரிதான் நான் நடந்துகிட்டேன், எப்படினு கேக்குறியா?

நீ எனக்கு ரொம்ப வருசமா பெஸ்ட் ஃப்ரண்டு! ஆனா விமலா எனக்கு மூணு வருசமாதான் லவ்வர்! எப்பவும் இதே மதிரி இருக்க முடியாது, அடுத்த வருசமே கல்யாணம் முடிஞ்சா வாழ்க்கை அன்பு ஆசை சண்டைனு எல்லாம் கலந்து நிறையவே மாறிடும்!இப்போ மாதிரி அப்போ இருக்கமுடியாது!ஆனா நம்ம ஃபிரண்ட்ஷிப் அப்படியாடா? எப்பவும் இதே மாதிரி பெஸ்ட் ஃப்ரண்ட்ஸாதானடா இருப்போம்! லவ்வ புரிஞ்சுகிட்டு ஃப்ரண்ஷிப்பா நீ நம்ம சந்தோசத்த விட்டுகொடுப்ப! ஃபிரண்டிஷிப்ப புரிஞ்சுகிட்டு தன்னோட சந்தோசத்த அவ விட்டுகொடுக்கமாட்டா! ஏன் எந்த லவ்வரும் தன்னோட சந்தோசத்த விட்டுக்கொடுக்குறதில்லை!லவ்வு பிடிவாதம் பிடிக்கும்டா!ஃபிரண்ட்ஷிப்தாண்டா ம‌ச்சான் அணுச‌ரிச்சு போகும்! அதுதாண்டா மச்சான் நம்ம ஃபிரண்ட்ஷிப்போட ஸ்பெசலே!

லவ் விசயத்துல எதாவது ப்ரோகிராம்னா வாய்ப்பு கிடைக்கிறப்போவே யூஸ் பண்ணிக்கிட்டாதான்!இல்லாட்டி அவ்ளவுதான்!ஆனா ஃப்ரண்ஷிப் ப்ரோகிராம எப்ப வேணும்னாலும் எப்படி வேணும்னாலும் மாத்திக்கலாம் மச்சான்!
எதாவ‌து பிர‌ச்ச‌னைனா நீங்க‌ள்லாம் உத‌வி ப‌ண்ண‌ இருப்பீங்க‌ன்ற‌ தைரிய‌த்துல‌தாண்டா நான் தைரிய‌மா காத‌லிக்கிறேன் நீயே இப்ப‌டி இருந்தா எப்ப‌டிடா? வேலை முடிஞ்ச‌தும் ஏழு ம‌ணிக்கு சிவா க‌டைக்கு வ‌ந்திருடா! நான் அங்கேயே இருக்கேன் ! ம‌ற‌ந்துடாதே!!

உன் ந‌ண்ப‌ன்
க‌ணேச‌ன்

அடுத்த‌ சில‌ ம‌ணி நேர‌ங்க‌ளில் செல்வா செல்பேசியில் க‌ணேசை அழைத்தான்!
"டேய் மச்சான் இந்த‌ ஞாயிற்றுக்கிழ‌மை கண்டிப்பா குற்றால‌ம் போறோம்டா! எல்லார் கையில‌யும் ச‌ம்ப‌ள‌க்காசு இருக்கும் நல்லா செல‌வு செய்ய‌லாம்!" என எதுவும் ந‌ட‌க்காத‌துபோல் எப்போதும் போல‌ இய‌ல்பாக‌ பேசிக்கொண்டிருந்தான் செல்வா! மெயில் ப‌டித்ததும் ச‌மாதான‌மாகிவிட்டான் என்ப‌து கணேசுக்கு புரிந்தது!
"ச‌ம‌தான‌மான‌ அடுத்த‌ நிமிட‌மே, சண்டைகளை மறந்துவிடுவதே நட்புக்கு அழகு!" என்ப‌தை உண‌ர்ந்த‌வ‌ர்க‌ளாக இருவரும் பேசிகொண்டிருந்தார்க‌ள்!

~நம்பிக்கைபாண்டியன்~

2007-12-30T14:31:00.000-08:00

முரண்பாடு
அன்றொரு நாள்
வெளியே
காத்திருப்பவனாய்,
நிறுத்தத்தில் நிற்காத‌
பேருந்தை பார்த்து
சபித்துச் சொன்ன மனசு!

மற்றொரு நாள்
உள்ளே
அமர்ந்திருப்பவனாய்,
நிறுத்தத்தில் நிற்கும்
பேருத்தை நினைத்து
"இத்தனை நிறுத்தங்களா"
என சலித்துக் கொள்கிறது!

~நம்பிக்கைபாண்டியன்

2007-12-30T14:22:00.000-08:00

உரை பார்வை பூக்களால் முன்னுரை
எழுதத் தொடங்கிய‌
நம் காதல் கட்டுரைக்கு!
பிரிவு முட்களால்
முடிவுரை
எழுதியதேனடி?

~நம்பிக்கைபாண்டியன்

2007-12-14T03:40:00.000-08:00

பாரதியே! எதையாவது

எழுதிவிட்டு

கவிதை

என்று சொல்லும்,

என்

தகுதியில்லா

தலைக்கணத்தில்!

நறுக்கென்று

குட்டியது!

உன்

நல்லகவிதை ஒன்று!
~நம்பிக்கைபாண்டியன்

2007-12-14T03:30:00.000-08:00

நட்பு!

வருடங்கள் ஓடியதால்
பருவங்கள் மாறியது!
ப‌ருவங்கள் மாறியதால்
உருவங்கள் மாறியது!

உருவங்கள் மாறினாலும்
உள்ளங்கள் மாறாமல்!
அன்றுபோல் இன்றும்
உயர்ந்தே இருக்கிறது
நம் உன்னத நட்பு!

~நம்பிக்கைபாண்டியன்